تۆ لێرەیت: ErbilChamberهه‌واڵبابه‌ت فلته‌ر كراوه‌ به‌پێی به‌روار: سێ شەممە, 28 کانونی دووەم 2020
 
رۆژی 27/1/2020 شاندی یەكێـتی ژوورەكانی بازرگانی و پیشەسازی هەرێمی كوردستان بە سەرۆكایەتی سیروان محەممەد جێگری سەرۆك سەردانی وڵاتی سریلانكایان كرد لە یەكەم سەردانی گەشتەكەیان سەردانی باڵیۆزخانەی عێراقیان كرد لەو وڵاتە لە لایەن قوتەیبە سوبحی خێرۆ هەڵسورێنەری باڵیۆزخانە پێشوازییان لێكرا.
لە دیدارێكدا هەڵسورێنەری باڵیۆزخانە خۆشحاڵی خۆی دەربڕی بۆ ئەم دیدارە هیوای خواست ئاسانكاری زیاتر بۆ بازرگانان و خاوەن كۆمپانیاكانی وڵاتی سریلانكا بكرێت لە هەرێمی كوردستان، پشتگیری خۆشی بۆ بەهێزكردنی زیاتری پەیوەندییە بازرگانییەكانی نێوان هەرێمی كوردستان و وڵاتی سریلانكا نیشاندا.
هەروەها جەختی لە بە هێزكردنی رۆڵی كەرتی تایبەت كردەوە لە بەرەو پێشچوونی ئابووری و كەرتی كشتوكاڵ هەروەها ئاماژەی بە هەناردەكردنی (چا) دا لە وڵاتی سریلانكا بۆ هەرێمی كوردستان.
لە لایەن خۆیەوە سیروان محەممەد وتی هەرێمی كوردستان خاڵی سەرەكیە بۆ هاوردەكردنی چا لە سریلانكاو ناردنی بۆ بەشەكانی تری عێراق.
هیوای خواست لەماوەی داهاتوو بە یارمەتی هەردوولا بتوانن گرنگی زیاتر  بە پێشخستنی پەیوەندییە بازرگانییەكانی هەردولا بدرێـت.
لەدرێژەی سەردانەكەیاندا شاندی یه‌كێتی ژووره‌كان سه‌ردانی ژووری بازرگانی (سیلان) یان كرد
 
رۆژی 27/1/2020 شاندی یه‌كێتی ژووره‌كان به‌ سه‌رۆكایه‌تی سیروان محه‌ممه‌د جێگری سه‌رۆك له‌ كۆڵۆمبۆی پایته‌ختی وڵاتی سریلانكا سه‌ردانی ژووری (سیلان)یان كرد له‌ لایه‌ن خاتوو ژه‌را ویجیاتی لاك به‌ڕێوبه‌ری جێبه‌جێكاری ژوور و هه‌ڵسوڕێنه‌ری باڵیۆزخانه‌ی عێراق له‌ سریلانكا و باڵیۆزی پێشوی سریلانكا له‌ عێراق پێشوازییان لێكرا.
له‌ دانیشتنێكدا به‌ ئاماده‌بوونی نزیكه‌ی 100 بازرگان و خاوه‌ن كۆمپانیای سریلانكی خاتوو ماجا پاتیلاكا به‌ڕێوبه‌ری جێبه‌جێكاری ژووری سیلان وته‌ی به‌خێرهاتنی پێشكه‌شكرد رایگه‌یاند ئه‌وان هیوا خوازن جگه‌ له‌ بازرگانی (چا)یه‌ گرنگی به‌ به‌هێزكردنی په‌یوه‌ندییه‌ بازرگانیه‌كانی نێوان هه‌رێمی كوردستان و وڵاتی سریلانكا بدرێت له‌ گشت سێكته‌ره‌كان ئاماده‌یی خۆیان نیشاندا بۆ هه‌موو هاوكارییه‌ك.
سیروان محه‌ممه‌د سه‌رۆكی شاندی یه‌كێتی ژووره‌كان له‌ وتارێكدا سوپاسی ژووری سیلانی كرد بۆ ئه‌م پێشوازییه‌ هیوای خواست په‌یوه‌ندییه‌ بازرگانیه‌كان په‌ره‌ی زیاتری پێبدرێت، له‌ ماوه‌ی داهاتوو شاندی بازرگانی سریلانكی له‌ هه‌رێمی كوردستان ببینن ئاماده‌یی یه‌كێتی ژووره‌كانی نیشاندا بۆ هه‌موو هاوكاری و پاڵپشتیه‌ك.
