بە بەشداری شاندی ژوورەكانی بازرگانی وڵاتانی عەرەبی، بازرگانان، وەبەرهێنەران و خاوەن كۆمپانیاكانی بەشێك لە وڵاتانی عەرەبی رۆژی 9/4/2018 كۆڕبەندێكی ئابووری دەربارەی هەلی وەبەرهێنان لە وڵاتی جەزائیر سازكرا.
ئەم كۆڕبەندە چەند تەوەرێكی لەخۆگرتبوو كە بریتی بوون لە:
1- كەرتی پیشەسازی لە جەزائیر
2- وەبەرهێنان و دۆخی كار لە جەزائیر
3- گەشت و گوزار لە جەزائیر
شایانی باسە د. دارا جەلیل خەیات جێگری سەرۆكی یەكێتیی ژوورەكانی بازرگانی عێراق وەكو سەرۆكی شاندی عێراق لەم كۆڕبەندە بەشداربوو.
كۆبوونەوەی ژمارە 127ی ئەنجومەنی یەكێتیی ژوورەكانی بازرگانی عەرەبی سازكرا
رۆژی 10/4/2018 د. دارا جەلیل خەیات جێگری سەرۆكی یەكێتیی ژوورەكانی بازرگانی عێراق سەرۆكایەتی شاندی یەكێتیی ژوورەكانی بازرگانی عێراقی كرد بۆ بەشداربوون لە كۆبوونەوەی ژمارە 127ی ئەنجومەنی یەكێتیی ژوورەكانی بازرگانی عەرەبی.
لەم كۆبوونەوەیە شاندی گشت ژوورەكانی بازرگانی وڵاتانی عەرەبی بەشداربوون، باس لە پتەوكردنی زیاتری پەیوەندییە بازرگانیەكانی نێوان وڵاتانی عەرەبی و پتەوكردنی هەماهەنگی نێوان ژوورەكان كرا.
پێشانگای نێودەوڵەتی جەزائیر
لە پەراوێزی كۆبوونەوەی ئەنجومەنی یەكێتیی ژوورەكانی بازرگانی وڵاتانی عەرەبی رۆژی 10/4/2018 / 51 ەمین پێشانگای نێودەوڵەتی جەزائیر كرایەوە.
لەم پێشانگایە ژمارەیەكی زۆر لە كۆمپانیای عەرەبی و بیانی بەرهەمەكانیان نمایش كردبوو.
د. دارا جەلیل خەیات وەكو سەرۆكی شاندی بازرگانی عێراق سەردانی ئەم پێشانگایەی كرد و لە نزیكەوە چاوی كەوت بە بەشداربووانی ئەم پێشانگایە.
