رۆژی پێنجشەممە رێككەوتی 14/4/2016 د. دارا جەلیل خەیات سەرۆكی ژوور بە ئامادەبوونی بەشێك لە ئەندامانی ئەنجومەنی كارگێڕی ژوور پێشوازیان لە سامان محەممەد بلباس سەرۆكی شارەوانی هەولێر كرد.
لە دیدارێكدا چەند پرسێكی تایبەت بە كەرتی پیشەسازی تاوتوێ كرا، هەروەها باس لە گرنگترین ئەو گۆڕانكاری و پێشهاتانەی بۆ هەمان كەرت كە شارەوانی هەولێر بەرنامەی بۆ داڕشتووە كرا.
هەر لەم دانیشتنەدا باس لە چەند كەرتێكی تر كرا كە پێویستە پەرەیان پێبدرێت بە تایبەت كەرتی كشتوكاڵی، كە داهاتی باشیان دەبێت بۆ ناوخۆ.
لە هەمان كات دا پتەوكردنی پەیوەندییەكان و زیاتركردنی هەماهەنگی نێوان ژوور و شارەوانی هەولێر تەئكیدی لەسەر كرایەوە بۆ خزمەتكردنی زیاتری كۆمەڵگا و بەتایبەت كەرتی پیشەسازی.