تۆ لێرەیت: ErbilChamberهه‌واڵبابه‌ت فلته‌ر كراوه‌ به‌پێی به‌روار: چوار شەممە, 10 تشرینی دووەم 2021
رۆژى 10/11/2021 د. دارا جه‌ليل خه‌يات سه‌رۆكى ژوور به‌ ئاماده‌بوونى ئيبراهيم محه‌ممه‌د كانه‌بى و سۆران ئه‌بوبه‌كر جێگرانى سه‌رۆكى ژوور، فيدائه‌ددين محه‌ممه‌د ئه‌مين عه‌باس، عه‌بدولكه‌ريم مسته‌فا و كه‌مال عه‌زيز ئه‌ندامانى ئه‌نجومه‌نى كارگێڕى ژوور پێشوازييان كرد له‌ شاندێكى ژوورى بازرگانى شارى هه‌كارى و بازرگانانى ئه‌و شاره‌ به‌ سه‌رۆكايه‌تى سه‌رڤه‌ت تاش سه‌رۆكى ژوورى بازرگانى هه‌كارى.
له‌م ديداره‌دا رۆشنايى خرايه‌ سه‌ر په‌ره‌پێدانى په‌يوه‌ندييه‌ بازرگانييه‌كانى نێوان شارى هه‌كارى و هه‌رێمى كوردستان، چۆنيه‌تى ناساندنى ئه‌و به‌رهه‌مانه‌ى كه‌له‌ شارى هه‌كارى به‌رهه‌م دێن.
هه‌ر له‌ ديداره‌كه‌دا باس له‌ گرنگى كردنه‌وه‌ى ده‌رگايه‌كى سنوورى له‌ نێوان هه‌رێمى كوردستان و شارى هه‌كارى كرا، كه‌ ده‌مێكه‌ كارى له‌سه‌ر ده‌كرێت.
سه‌رۆكى ژوور وتى: هه‌رێمى كوردستان و شارى هه‌كارى له‌ رووى جوگرافى و كلتوورى يه‌وه‌ زۆر نزيكين، به‌ڵام له‌ رووى بازرگانيه‌وه‌ به‌راورد به‌ ناوچه‌كانى ترى توركيا لاوازه‌.
د. دارا رايگه‌ياند: ئاماده‌كارى بۆ كردنه‌وه‌ى ده‌رگايه‌كى سنوورى له‌ نێوان هه‌رێمى كوردستان و شارى هه‌كارى و ئاڵوگۆڕى شانى بازرگانى له‌ نێوانمان هۆكارێكى گرنگن بۆ زياتركردنى په‌يوه‌ندييه‌ بازرگانييه‌كان.
سه‌رۆكى ژوور ئه‌وه‌شى خسته‌ روو به‌ كردنه‌وه‌ى ئه‌م ده‌رگايه‌ پاڵه‌په‌ستۆ له‌سه‌ر ده‌روازه‌ى سنوورى ئيبراهيم خه‌ليل كه‌م ده‌بێته‌وه‌ هه‌ميش ئاڵوگۆڕه‌ بازرگانييه‌كانى نێوان توركيا و هه‌رێمى كوردستان زياتر په‌ره‌ ده‌سێنێت، ئێمه‌ش پاڵپشت و هاوكارين.
سه‌رۆكى ژوور هيواشى خواست وه‌به‌رهێنه‌ران و خاوه‌ن كۆمپانياكانى شارى هه‌كارى هه‌وڵ بده‌ن كارگه‌ له‌ هه‌رێمى كوردستان دابمه‌زرێنن، وه‌به‌رهێنان بكه‌ن كه‌ ئاسانكارييه‌كى ته‌واو هه‌يه‌، با په‌ره‌پێدانى بازرگانييه‌كانمان ته‌نها هه‌نارده‌كردن و هاورده‌ نبێت.
بڵاوكراوه‌ته‌وه‌ له‌ هه‌واڵ
رۆژى 8/11/2021 د. دارا جه‌ليل خه‌يات سه‌رۆكى ژوور پێشوازی لە مەهدی سەفەری یاریدەدەری وەزیری دەرەوەی کۆماری ئیسلامیی ئێران بۆ کاروباری دیپلوماسیی ئابووری کرد.
لە دیدارەکەدا مه‌جيد سه‌ديق سێودين و ئيبراهيم محه‌ممه‌د كانه‌بى جێگرانى سه‌رۆكى ژوور، سه‌لار جه‌لال قادر، سه‌دره‌ددين كه‌مال، ماجد جه‌لا ل كه‌مال عه‌زيز ئه‌ندامانى ئه‌نجومه‌نى كارگێڕى ژوور و نەسڕوڵلا ڕەشنوودی کونسوڵی ئێران لە هەولێر ئامادە بوون، گفتوگۆ كرا ده‌رباره‌ى په‌ره‌پێدانى زياترى په‌يوه‌ندييه‌ بازرگانييه‌كانى نێوان كۆمارى ئيسلامى ئێران و هه‌رێمى كوردستان.
یاریدەدەری وەزیری دەرەوەی ئێران وتى: كۆمارى ئيسلامى ئێران هه‌موو ئاماده‌كارييه‌كى هه‌يه‌ وه‌ پشتگيرى ته‌واوى په‌ره‌پێدانى بازرگانى ده‌كات له‌گه‌ڵ هه‌رێمى كوردستان له‌ گشت سێكته‌ره‌كان، ده‌توانين كۆمپانياكانمان وه‌به‌رهێنان بكه‌ن له‌ گشت پرۆژه‌كان.
مەهدی سەفەری رايگه‌ياند: ئێمه‌ ده‌مانه‌وێت به‌ هاوبه‌شى له‌گه‌ڵ به‌رپرسانى هه‌رێمى كوردستان په‌ره‌ به‌ ده‌روازه‌ى نێوده‌وڵه‌تى حاجى ئۆمه‌ران بده‌ين، خزمه‌تگوزارييه‌كان زياد بكه‌ين، ئاڵوگۆڕى بازرگانى له‌م مه‌رزه‌ زياتر بكه‌ين بكرێت به‌ 24 كاتژمێر، وه‌به‌رهێنه‌رانى هه‌ردوولاش له‌سه‌ر ئه‌م خاڵه‌ سنووريه‌ وه‌به‌رهێنانى هاوبه‌ش ئه‌نجام بده‌ن.
له‌ لايه‌ن خۆيه‌وه‌ سه‌رۆكى ژوور پشتگيرى وته‌كانى ناوبراوى كرد رايگه‌ياند: ئێمه‌ له‌ ماوه‌ى داهاتوودا ديدارێكى بازرگانى بۆ ئه‌م مه‌به‌سته‌ سازده‌كه‌ين، هه‌وڵ ده‌ده‌ين ئه‌و ئاسته‌نگانه‌ى كه‌ بوونه‌ته‌ كێشه‌ بۆ بازرگانان له‌م ده‌روازه‌يه‌ چاره‌سه‌ر بكه‌ين، هه‌روه‌ها له‌ به‌رنامه‌مان دايه‌ ديدارێكى بازرگانيش له‌گه‌ڵ بازرگانانى هه‌موو عێراق سازبكه‌ين بۆ ئه‌وه‌ى له‌م ده‌روازه‌يه‌ كاڵاكان بهێننه‌ عێراق و هه‌رێمى كوردستان.
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