رۆژی 10/3/2014بە هەمان شێوەی دەزگا حكومیەكان و لە چوارچێوەی پابەندبوون بە رێنماییەكانی حكومەت لە بەرنامەی گرنگیدان بە جل و بەرگی كوردی لەگەڵ كردنەوەی دەوامی ئاسایی هەریەكە لە سەرۆكی ژوور و ئەندامانی ئەنجومەنی كارگێڕی و ژمارەیەكی بەرچاو لە فەرمانبەران و كارمەندانی ژوور بە بۆنەی رۆژی پۆشینی جل و بەرگی كوردییەوە دەوامی ئاسایی یان بەڕێكرد.
هەر بەم بۆنەیەوە دارا جەلیل خەیات سەرۆكی ژوور رایگەیاند من رۆژی پۆشینی جل و بەرگی كوردی بە گرنگ دەزانم و خۆشبەختانەش حكومەتی هەرێمی كوردستان هەموو ساڵێك لە مانگی ئاداردا رۆژێك بۆ پۆشینی جل و بەرگی كوردی دانراوە ، هیوادارم پەرلەمانی كوردستان دەكەم بەفەرمی رۆژێك لەو مانگەدا بۆ پۆشینی جل و بەرگی كوردی جێگیر بكات تا هەمووان خۆمان بۆ رۆژێكی لەم شێوەیە باشترئامادە بكەین.
هەروەها وتی لەگەڵ ئەوەی زۆربەی دامودەزگا حكومییەكان ئەو رۆژەیان بە بەرز راگرتووە ئێمەش وەك رۆلەیەكی ئەم نیشتمانە و دەزگایەكی كاریگەر لە كوردستان كە ژووری بازرگانی و پیشەسازی هەولێرە ئەوە دووپات دەكەینەوە كە هەموو كات ژوورەكەمان لەگەڵ بۆنە و یادەكانی میللەتەكەماندا رۆڵی خۆی دەبێت.