پاشان یادداشتنامه‌یه‌كی لێكگه‌یشتن له‌ نێوان هه‌ردوولا واژوو كرا.
دوای پشودانێكی كورت و نمایشكردنی ڤیدیۆیی له‌سه‌ر وڵاتی سریلانكا و هه‌رێمی كوردستان دانیشتنی B2B له‌ نێوان بازرگانانی هه‌ردوولا به‌ڕێوه‌چوو.
دواتر وه‌كو رێزلێنانێك له‌ سه‌ردانی شاندی یه‌كێتی ژووره‌كان بۆ وڵاتی سریلانكا ئێواره‌ی رۆژی 27/1/2020 رانێل ویكرێمسینگه‌ سه‌رۆك وه‌زیرانی پێشوی سریلانكا داوه‌تی ئه‌م شانده‌ی كرد.
له‌ وته‌یه‌كدا پشتگیری خۆی بۆ به‌هێزكردنی په‌یوه‌ندییه‌ بازرگانیه‌كان دووپات كرده‌وه‌ هیوای خواست له‌ ماوه‌ی داهاتوو ئه‌م په‌یوه‌ندییه‌ بازرگانیه‌ فراوان بێت و گشت سێكته‌ره‌كان بگرێته‌وه‌.
28/1/2020 قوته‌يبه‌ سوبحى خێرۆ هه‌ڵسوڕێنه‌رى باڵيۆزخانه‌ى عێراق له‌ سريلانكا ئێواره‌ خولنێكى بۆ شاندى يه‌كێتى ژووره‌كان رێكخست
 
بڵاوكراوه‌ته‌وه‌ له‌ هه‌واڵ
بە  یاوەری شاندێكی فەرمی حكومەتی هەرێمی كوردستان كرد كە پێكهاتبوون لە وەزیری كشتوكاڵی حكومەتی هەرێم و سەرۆكی دەستەی وەبەرهێنانی حكومەتی هەرێم ،  شاندێكی ژووری بازرگانی هەولێر بە سەرۆكایەتی سۆران ئەبوبەكر عەزیز جێگری سەرۆكی ژووری بازرگانی هەولێر وئەندامێتی هەریەك لە عەبدولكەریم مستەفا و كەمال عەزیز ئەندامانی ئەنجومەنی كارگێری ژوور سەردانی 
ووڵاتی پۆڵۆنیایان كرد و بەشداریان كرد لە رێورەسمی كردنەوەی فەرمی پیشانگای ( كشتوكاڵ) كە لە 17/1/2020 كرایەوە .
رۆژی 15/1/2020 شاندی ژووری بازرگانی هەولێر و شاندی حكومەتی هەرێم سەردانی وەزارەتی كشتوكاڵی پۆلەندایان كرد و لەلایەن شیمون گیژنسكی جێگری وەزیری كشتوكاڵی ووڵاتی پۆلەندا پێشویازیان لێكرا. 
لە دیدارێكدا چۆنیەتی سوود وەرگرتن لە ئەزموونی كشتوكاڵی وڵاتی پۆڵۆنیا و گواستنەوەی ئەو ئەزموونە بۆ هەرێم باسی لێوەكرا.
شاندی حكومەت و ژوور باسی چۆنیەتی وەبەرهێنانیان كرد لە كوردستان و هیوایان خواست كۆمپانیا و وەبەرهێنەرانی وڵاتی پۆڵۆنیا بێن سەردانی هەرێم بكەن و سوود لە دەرفەتەكان وەربگرن بۆ ئەنجامدانی كاری وەبەرهێنان لە كەرتی كشتوكاڵ و كەرتەكانی تر لە هەرێمی كوردستان.
