بە ئامادەبوونى هەریەک لە (سەمیر عەبدولا) وەزیرى شارەوانى و گەشت و گوزارى هەرێم و (نەوزاد هادى) پارێزگارى هەولێر و (سۆران ئەبوبەکر عەزیز) جێگرى سەرۆکى ژوورى بازرگانى و پیشەسازى هەولێر و بە بەشدارى زیاتر لە 200 کۆمپانیاى بیانى لە 14 ولاتى جیهانەوە پێشنیوەرۆى رۆژى یەک شەممە 13/12/2009 پێشانگاى نێودەولەتى شارەوانى و پیشەسازیەکانى بەرد و سیرامیک لە هەولێر کرایەوە. لە ووتەیەکیدا سۆران ئەبوبەکر جێگرى سەرۆکى ژوور کردنەوەى ئەم پێشانگایەى بە گرنک وەسف کرد لە ئاوەدان کردنەوەى هەرێمى کوردستان و خۆشحالی خۆى دەربرى لە بەرامبەر بەشداریکردنى ژمارەیەکى بەرچاو لە کۆمپانیا ناودارەکانى تورکیا لەم پیشانگایەدا لە رێژەى وتەیەکدا ئاگادارى کۆمپانیا بەشداربووەکان کردەوە کە بۆ هەر کار و پرسیار و هاوکاریەک کە پەیوەندى بە کاروبارى بازرگانى و پیشەسازیەوە هەبێت پەیوەندى بە ژوورەکەمانەوە بکەن. دواى برینى شریتى کردنەوەى پێشانگا لە لایەن نەوزاد هادی پارێزگارى هەولێر، تەواوى پیشانگاکە بەسەرکرایەوە.