رۆژی 4/2/2015 دارا جەلیل خەیات سەرۆكی ژوور بارەگای ژوور پپێشوازی لە ئیریك ئۆڤەرێست راوێژكاری سەرەكی پەرەپێدان و خاتوو میزوهو یۆكۆی شارەزا لە پرۆگرام لە لە رێكخراوی نەتەوە یەكگرتووەكان بۆ پەرەپێدان (UNDP) كرد.
لە دیدارێكدا كە گوڵاڵە نوری بەڕێوبەری بەشی سەنتەری زانیاری كار  تیایدا ئامادە بوو، شاندی میوان خۆشحاڵی خۆیان بۆ ئەم سەردانە دەربڕی و ستایشی رۆڵی كەرتی تایبەتیان كرد لە ئاوەدانكردنەوەی كوردستان و خۆشحاڵی خۆشیان دەربڕی بە ئیمزاكردنی پرۆتۆكۆلێكی لێكگەیشتن لە نێوان رێكخراوەكەیان و سەنتەری زانیاری كار و ژوور بۆ پەرەپێدانی 7 پرۆژەی مامناوەندی لە هەرێمی كوردستان.
لە لایەن خۆیەوە سەرۆكی ژوور دوای بەخێرهێنانیان خۆشحاڵی خۆی دەربڕی بۆ ئەم سەردانەو و پاڵپشتی خۆیی و ژووری نیشاندا بۆ هەموو جۆرە هاوكارییەك.
شایانی باسە پەرەپێدانی ئەم 7 پرۆژە مامناوەندییە لە لایەن رێكخراوی ((UNDP ، بۆ كۆمپانیا خۆماڵیەكانە دوای ئەوەی كە كۆمپانیاكان پرۆژەكانیان پێشكەشی ژوور دەكەن لە رێگەی لێژنەیەكی هاوبەش لە نێوان رێكخراوی ((UNDP و سەنتەری زانیاری كار لە ژوور 7 پرۆژە هەڵدەبژێردرێ، وە لەهەمان كات دا دەبێتە هۆی دابین كردنی هەلی كار بۆ نزیكەی 150 ئافرەتی بێ كار چونكە مەرجە پرۆژە هەڵبژێردراوەكان دەبێت ژمارەیەك لە ئافرەتی پەنابەر یاخود ئاوارە یاخود ئافرەتێك كە سەرچاوەیەكی نەبێت بۆ بژێوی رۆژانەی لە لای خۆی دابمەزرێنێت بە مووچەیەك.
وە ئەو پرۆژانە لە رێگەی پرۆگرامێكەوە پەرەیان پێدەدرێ كە بریتیە لە خولی راهێنان و كۆرسی فێركردنی جیاواز بە پێی جۆری پرۆژەكە.
 
 
بڵاوكراوه‌ته‌وه‌ له‌ هه‌واڵ
لە رۆژی جیهانی گومرگ رۆژی 26/1/2015 لە هۆتێل رۆتانا لە شاری هەولێر یەكم كۆنفڕانسی گومرگەكانی هەرێمی كوردستان بەڕێوەچوو.
لەم كۆنفڕانسەدا دارا جەلیل خەیات سەرۆكی یەكێتی ژوورەكانی بازرگانی و پیشەسازی هەرێمی كوردستان و بەڕێوبەری گشتی دیوانی وەزارەتی هەرێم و ژمارەیەك لە بەرپرسان و بازرگانان ئامادەی بوون.
لە وتەیەكیشدا دارا جەلیل خەیات رایگەیاند: داواكارین ئاسانكاری زیاتر بكرێت لە خاڵە گومرگیەكان بۆ بازرگانان چونكە دەورێكی باڵایان هەبووە لە هێنانی بازرگانانی دەرەوە و ئاوەدانكردنەوەی كوردستان بە پێی پێوەرە جیهانیەكان كاری گومرگەكانی هەرێمیش بگرێتەوە.
پاڵپشتی خۆی و ژوورەكانی بۆ هەموو یاسایەك دەربڕی كە لە بەرژەوەندی هاوڵاتیان و بازرگانان بێت.
بە پێ ی رێبەری بڵاوكراوەی گومرك، بەڕێوبەرایەتی گومرك، لە هەشت بەڕێوبەرایەتی پێك دێت و سەرپەرشتی 3 دادگای گومرگی لە هەولێر و سلێمانی و دهۆك دەكات و سەرپەرشتی كۆمەڵگە دەروازەییەكانی ئیبراهیم خەلیل و باشماغ و پەروێزخان و حاجی ئۆمەران و فرۆكەخانەی نێودەوڵەتی سلێمانی پێك دێت.
 
