تۆ لێرەیت: ErbilChamberمەرجی بە ئەندامبوونناسنامه‌ی بازرگان بابه‌ت فلته‌ر كراوه‌ به‌پێی به‌روار: سێ شەممە, 02 تشرینی دووەم 2021
جه‌خت له‌سه‌ر پته‌وكردنى زياترى په‌يوه‌ندييه‌ بازرگانييه‌كانى نێوان وڵاتى ميسر و هه‌رێمى كوردستان كرايه‌وه‌
رۆژى 1/11/2021 د. دارا جه‌ليل خه‌يات سه‌رۆكى ژوور به‌ ئاماده‌بوونى مه‌جيد سه‌ديق سێودين جێگرى سه‌رۆكى ژوور و فيدائه‌ددين گه‌ردى و كه‌مال عه‌زيز ئه‌ندامانى ئه‌نجومه‌نى كارگێڕى ژوور پێشوازييان كرد له‌ خاتوو ئه‌ميره‌ نه‌بيل سه‌رۆكى نوسينگه‌ى بازرگانى له‌ كونسوڵخانه‌ى ميسر له‌ هه‌ولێر.
له‌ ديدارێكدا جه‌خت له‌سه‌ر پته‌وكردنى زياترى په‌يوه‌ندييه‌ بازرگانييه‌كانى نێوان وڵاتى ميسر و هه‌رێمى كوردستان كرايه‌وه‌.
سه‌رۆكى ژوور وتى: په‌يوه‌ندى بازرگانى له‌ نێوان وڵاتى ميسر و هه‌رێمى كوردستان په‌يوه‌ندييه‌كى له‌ مێژينه‌يه‌، هيوا خوازين ئه‌و په‌يوه‌ندييه‌ په‌ره‌ى زياترى پێ بدرێت.
د. دارا رايگه‌ياند: به‌شدارى كردنى بازرگانان و خاوه‌ن كۆمپانياكان له‌ پێشانگا نێوده‌وڵه‌تييه‌كانى هه‌ردوولا و ئاسانكارى كردنى زياتر بۆ بازرگانانى هه‌رێمى كوردستان بكرێت به‌ تايبه‌ت بۆ وه‌رگرتنى ڤيزا، هۆكارێكن بۆ پته‌وكردنى په‌يوه‌ندييه‌ بازرگانييه‌كانى هه‌ردوولا.
سه‌رۆكى ژوور ئه‌وه‌شى خسته‌ روو كه‌ ئاڵوگۆڕه‌ بازرگانييه‌كان له‌ زۆرێك له‌ سێكته‌ره‌كان له‌ ئاستێكى باش دايه‌ هيواى خواست په‌ره‌ى زياترييان پێ بدرێت و گشت سێكته‌ره‌كانيش بگرێته‌وه‌.
له‌ لايه‌ن خۆيه‌وه‌ سه‌رۆكى نوسينگه‌ى بازرگانى له‌ كونسوڵخانه‌ى ميسر له‌ هه‌ولێر پاڵپشتى له‌ وته‌كانى سه‌رۆكى ژوور كرد، به‌ڵێنى دا له‌ ماوه‌ى داهاتوو وه‌كو نوسينگه‌ى بازرگانى له‌ كونسوڵخانه‌ى ميسر به‌ هه‌موو توانايانه‌وه‌ پاڵپشت ده‌بن له‌ به‌هێزكردنى په‌يوه‌ندييه‌ بازرگانييه‌كانى نێوان هه‌رێمى كوردستان و وڵاتى ميسر و هه‌موو ئاسانكارييه‌كيش بكه‌ن بۆ بازرگانان.
