تۆ لێرەیت: ErbilChamberمەرجی بە ئەندامبوونناسنامه‌ی بازرگان بابه‌ت فلته‌ر كراوه‌ به‌پێی به‌روار: پێنج شەممە, 25 تشرینی دووەم 2021

رۆژى 24/11/2021 د. دارا جه‌ليل خه‌يات سه‌رۆكى ژوور به‌ ئاماده‌بوونى ئيبراهيم محه‌ممه‌د كانه‌بى و مه‌لا مه‌جيد سورچى جێگرانى سه‌رۆكى ژوور، سالار جه‌لال قادر و كه‌مال عه‌زيز حوسێن ئه‌ندامانى ئه‌نجومه‌نى كارگێڕى ژوور پێشوازييان كرد له‌ سوبهاش چاندرا کاین كونسوڵى گشتى وڵاتى هيندستان له‌ هه‌ولێر.

پته‌وكردنى په‌يوه‌ندييه‌ بازرگانييه‌كان و ئاڵوگۆڕى شاندى بازرگانى له‌ نێوان هه‌رێمى كوردستان و وڵاتى هيند به‌شێك بوو له‌ ديداره‌كه‌.
ئامانجى سه‌ردانى كونسوڵى گشتى هيندستان بۆ ژوور دوو ته‌وه‌رى سه‌ركى بوو.
يه‌كه‌م: داوه‌تنامه‌يه‌كيان پێشكه‌ش به‌ ژوور كرد به‌ مه‌به‌ستى به‌شدارى كردن له‌ پێشانگايه‌كى نێوده‌وڵه‌تى له‌ هيندستان.
دووه‌م: شاندى ميوان داوايان له‌ ژوور كرد كه‌ به‌ هاوكارى ژوور كۆبوونه‌وه‌يه‌ك رێكبخرێت له‌ نێوان ستافى كونسوڵخانه‌ى وڵاتى هيندستان له‌ هه‌ولێر و ئه‌و كۆمپانيا و بازرگانانه‌ى كه‌ په‌يوه‌ندى بازرگانييان هه‌يه‌ له‌گه‌ڵ وڵاتى هيندستان بۆ ئاگاداربوون له‌ نزيكه‌وه‌ بۆ ئه‌و كێشه‌و گرفتانه‌ى كه‌ هه‌يانه‌ به‌ مه‌به‌ستى چاره‌سه‌ركردنيان.
له‌ كۆتايش دا سه‌رۆكى ژوور دواى به‌خێرهێنان سوپاسى كردن بۆ ئه‌م هه‌وڵه‌ و ئاماده‌يى ژوورى نيشاندا بۆ رێكخستنى ئه‌م ديداره‌ و هه‌ر ديدارێك كه‌ خزمه‌ت به‌ بازرگانان و هه‌رێمى كوردستان بكات.
وا بڕياريشه‌ له‌ سه‌ره‌تاى مانگى داهاتوو ژوور داوه‌تنامه‌يه‌ك پێشكه‌ش به‌و بازرگانان و خاوه‌ن كۆمپانيايانه‌ بكات كه‌ په‌يوه‌ندى بازرگانييان هه‌يه‌ له‌گه‌ڵ وڵاتى هيندستان بۆ ئه‌وه‌ى به‌شداربن له‌و كۆبوونه‌وه‌يه‌.
بڵاوكراوه‌ته‌وه‌ له‌ هه‌واڵ
رۆژى 24/11/2021 د. دارا جه‌ليل خه‌يات سه‌رۆكى ژوور به‌ ئاماده‌بوونى سالار جه‌لال قادر و كه‌مال عه‌زيز حوسێن ئه‌ندامانى ئه‌نجومه‌نى كارگێڕى ژوور پێشوازييان كرد له‌ عاتف ئه‌لغه‌ريانى به‌رپرسى نوسينگه‌ى به‌شى بازرگانى له‌ باڵێۆزخانه‌ى تونس له‌ عێراق.
له‌م ديداره‌دا رۆشنايى خرايه‌ سه‌ر به‌هێزكردنى په‌يوه‌ندييه‌ بازرگانييه‌كانى نێوان وڵاتى تونس و هه‌رێمى كوردستان.
