ئاگاداری
شانشینی ئوردن بە پشتگیری ئەوروپا بەنیازە پرۆژەیەكی كارەبایی بە وزەی خۆر بە توانای (5) مێگاوات بۆ ناوچەی شین لەو وڵاتە دابمەزرێنێ.
كونسوڵیەی گشتی ئوردن بە نوسراوێكی فەرمی بە ژوورەكەمانی راگەیاندووە كە هەر كۆمپانیایەكی كوردستان لەخۆی رادەبینێت ئەم پرۆژەیە جێ بە جێ بكات بۆی هەیە لە رێگەی كونسوڵیەوە بەشداری لە پرۆسەی گرتنەوەی پرۆژەكە بكات.
ئاگاداری
بۆ سەرپەرشتی و چارەسەركردنی گرفتی تەكنیكی سیستەمی ئەلیكترۆنی ژوور كە لە ماوەیەكی نزیكدا كاری پێ دەكرێت ژوورەكەمان پێویستی بە كۆمپانیایەكی پسپۆڕ و تایبەتمەند بە بواری (IT) هەیە كە لە توانایدابێت بەو كارە هەستێت، دەتوانی لە ماوەی دە رۆژدا لە بەرواری بڵاوكردنەوەی ئەم ئاگادارییە سەردانی ژوورەكەمان بكات بۆ وەرگرتنی زانیاری و مەرجەكانی كاركردن بە مەبەستی پێشكەشكردنی بە ژوور/ بەشی ژمێریاری لە ماوەی (10) رۆژدا لەناو زەرفێكی مۆركراو دابێت، ئەو كۆمپانیایەی رەزامەندی لەسەر دەدرێت دەبێ ئەم مەرجانەی خوارەوەی تیادابێت و پابەند بێت پێ ی:
1- كورتەیەك لە مێژووی كۆمپانیا و كارەكانی پێشوی خۆی لەو بوارەدا پێشكەش بكات و كاروباری چاك كردنەوە بۆ ماوەی (6 مانگ) لە ئەستۆی خۆیدا بگرێت.
2- هەڵسێ بە فێركردنی دوو كارمەندی ژوور كە بتوانن ئیش و كارەكان بەڕێوە ببەن.
3- ژوور پابەندنیە بە وەرگرتنی كەمترین نرخ.
4- رسومی بڵاوكردنەوەی ئاگاداری لە ئەستۆی كۆمپانیای براوە دەبێت.
د. دارا جەلیل خەیات
سەرۆكی ژوور