بڵاوكراوه‌ته‌وه‌ له‌ هه‌واڵ
بە چاودێری نێچیرڤان بارزانی سەرۆكی حكومەتی هەرێمی كوردستان و بەسەرپەرشتی یەكێتی ژوورەكانی بازرگانی و پیشەسازی هەرێمی كوردستان بە هەماهەنگی لەگەڵ یەكێتی ژوورەكانی بازرگانی عێراق و ئەنجومەنی كاری بەریتانی – عێراقی (IBBC) بریار وایە لە رۆژانی 1-2/3/2015 كۆنفڕانسێك لە شاری هەولێر لە ژێر ناونیشانی (كۆنغرانسی كاری هەولێر) دەربارەی (دەرفەتی كار و پەیوەندیەكانی نێوان بەریتانیا و هەرێمی كوردستان و عێراق) سازبكرێت .
لەم كۆنفڕانسەدا ژمارەیەكی بەرچاو لە كۆمپانیا بەریتانیەكان و بەرپرسانی فەرمی و بازرگانان و خاوەن كۆمپانیا و وەبەرهێنەران بازرگانان و وەبەرهێنەرانی خۆماڵی شارەكانی كوردستان و عێراق بە گشتی بەشداردەبن. بە مەبەستی تاوتوێ كردنی هەلی كار و وەبەرهێنان لە هەرێمی كوردستان و و دۆزینەوەی هەلی كار و كاركردنی هاوبەش لەگەڵ لە نێوانیاندا .
لە ئێستاوە ژوورەكانی بازرگانی هەرێمی كوردستان ئامادەكاری دەكات بۆ رێكخستن و بەرێوەبردنی ئەو كۆنفرانسە بۆ بەشداری پێكردنی زیاتری بازرگان وەبەرهێنەران بۆ ئەوەی لەرێگەی ئەو كۆنفرانسەوە هەلی زیاتر بۆ كۆمپانیا ناوخۆیی و بەریتانیەكان برەخسێنێت لە پێناو سوود وەرگرتن لە زانیاری تاقی كردنەوەكانی هەردوو لا بۆ بەشداری كردنی باشتر لە پرۆسەی ئاوەدانكردنەوەی كوردستان و سوود وەرگرتنی زیاتر لە سەرچاوەی سروشتی و توانا شاروەكانی هەرێمی كوردستان و عێراق .
ئەنجومەنی كاری بەریتانی – عێراقی (IBBC) تۆڕێكی بازرگانی بەهێزە لە لایەن حكومەتی عێراقی و بەریتانی و یەكێتی ئەوروپاوە پاڵپشتی دەكرێت، لە هەریەكە لە شارەكانی لەندەن و بەسرە و هەولێر نوسینگەیان هەیە، ساڵانە چەندین كۆنفڕانس و دیداری ئابووری رێكدەخات لە نێوان بازرگانانی هەرێم و عێراق و بەریتانیا، تا ئێستا دەورێكی باڵای هەبووە لە هێنانی ژمارەیەكی زۆر لە كۆمپانیا بەریتانیەكان بۆ عێراق و هەرێمی كوردستان.
 
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