بڵاوكراوه‌ته‌وه‌ له‌ هه‌واڵ
سێ شەممە, 02 تشرینی دووەم 2021 13:27

لەگەڵ رێکخراوی UNDP کۆ بوونەوەیەک سازکرا

رۆژى 27/10/2021 به‌ ئاماده‌بوونى د. دارا جه‌ليل خه‌يات سه‌رۆكى ژوور، فيدائه‌دين گه‌ردى ئه‌ندامى ئه‌نجومه‌نى كارگێڕى ژوور، شڤان عه‌بدولره‌حمان ئه‌ميندارى گشتى يه‌كێتى ژووره‌كانى بازرگانى و پيشه‌سازى هه‌رێمى كوردستان و ژماره‌يه‌ك كارمه‌ندانى ژوورى بازرگانى هه‌ولێر كۆبوونه‌وه‌يه‌ك سازكرا له‌گه‌ڵ شاندێكى نوێنه‌را رێكخراوى (UNDP).
ئامانج له‌م كۆبوونه‌وه‌يه‌ گفتوگۆ كردن بوو له‌سه‌ر دامه‌زراندنى لێژنه‌ى ناوبژى له‌ ژوور.
سه‌رۆكى ژوور سوپاسى رێكخراوى ناوبراوى كرد به‌رامبه‌ر هه‌نگاوه‌ به‌رده‌وامه‌كانيان ده‌رباره‌ى دامه‌زراندنى ئه‌م لێژنه‌يه‌.
د. دارا وتى: ده‌مێكه‌ وه‌كو ژوور خه‌ريكين ئه‌و گروپه‌ پێك بهێنين بۆ چاره‌سه‌ركردنى ئه‌و كێشانه‌ى كه‌ دێنه‌ پێش بازرگانان.
سه‌رۆكى ژوور رايگه‌ياند به‌هۆى ئه‌وه‌ى كۆمپانيايه‌كى زۆر لێره‌ هه‌ن هه‌وڵ دراوه‌ لێژنه‌ى ناوبژى دابمه‌زرێ، وه‌ ده‌سته‌ى ناوبژى گرنگه‌ له‌ ژوور هه‌بێت ئاسانكارييه‌كى زۆر بۆ خه‌ڵك و بازرگانان و خاوه‌ن كۆمپانياكان ده‌كات.
له‌م باره‌يه‌وه‌ نوێنه‌رانى رێكخراوى (UNDP) وتيان ئێمه‌ له‌گه‌ڵ هه‌موو ئه‌و لايه‌نانه‌ى كه‌ په‌يوه‌ستن به‌م بابه‌ته‌ گفتوگۆ ده‌كه‌ين و داده‌نيشين و خولى راهێنانيان بۆ ده‌كه‌ينه‌وه‌ وه‌ سه‌نته‌رى تايبه‌ت ده‌كه‌ينه‌وه‌ بۆ دامه‌زراندنى ئه‌م لێژنه‌يه‌.
بڵاوكراوه‌ته‌وه‌ له‌ هه‌واڵ
له‌ ژوورى بازرگانى و پيشه‌سازى هه‌ولێر
خولێكى ترى راهێنان ده‌رباره‌ى بازاڕى كاربۆن و كۆمه‌كى دارايى نێوده‌وڵه‌تى و پاراستنى چينى ئۆزۆن سازكرا
رۆژى 21/10/2021 به‌ هاوكارى ژوورى بازرگانى و پيشه‌سازى هه‌ولێر و وه‌زاره‌تى ژينگه‌ى عێراق، به‌ ئاماده‌بوونى د. جاسم عه‌بدولعه‌زيز حومادى وه‌زيرى ژينگه‌ى عێراق به‌ وه‌كاله‌ت و د. دارا جه‌ليل خه‌يات سه‌رۆكى ژوورى بازرگانى و پيشه‌سازى هه‌ولێر و ژماره‌يه‌ك له‌ ئه‌ندامانى په‌رله‌مانى كوردستان و عه‌بدولره‌حمان سه‌ديق سه‌رۆكى ده‌سته‌ى پاراستن و چاككردنى ژينگه‌ى كوردستان و سالار جه‌لال قادر ئه‌ندامى ئه‌نجومه‌نى كارگێڕى ژوور و نوێنه‌رانى كۆمپانياى كه‌پيته‌ڵ ئێنێرگى به‌ريتانى و نوێنه‌رانى ژماره‌يه‌ك له‌ كۆمپانيا و كارگه‌كانى هه‌رێمى كوردستان، خولێكى ترى راهێنان له‌ ژێر ناوى (كوردستان و هه‌له‌كانى كۆمه‌كى دارايى كه‌ش و هه‌وا) ده‌رباره‌ى بازاڕى كاربۆن و كۆمه‌كى دارايى نێوده‌وڵه‌تى و پاراستنى چينى ئۆزۆن وه‌ هه‌مواركردنه‌وه‌ى كيگالى بۆ كۆمپانياكانى كه‌رتى تايبه‌ت سازكرا.
