هەریەک لە هۆشیار سیوەیلى وەزیرى کارەبا و عماد احمد وەزیرى ئاوەدانکردنەوە و هێرش محرم سەرۆکى دەستە وەبەرهێنان و دارا جلیل خەیات سەرۆکى یەکێتى ژوورە بازرگانیەکانى کوردستان وەک نوێًنەرانى کوردستان بەشداریان لە سێیەمین کۆنگرەى کارى عێراقى ئەلمانى کرد . هەریەک لە وەزیرى کارەبا و وەزیرى ئاوەدانکردنەوە و سەرۆکى دەستەى وەبەرهێنان و سەرۆکى یەکیًتى ژوورە بازرگانیەکانى کوردستان ووتەیان پێشکەش کرد . دارا جلیل خەیات ، سەرۆکى یەکێتى ژوورە بازرگانیەکانى کوردستان لە ووتەکەیدا ئاماژەى بە دەرفەتەکانى وەبەرهێنان لە کوردستان کرد و تەئکیدى لەسەر پێویستى کوردستان بەسەرمایەى بیانى کرد و هیواى خواست کە پەیوەندى ئابوورى و بازرگانى نێوان هەرێمى کوردستان و ئەلمانیا بەرەو پێشبخرێت . وە لە میانەى ئەم بەشداریکردنەدا سەرۆکى یەکێتى ژوورە بازرگانیەکانى کوردستان سەردانى ژوورى بازرگانى ( هامبۆرگ ) ى کرد ، لە کۆبونەوەیەکدا لەگەل ( کارل درێیەر ) سەرۆکى ژوورى بازرگانى هامبۆرگ باسیان لە پتەوکردنى پەیوەندى هەردوو ژوور کرد و سەرۆکى یەکَێتى ژوورە بازرگانیەکان داواى سەردانى کردنى کوردستانى لێیان کرد و ئەوانیش بە پێخۆشحالیەوە ئەم داوایەیان قبول کرد . دواتریش لە سەردانێکدا لەگەل بهرپرسی جێبهجێکار له ژووره بازرگانی و پیشهسازیهکانی ئهلمانیا گەلێک بایەتى گرنگ دەربارەى دروستکردنى پەیوەندى و ئالۆگۆرکردنى بیرورا تاووتوێکرا