تۆ لێرەیت: ErbilChamberهه‌واڵلە ماوەی کەمتر لە مانگێکدا دووەم شاندی گەورەی بازرگانی هیند سەردانی هەرێمی کوردستان دەکەن

لە ماوەی کەمتر لە مانگێکدا دووەم شاندی گەورەی بازرگانی هیند سەردانی هەرێمی کوردستان دەکەن

بڵاوكراوه‌ته‌وه‌ له‌ هه‌واڵ یەک شەممە, 23 کانونی یەکەم 2018 10:45
لە ماوەی کەمتر لە مانگێکدا دووەم شاندی گەورەی بازرگانی هیند سەردانی هەرێمی کوردستان دەکەن
 
بە مەبەستی وەبەرهێنان کردن لە کەرتەکانی پیشەسازی و کشتوکاڵ و بەهێزکردنی پەیوەندییە بازرگانیەکانی نێوان وڵاتی هیندستان و هەرێمی کوردستان شاندێکی گەورەی خاوەنکار و وەبەرهێنەرە بەناوبانگەکانی وڵاتی هیندستان لە  ژێر چەتری فیدراسیۆنی پیشەسازکارانی وڵاتی هیند رۆژی ٢٠/١٢/٢٠١٨ سەردانی ژوورییان کرد لە لایەن د. دارا جەلیل خەیات سەرۆکی ژووری بازرگانی و پیشەسازی هەولێر، جێگران و ئەندامانی ئەنجومەنی کارگێڕی ژوور پێشوازییان لێکرا.
لە کۆبوونەوەیەکدا برادیب سینغ راچپور باڵیۆزی وڵاتی هیند لە عێراق، کونسوڵی وڵاتی هیند لە هەولێر، سەرۆکی فیدراسیۆنی پیشەسازکارانی هیند و ژمارەیەک لە بازرگان و خاوەنکارانی هەرێمی کوردستان ئامادەبوون.
سەرۆکی ژوور وتەیەکی پێشکەشکرد باسی لە گرنگی هاتنی ئەم شاندە و بەهێزکردنی پەیوەندییە بازرگانیەکانی هەردوولا کرد و وتی: ئەگەر چی ژمارەیەکی زۆر لە  کۆمپانیا هیندییەکان وەبەرهێنان دەکەن لە کەرتی نەوت لە هەرێمی کوردستان و ئاڵوگۆڕی بازرگانی لە نێوان وڵاتی هیند و هەرێمی کوردستان لە ئاستێکی باش دایە، بەڵام ئێمە چاومان لەوەیە وەبەرهێنەرانی وڵاتی هیند وەبەرهێنان بکەن لە کەرتەکانی پیشەسازی و کشتوکاڵ و ئاستی ئاڵوگۆڕە بازرگانیەکان پەرە پێبدەین و پەیوەندییەکان پتەو بکەین.
د. دارا وتی: هاتنی دوو شاندی بازرگانی گەورەی وڵاتی هیند لە ماوەی کەمتر لە مانگێکدا هۆکارێکە بۆ پەرەپێدانی ژێرخانی ئابووری هەرێمی کوردستان و رەخساندنی دەرفەتی کار بۆ هاوڵاتیان.
برادیب سینغ راچپور باڵیۆزی هیند لە عێراق وتی: فیدراسیۆنی پیشەسازکارانی هیند سەرپەرشتی ئەم شاندە دەکات کە چەندین بواری لە خۆ گرتووە وەکو (کشتوکاڵ، تەندروستی، بنیاتنان و تەکنەلۆژیای زانیاری).
وتیشی: ئێمە لە پەیوەندییەکانمان بەردەوام دەبین و بە پەرۆشەوەین بۆ وەبەرهێنان.
شایانی باسە فیدراسیۆنی پیشەسازکارانی هیند ٨ هەزار گەورە پیشەسازکار لەخۆ دەگرێت، ٢٠٠ هەزار ئەندامی هەیە و نزیکەی لەگەڵ ٢٠٠ شوێنی بازرگانی یادداشتنامەی واژوو کردووە.
قەبارەی ئالۆگۆڕی بازرگانی لە نێوان وڵاتی عێراق و هیند لە ئاستێکی باش دایە پشکی شێریش بەر کەرتی نەوت کەوتووە.
ئه‌م بابه‌ته‌ 911 جار خوێندراوه‌ته‌وه‌

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