لەهەمان ڕۆژدا شاندی ژوور و حكومەتی هەرێم سەردانی وەزارەتی ئاوی پۆلەندایان كرد و لەلایەن خاتوو ئانا مۆسكوا وەزیری سەرچاوەكانی ئاوی پۆلەندا پێشوازیان لێكرا، لەم كۆبوونەوەیەدا باسی ئەو كرا كە چۆن كۆمپانیا پۆلەندییەكان هاوكار دەبن لە پاراستنی سەرچاوەكانی ئاو لە هەرێمی كوردستان ئەمەش لەڕێگەی دروست كردنی بەنداو و كردنەوەی خولی راهێنان لەلایەن كۆمپانیا پۆلەندییەكانەوە دەبێت . 
هەروەها داوا كرا كە كۆمپانیا پۆلەندییەكان رۆڵی گرنگیان هەبێت لە بواری پاك (تصفیە) كردنەوەی ئاوی پیس بۆ ئاوی پاك كە هەریًَمی كوردستان پێویستی بەم جۆرە كۆمپانیایانە هەیە لەم رۆژگارەدا. 
رۆژی 16/1/2020 سەردانی ژووری بارزگانی پۆلەندا كرا كە لەلایەن بەرێز (ئەریندارسكی) سەرۆكی ژوور پێشوازیان لێكرا. 
لەم سەردانەدا بە تێروتەسەلی باس لە سەرجەم ئەو بوارانەدا كرا كە كۆمپانیا پۆلەندییەكان دەتوانن كاری وەرهێنان ئەنجام بدەن لە هەرێمی كوردستان بە تایبەتی لە بوارەكانی كشتوكاڵ و پیشەسازی و گەشت و گوزار، وە هەروەها  جەخت كرایەوە زیاتر ئالوگۆری شاند بكرێت لەنێوان هەردوولا . 
لەهەمان رۆژ دا شاندی ژوور و شاندی حكومەتی هەرێم بەشداریان كرد لە مەراسیمی یادی (30) ساڵەی دامەزراندنی ژووری بازرگانی پۆڵۆنیا. 
بەیانی رۆژی 17/1/2020  شاندی حكومەتی هەرێم و شاندی ژوور سەردانی سەرۆكایەتی هەرێمی پۆزنان كرا و لەلایەن گرەوباوسكی جێگری سەرۆكی هەرێمی پۆزنان پێشوازیان لێكرا. لەم كۆبوونەوەیەدا باس لە ئەزموونی كشتوكاڵ و كێلگە كرا لەلایەن جێگری سەرۆك هەرێم بۆ شاندی ژوور و حكومەتی هەرێمی روون كردنەوە، شاندی ژووریش دووپاتی لەوە كردنەوەی كە دەبێت پۆلەندا ئەم ئەزموونە بینێتە كوردستان و رۆلی بازرگانی زیاتری هەبێت لە كوردستان .  
لە درێژەی سەردانەكان هەمان رۆژ ، سەردانی دەستەی پیشانگای نێودەولەتی پۆزنان كرا ، لەم سەردانەدا باس لە گرنگی و رۆڵی پیشانگاكان كرا و هەروەها باس كرا لە نزیكترین ئاییندەدا بەرهەمی هەرێمی كوردستان بەشداربێت لە پیشانگای كشتوكاڵیەكانی پۆزنان . 
نیوەڕۆی هەمان رۆژ شاندی حكومەت و ژوور بەشداربوون لە مەراسیمی فەرمی كردنەوەی پیشانگای كشتوكاڵ لە پۆزنان، كە تیایدا چەندین ئامێر و كەرەستەی كشتوكاڵی پیشكەوتوو خرابوونە بەرچاوی بازرگانان و خاوەن كۆمپانیاكان . 
هەر لە هەمان رۆژ شاندی ژوور  سەردانی ژووری بازرگانی پۆزنان كرا و لەلایەن سەرۆكی ژووری بازرگانی پۆزنان پێشوازییان لێكرا  ، شاندی ژوور  داوای كرد كە هانی كۆمپانیاكانی وڵاتی پۆڵۆنیا بدەن سەردانی كوردستان بكەن لە نزیكەوە دەرفەتەكانی كاركردن ببینن، كەشی لەبار و سەقامگیر و یاسایەكی تەواو گونجاو بۆ وەبەرهێنان هەیە. 
هەروەها سۆران ئەبوبەكر سەرۆكی شاندی ژووری بازرگانی هەولێر پێشنیاری كرد هێلی ئاسمانی راستەوخۆ بكرێتەوە لە نێوان پۆلەندا و هەرێمی كوردستان . 
 
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« September 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