سه‌ره‌تاى ئه‌م ديداره‌ به‌ وتارى د. دارا جه‌ليل خه‌يات سه‌رۆكى ژوورى بازرگانى و پيشه‌سازى هه‌ولێر ده‌ستى پێكرد.
سه‌رۆكى ژوور له‌ وته‌كه‌يدا دواى به‌خێرهێنانى ئاماده‌بووان هيواى خواست ئه‌م ديداره‌ و هاوشێوه‌كانى سوود به‌خش بن به‌ مه‌به‌ستى پاراستنى ژينگه‌ و په‌ره‌پێدانى كه‌رتى تايبه‌ت.
سه‌رۆكى ژوور رايگه‌ياند: بابه‌تى ژينگه‌ پارێزى ئێستا بۆته‌ پرسى سه‌رده‌م و ئه‌ركى خستۆته‌ سه‌ر هه‌موو كۆمه‌ڵگه‌ به‌ تايبه‌تيش گۆڕانى كه‌ش و هه‌وا له‌ حاڵه‌ته‌وه‌ بۆته‌ ديارده‌ و ژيانى مرۆڤايه‌تى خستۆته‌ مه‌ترسيه‌وه‌، بۆ كه‌مكردنه‌وه‌ى ئه‌م ديارده‌يه‌ش رێككه‌وتننامه‌ى پاريس هاته‌ كايه‌وه‌ ده‌وڵه‌تانيش واژوويان له‌سه‌ر كرد ئه‌مانه‌ش هه‌موو به‌ هه‌وڵى كۆمه‌ڵگاى نێوده‌وڵه‌تى بوون.
د. دارا وتى وه‌زاره‌تى ژينگه‌ى عێراق و ده‌سته‌ى پاراستن و چاككردنى ژينگه‌ى كوردستان رۆڵى باشيان گێڕاوه‌ له‌ كردنه‌وه‌ى جۆره‌ها خولى راهێنان ده‌رباره‌ى كه‌مكردنه‌وه‌ى كاريگه‌رى گۆڕانى كه‌ش و هه‌وا، ده‌ست خۆشيان لێده‌كه‌ين و هه‌وڵه‌كانيان به‌رز ده‌نرخێنين، سه‌رۆكى ژوور هيواى خواست ئه‌م ديداره‌ى ئه‌مڕۆ رێنيشانده‌رێكى باش بێت بۆ ئه‌وه‌ى كۆمپانياكانى كه‌رتى تايبه‌ت زانيارى به‌رچاويان ده‌ستكه‌وێت ده‌رباره‌ى شێوازه‌كانى كه‌مكردنه‌وه‌ى ده‌ردانى گازه‌ زيانبه‌خشه‌كان.
