تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: پێنج شەممە, 30 حوزەیران 2016
لە درێژەی سەردانەكانی شاندی بازرگانی هەرێم بۆ پتەو كردن و بەهێز كردنی پەیوەندییە بازرگانیەكان لەگەڵ كۆمپانیا و خاوەن كار و كاربەدەستانی بازرگانی ویلایەت یەكگرتووەكانی ئەمریكا  بە سەرۆكایەتی د. دارا جەلیل خەیات سەرۆكی ژوور، شاندی بازرگانی هەرێم رۆژی 30/6/2016 سەردانی بەڕێوبەرایەتی نەوت و گازی شاری لۆنج بیجیان كرد لە ویلایەتی كالیفۆڕنیا لە ئەمریكا لە لایەن بۆب دۆوێڵ بەڕێوبەر و كیڤن تۆوگاس بەڕێوبەری كاروبارە نەوتیەكان لە بەڕێوبەرایەتی نەوت و گازی شاری لۆنج بیج پێشوازییان لێكرا.
لە دیدارێكدا باس لە هەماهەنگی و پتەوكردنی زیاتری كۆمپانیاكانی نێوان هەرێم و ئەم شارە كرا لە سێكتەرە.
لە هەمان كات دا باسیان لە دوایین قەیران كرد كە توشی كەرتی نەوت و گاز بووە بە هۆی دابەزینی نرخەكەیەوە، بۆیە هەردوولا هاوڕا بوون لەسەر ئەوەی كە پێویستە پەرە بە كەرتەكانی تریش بدرێت و بە تەنیا ئابووری شارێك یان وڵاتێك بە كەرتی نەوت نەبەسترێتەوە، لە هەمان كات دا گەشببین بوون بەوەی كە لە ماوەی داهاتوو نرخی نەوت بەرز بێتەوە.
 
بڵاوكراوه‌ته‌وه‌ له‌ هه‌واڵ
لە درێژەی ئەو پڕۆگرامەی کە شاندی بازرگانی هەرێمی کوردستان بۆ ویلایەتە یەكگرتووەكانی ئەمەریكا دایڕشتووە، رێكەوتی 26/6/2016 گەیشتنە ویلایەتی باکووری داكوتا و لەلایەن بەرپرسی پەیوەندیەكانی شاری ماینوت لە فرۆكەخانە پێشوازیان لێکرا.
 رۆژی  27/6/2016شاندی بازرگانی هەرێم سەردانی پارێزگاری شاری ماینوتیان كرد و لەگەڵ پارێزگاری ئەو شارە كۆبوونەوە، لە دیدارێکدا باس لە رەوشی ئابووری و بازرگانی شارەكە كرا، پارێزگاری شاری ماینوت وتی: شارەکەیان ماوەی شەش ساڵە لە كەرتی نەوت سوود مەند بووە، وتیشی: سەرقاڵی داڕشتنی پلانێکن بۆ ئەوەی لە ماوەی داهاتوودا تەنیا پشت بە سێکتەری نەوت نەبەستن پەرە بە سێکتەرەکانی وەکو كەرتی كشتوكاڵ و پیشەسازی خۆراک بدەن.
دواتر د. دارا جەلیل خەیات سەرۆكی ئەم شاندە و سەرۆکی ژووری بازرگانی و پیشەسازی هەولێر باسی لە رەوشی ئابووری و بازرگانی هەرێمی كوردستان كرد داوای لە كۆمپانیاكانی ئەو شارە كرد بێنە كوردستان و بەشداری لە کەرتی وەبەرهێنان و بازرگانی هەرێم بكەن، لە بەرامبەردا ئەوان ئامادەیی خۆیان دەبڕی كە بتوانن یارمەتی هەرێمی كوردستان بدەن بۆ هەمەجۆركردنی ئابووریەكەی و نابێت هەرێم تەنها پشت بە نەوت ببەستێت، بەڵكو دەبێت پەرە بە سێكتەرەكانی دیكە وەكو كشتوكاڵ و گەشتیار و پیشەسازیش بدات.
هەر لە هەمان رۆژ دا شاندی بازرگانی هەرێمی کوردستان سەردانی سەرۆكی یانەی بازرگانی ئەو شارەیان كرد و لەلایەن ڤالورین ئارونس سەرۆكی یانەكە و خاتوو جینی جاسكجولین سەرۆكی شارەوانی دینیس لیندهال پێشوازیكران.
لە كۆبوونەوەیەكدا باس لە پتەوكردن و هاوكاری و هەماهەنگی نێوانیان كرا لە پەرەپێدانی بازرگانی و گۆڕینەوەی زانیاریەکان و سوود وەرگرتن لە ئەزموونی یانەی بازرگانی ئەم شارە.
شایانی باسە شاندی بازرگانی هەرێمی کوردستان پێکهاتووە لە د. دارا جەلیل خەیات سەرۆكی ژووری  بازرگانی هەولێر، سیروان محمد سەرۆكی ژووری بازرگانی سلێمانی، ئەیاد حەسەن سەرۆكی ژووری بازرگانی دهۆك و سەباح سالحی سەرۆكی ژووری بازرگانی كەركوك. هەروەها سەدرەدین كەمال و عبدالكریم مستەفا ئەندامانی ژووری بازرگانی و پیشەسازی هەولێر و خەلیل نەزیز ئەندامی ژووری بازرگانی و پیشەسازی دهۆك و ئازاد ئەحمەد بەرێوەبەری پەیوەندیەكانی ژووری هەولێر یاوەری ئەم شاندەن.
 
