به هاوكارى حكومه‌تى هه‌رێمى كوردستان، ژوورى بازرگانى و پيشه‌سازى هه‌ولێر، رێكخراوى بۆرداى ئه‌ڵمانى و سێواسى سويسرى وه به ئاماده‌بوونى د. دارا جه‌ليل خه‌يات سه‌رۆكى ژوور و عه‌لى ره‌شيد سه‌رۆكى ئه‌نجومه‌نى پارێزگاى هه‌ولێر و مه‌لا مه‌جيد سورچى جێگرى سه‌رۆكى ژوورى بازرگانى هه‌ولێر و ژماره‌يه‌ك له ئه‌ندامانى ئه‌نجومه‌نى كارگێڕى ژوور و نوێنه‌رانى به‌شێك له كه‌رته‌كانى تايبه‌ت و حكومه‌ت، رۆژى 23/6/2022 كۆربه‌ندێك بۆ ده‌رخستنى هه‌له‌كان له داهێنان له سيسته‌مى ناناوه‌ندى (لامه‌ركه‌زى) چاره‌سه‌ركردنى ئاوه‌ڕۆ و كاريگه‌رييه ئابوورييه‌كانى له ژوورى بازرگانى و پيشه‌سازى هه‌ولێر سازكرا.
له‌م كۆڕبه‌نده سێ سيمينار له‌سه‌ر بابه‌ته‌كانى به‌فيڕۆچوونى ئاو و خراپى به‌كارهێنانى ئاوى ئاوه‌ڕۆكان بۆ كشتوكاڵ كردن و زيانه‌كانى له‌سه‌ر ته‌ندروستى مرۆڤ، زۆرى لێدانى بيرى ئاو و كه‌مبوونه‌وه‌ى ئاوى خاوێن و چه‌ند ئامارێكى مه‌ترسيدار به‌و بابه‌ته، روونكردنه‌وه‌ى سيسته‌مێك بۆ پاڵاوتنى ئاوى پاشه‌ڕۆ و دووباره به‌كارهێنانه‌وه‌ى بۆ كشتوكاڵ كردن به شێوازێكى ته‌ندروست و باس كردنى ئه‌و سيسته‌مه پێشكه‌شكرا.
هه‌ر له‌م كۆڕبه‌نده‌دا ئاماده‌بووان ئاڵوگۆڕى بابه‌ته‌كانيان كرد له‌گه‌ڵ پێشكه‌شكاران، راو سه‌رنجى خۆيان خسته‌روو.