بە بەشداری 150 كۆمپانیا نۆیەمین پێشانگای تایبەتی كۆماری ئیسلامی لە هەولێر كرایەوە تا 11/6 بەردەوام دەبێت
رۆژی 5ی حوزەیران سەمیر جەماعی باڵیۆزی تونس لە عێراق و شاندی یاوەری كە نوێنەرایەتی 20 كۆمپانیای تونسیان كردبوو سەردانی ژووریان كرد و لە لایەن ئیبراهیم سۆفی جێگری یەكەمی سەرۆكی ژوور پێشوازییان لێكرا.
لە دیدارێكدا سەمیر جەماعی زۆر سوپاسی ژووری كرد كە پاڵپشت و هۆكاری سەرەكی بوون بۆ كردنەوەی هێڵی ئاسمانی لە نێوان هەردوولا و دەست خۆشی لێكردن بۆ ئەو هەموو یارمەتیە و ماندوبوونەی كە لەماوەی مانەوەیان دا لە هەرێمی كوردستان هاوكار و هەماهەنگی بازرگانان و خاوەن كۆمپانیاكانی تونس بوونە.
وە پاشان شاندی یاوەری كە نوێنەرایەتی 20 كۆمپانیای تونسیان دەركرد لە بوارە جۆراو جۆرەكان داوایان لە جێگری یەكەمی سەرۆكی ژوور كرد كە گرنگترین ئەو یاساو رێنماییانەیان بۆ بخاتە روو كە بەهۆیەوە تا بتوانن كاری وەبەرهێنان لە هەرێمی كوردستان بكەن و لقی كۆمپانیاكانیان بكەنەوە.
لە لایەن خۆشیەوە ئیبراهیم سۆفی زۆر سوپاسی كردن وە دەست خۆشیلێكردن بۆ ئەم هەنگاوە و هیواشی خواست بە كردنەوەی ئەم هێڵە لە ماوەی داهاتوودا پێشكەوتنی بازرگانی بەرچاو رووبدات لە نێوان هەردوولا.
پاشان گرنگترین ئەو یاسا و رێنماییانەی بۆیان روونكردەوە كە بەهۆیەوە دەتوانن بازرگانانی تونس دەتوانن وەبەرهێنان لە هەرێم بكەن و لقی كۆمپانیاكانیان بكەنەوە ئامادەیی خۆیی و ژووریشی دەربڕی بۆ هەموو پاڵپشتییەك.
لە یەكەم كاردانەوەشیان شاندی تونس بڕیاریاندا لە نزیكترین دەرفەتدا لقێكی كۆمپانیای جل و بەرگ لە شاری هەولێر بكەنەوە.
رۆژی 4ی حوزەیران شاندێكی ژووری بازرگانی و بازرگانانی شاری موشی توركیا بە سەرۆكایەتی جێگری سەرۆكی ئەو ژوورە سەردانی ژووریان كرد و لە لایەن سۆران ئەبوبەكر جێگری دووەمی سەرۆكی ژوور پێشوازییان لێكرا.
لە دیدارێكدا شاندی میوان خۆشحاڵی خۆیان بەم سەردانە دەربڕی و روونیان كردەوە ئەوە یەكەم جارە سەردانی هەرێم دەكەن و ئامانجیشیان بۆ لە نزیك ئاگاداربوونە لە بازاڕەكانی هەرێمی كوردستان و زانینی یاسا و رێساكانی چۆنیەتی دامەزراندنی كۆمپانیا و كردنەوەی لق بریاریشیاندا لە ماوەی داهاتوو بە كۆمەڵێك كۆمپانیاو بازرگانانی ترەوە سەردانی هەولێر بكەن و لقی كۆمپانیای خۆیان بكەنەوە، داوەتێكیشیان پێشكەشی ژوور كرد بۆ ئەوەی سەردانیان بكەنەوە.
لە لایەن خۆشیەوە جێگری سەرۆكی ژوور زۆر بەخێرهاتنی كردن و یاسا و رێساكانی چۆنیەتی دامەزراندن و كردنەوەی لقی كۆمپانیا و كارگەی بۆیان روون كردەوە و پاڵپشتی ژووریشی بۆ هەموو جۆرە هاوكارییەك دەربڕی.