بڵاوكراوه‌ته‌وه‌ له‌ هه‌واڵ
له‌ درێژه‌ی سه‌ردانی شاندی بازرگانی هه‌رێمی كوردستان بۆ ویلایه‌ته‌ یه‌كگرتوه‌كانی ئه‌مریكا له‌ رۆژی 23/6/2016 شاندی بازرگانی هەرێم بە یاوەری به‌یان سامی عەبدولڕحمان نوێنه‌ری حكومه‌تی هه‌رێمی كوردستان  لە ئەمریکا وە كۆمه‌لێك پیاوانی خاوه‌ن كاری كوردی دانیشتووی ئه‌مریكا وچه‌ندین كۆمپانیای ئه‌مریكی به‌شداریان كرد له‌ دیدارێکی ئابووری کە لە لایەن ئه‌نجومه‌نی كاری ئه‌مریكا- كوردستان لە شاری واشنتۆن رێکخرابوو. سه‌ره‌تای دیدارەکە وتەی بەخێرهێنان له‌لایەن دیڤید ته‌یفوری سه‌رۆكی ئه‌نجومه‌ن پێشكه‌ش کراو لەهەمان کات دا باسی له‌ چۆنیه‌تی به‌ره‌و پێش‌بردنی په‌یوه‌ندیه‌ ئابوریه‌كانی نێوان هەرێمی کوردستان و ئەمریکای کرد لە گشت سێکتەرەکان، دواتر خاتوو به‌یان سامی عەبدولڕحمان نوێنه‌ری حكومه‌تی هه‌رێمی كوردستان له‌ ئه‌مریكا ووته‌یه‌كی پێشكه‌ش كرد و باسی له‌ ره‌وشی بازرگانی و گرنگترین گۆڕانکارییە ئابووری یەکانی ناوچەکە کرد، هیوای خواست لە ماوەی داهاتوودا پەیوەندی بازرگانی لە نێوان هەردوولا بەرەو پێش بچێت و پەرەی زیاتری پێ بدرێت، دواتر د. دارا جه‌لیل خه‌یات سه‌رۆكی ژووری بازرگانی و پیشەسازی هەولێر له‌ ووته‌یه‌ك دا رایگه‌یاند: كه‌ هه‌رێمی كوردستان پێویستی بە شارەزا و پسپۆڕی ئابووری ئەمریکی هەیە بۆ ئەوەی بتوانن سوود لە ئەزموونی ئەوان وەربگرن بە تایبەت لە کاتێکی وا دا کە هەرێمی کوردستان بە قەیرانی دارایی تێپەڕدەبێت، وتیشی: هەموو ئاسانکارییەک لە لایەن حکومەتی هەرێم کراوە بۆ هەر بازرگانێک یان وەبەرهێنێک کە بیەوێت وەبەرهێنان لە هەرێمی کوردستان ئەنجام بدات، وە سەرۆکی ژوور داوای لە کۆمپانیا ئەمریکیەکان کرد کە لقی کۆمپانیاکانیان لە هەرێم بکەنەوە و بەشداربن لە ئاوەدانکردنەوەی.
 
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« April 2019 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