د. جاسم عه‌بدولعه‌زيز حومادى وه‌زيرى ژينگه‌ى عێراق به‌ وه‌كاله‌ت وتارى خۆى پێشكه‌ش كرد، خۆشحاڵى خۆى ده‌ربڕى به‌ ئاماده‌بوون له‌م ديداره‌، ئه‌م ديداره‌ى به‌ گرنگ وه‌سف كرد كه‌ ئێستا هه‌موو وڵاتانى جيهان به‌ ده‌ستيه‌وه‌ ده‌ناڵێنن، چه‌ندان ديدار و كۆبوونه‌وه‌ى نێوده‌وڵه‌تى ئه‌نجام ده‌درێ به‌ ئامانجى كه‌مكردنه‌وه‌ى ده‌ردانى گازه‌ زيانبه‌خشه‌كان. 
وه‌زيرى ژينگه‌ى عێراق ئه‌وه‌شى نه‌شارده‌وه‌ كه‌ رێككاره‌كانى كه‌مكردنه‌وه‌ى ئه‌م گازانه‌ له‌ لايه‌ن كارگه‌كانه‌وه‌ پێويستى به‌ كۆمه‌ككى نێوده‌وڵه‌تى هه‌يه‌، كۆڕبه‌ندى گلاسكۆش كه‌ سازكرا چه‌ندين بڕيارى گرنگى دا وه‌ په‌له‌ى له‌ جێبه‌حێكردنى خاڵه‌كانى رێككه‌وتننامه‌ى پاريس كرده‌وه‌.
پاشان عه‌بدولره‌حمان سه‌ديق سه‌رۆكى ده‌سته‌ى پاراستن و چاككردنى ژينگه‌ى كوردستان وته‌ى خۆى پێشكه‌ش كرد، باسى له‌ هه‌وڵه‌كانى ده‌سته‌كه‌يانى كرد بۆ وشياركردنه‌وه‌ى ئه‌و لايه‌نانه‌ى كه‌ هۆكارێكن بۆ ده‌ردانى گازه‌ زيانبه‌خشه‌كان و كه‌مكردنه‌وه‌يان، پاڵپشتى خۆشى بۆ هه‌موو هه‌وڵێك نيشاندا كه‌ ببێته‌ هۆى پاراستنى ژينگه‌.
دواتر نوێنه‌ران و شاره‌زايانى كۆمپانياى كه‌پيته‌ڵ ئێنێرگى به‌ريتانى سيمينارێكيان پێشكه‌ش كرد به‌ مه‌به‌ستى هاوكاريكردنى كه‌رته‌كانى تايبه‌ت بۆ كه‌مكردنه‌وه‌ى ده‌ردانى گازه‌ زيانبه‌خشه‌كان به‌ ژينگه‌ له‌ ژالاكيه‌كانيان له‌ به‌رامبه‌ردا كۆمه‌كى دارايى نێوده‌وڵه‌تيان بۆ وه‌ربگرێت.
ديداره‌كه‌ش به‌ گفتوگۆ و را گۆڕينه‌وه‌ له‌ نێوان ئاماده‌بووان كۆتايى پێهێنرا.
بڵاوكراوه‌ته‌وه‌ له‌ هه‌واڵ
سێ شەممە, 02 تشرینی دووەم 2021 06:30

ئاگاداری

پێشانگاى نێوده‌وڵه‌تى قاهيره‌ بۆ كه‌ل و په‌لى خۆراك (فود أفريكا)، له‌ ماوه‌ى نێوان 14 - 12/ 12/ 2021 سازده‌كرێت.
بازرگانان و خاوه‌ن كۆمپانياكانى كوردستان (ته‌نيا ئه‌وانه‌ى له‌ بوارى كه‌ل و په‌لى خۆراك) كارده‌كه‌ن، ده‌توانن به‌شداربن له‌م پێشانگايه‌، له‌ ماوه‌ى 3 رۆژى داهاتوو ده‌توانن سه‌ردانى ژوورى بازرگانى و پيشه‌سازى هه‌ولێر - به‌شى په‌يوه‌ندييه‌كان بكه‌ن بۆ پێشكه‌ش كردن و وه‌رگرتنى زانيارى زياتر.
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« November 2012 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