به‌رپرسى نوسينگه‌ى به‌شى بازرگانى وتى: ئێمه‌ ده‌مێكه‌ شاندى بازرگانيمان نه‌هاتۆته‌ هه‌رێمى كوردستان به‌ هۆى بارودۆخى ناوخۆى وڵاتى تونس و شه‌ڕى تيرۆرستانى داعش و په‌تاى كۆڕۆنا دوايين شاندى بازرگانيمان بۆ هه‌رێمى كوردستان ده‌گه‌ڕێته‌وه‌ بۆ ساڵى 2014.
عاتف ئه‌لغه‌ريانى وتى: هه‌رێمى كوردستان بۆ ئێمه‌ زۆر گرنگه‌، ده‌مانه‌وێت به‌ گڕو تينه‌وه‌ بگه‌ڕێينه‌وه‌ بۆ بازاڕه‌كانى هه‌رێمى كوردستان دووباره‌ هه‌وڵ ده‌ده‌ين هێڵى ئاسمانى راسته‌وخۆ له‌ نێوان تونس و هه‌رێمى كوردستان بكه‌ينه‌وه‌، بير له‌ كردنه‌وه‌ى كونسوڵخانه‌ى وڵاته‌كه‌شمان له‌ هه‌ولێر كردۆته‌وه‌،  وه‌ ده‌ستمان كردووه‌ به‌ رێكخستنى وه‌رگرتنى ڤيزا.
ئه‌لغه‌ريانى وتى: راى ژوورى بازرگانيمان ده‌وێت و پاڵپشتى و هاوكارى ئێوه‌ بۆ ئێمه‌ گرنگه‌، ده‌مانه‌وێت وه‌به‌رهێنه‌ران و كۆمپانياكانى تونس به‌شداربن له‌ وه‌به‌رهێنان له‌ سێكته‌ره‌كانى گه‌شت و گوزار و پيشه‌سازى له‌ هه‌رێمى كوردستان، ئێمه‌ په‌ره‌ به‌ ئاڵوگۆڕى شانده‌ بازرگانييه‌كانمان ده‌ده‌ين ده‌مانه‌وێت سوود له‌ ده‌رفه‌ته‌كانى كاركردن له‌ هه‌رێمى كوردستان وه‌رگرين، بۆ ئه‌م مه‌به‌سته‌ش هه‌وڵ ده‌ده‌ين بازرگانان و كۆمپانياكانى هه‌ردوولا به‌شداربن له‌ پێشانگا نێوده‌وڵه‌تيه‌كانى هه‌ردوولا و له‌ داهاتوويه‌كى نزيكيشدا له‌ ئاستێكى باڵا كۆده‌بينه‌وه‌ بۆ ئاماده‌كارى له‌ رێكخستنى ديدارێكى بازرگانى له‌ نێوان تونس و هه‌رێمى كوردستان به‌ به‌شدارى ژماره‌يه‌كى زۆر له‌ بازرگانان و وه‌به‌رهێنه‌ران و خاوه‌ن كۆمپانياكانى وڵاتى تونس.
ئه‌لغه‌ريانى ئاماژه‌ى به‌وه‌ش دا كه‌ رێژه‌ى ئاڵوگۆڕى بازرگانى نێوان عێراق و تونس ساڵانه‌ 25 مليۆن دۆلاره‌، ده‌مانه‌وێت ئه‌م رێژه‌يه‌ به‌رز بكه‌ينه‌وه‌.
له‌ لايه‌ن خۆيه‌وه‌ سه‌رۆكى ژوور دواى به‌خێرهێنان، ده‌ست خۆشى لێكرد بۆ ئه‌و هه‌وڵانه‌ى كه‌ ده‌بنه‌ هۆى په‌ره‌پێدانى په‌يوه‌ندييه‌ بازرگانييه‌كانى نێوان هه‌رێمى كوردستان و وڵاتى تونس، پشتگيرى خۆيى و ژوورى بازرگانى دووپات كرده‌وه‌ بۆى بۆ هه‌موو هاوكارى و هه‌ماهه‌نگييه‌ك.
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« January 2013 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