دارا جەلیل خەیات سەرۆکى ژوور رۆژى 17ى کانوونى دووەم پێشوازى لە "کراوس ستروش" کونسوڵى بازرگانى ئەڵمانیاو کەنعان شێخۆ رێکخەرى کارەکانى ئەڵمانیا لە هەرێمى کوردستان کرد. لە دانیشتنێکدا باس لە پەیوەندییە ئابوورییەکانى نێوان هەرێمى کوردستان و ئەڵمانیا کرا، هەروەها تیشک خرایە سەر پەیوەندییەکانى نێوان ژوورەکانى بازرگانى هەرێم و یەکێتى ژوورەکانى بازرگانى ئەڵمانیا، بەمەبەستى سوود وەرگرتن لە پەیوەندییەکانى ئەو پرۆتۆکۆڵەى کە مەبەستى هەماهەنگى و هاوکارى کردن لەنێوانیاندا ئیمزا کراوە، بۆئەوەى کارى زیاترى لەسەر بکرێت.
کونسوڵى بازرگانى ئەڵمانیا رایگەیاند، کە لە سەرەتاى مانگى شوبات شاندێکى بازرگانى ئەڵمانیا کە لە نوێنەرى 40 کۆمپانیاى جۆراوجۆر پێکدێ دەگەنە هەرێمى کوردستان، لەمبارەیەوە لەگەڵ سەرۆکى ژوور بەرنامەى پێشوازیکردنى شاندەکە تاوتوێ کرا، بۆ دانیشتن و گفتوگۆکردن لەگەڵ هەرێمى کوردستان، لەبارەى بەستنى پەیوەندى و ئەندامدانى کارى بازرگانى و بەشداریکردنى لە پرۆسەى ئاوەدانکردنەوەى هەرێمدا. سەرۆکى ژوور ئامادەیی خۆى دەربڕى بۆ هەماهەنگى و رەخساندنى دەرفەتى کۆبوونەوە لەگەڵ بازرگانان لە ژوورى بازرگانى هەولێر بۆ بەستنى پەیوەندى

شاندێکى بازرگانى تورکى کە پێکهاتبوو لە (16) بازرگان و نوێنەرى کۆمپانیاى بازرگانى و پیشەسازى تورکیا لە شارو شوێنى جیاجیاى وڵاتى تورکیا، رۆژى 18ى کانوونى دووەم سەردانى ژوورى کردو لەلایەن فیدائەدین گەردى ئەندامى ئەنجوومەنى کارگێرى ژوور پێشوازى لێ کرا.
لە روونکردنەوەیەکدا فیدائەدین گەردى باسێکى بارودۆخى هەرێم و یاساى وەبەرهێنان و، چۆنێتى کارکردن و دەرفەتەکانى کارو وەبەرهێنانى لە هەرێمى کوردستان کرد. دواتر ئەندامانى شاندەکە خۆیان ناساندو ئەو بوارانەى کە کارى تیادا دەکەن خستەڕوو، چەندین پرسیارى تایبەت بە دۆزینەوەى دەرفەتەکانى کار کران و لەلایەن گەردییەوە وەڵام درانەوەو، بۆ پەیداکردنى زانیارى و ئاشنابوون بە بازاڕەکانى هەرێمى کوردستان رێنوێنى کران

دارا جەلیل خەیات سەرۆکى ژوور رۆژى 17ى کانوونى دووەم پێشوازى لە (ئارتا جیک) نوێنەرى ژوورى بازرگانى وڵاتى لاتیڤیا کرد.
لەدیدارێکدا بەمەبەستى هێنانى شاندێکى بازرگانى وڵاتەکەى بۆ هەرێمى کوردستان لەبارەى جۆرو تایبەتمەندى ئەو کۆمپانیایانەى کە دەکرێ لە هەرێمى کوردستان دەرفەتى کارکردنیان دەست بکەوێ چەند پرسیارێکى ئاراستەى سەرۆکى ژوور کرد، لە وەڵامدانەوەیاندا سەرۆکى ژوور ئەو بوارانەى دەستنیشان کرد، کە هەرێمى کوردستان لە قۆناغى ئێستادا پێویستى پێیان هەیە وەک بیناسازی، تەکنەلۆژى، کشتوکاڵى و پیشەسازی.

بەئامادەبوونى ژمارەیەک لە ئەندامانى ئەنجوومەنى کارگێڕى ژوور، دارا جەلیل خەیات سەرۆکى ژوور رۆژى 17ى کانوونى دووەم پێشوازى لە شاندێکى حکومى و بازرگانى شارەکانى ماردین و شرناخ و باتمان و سیرت بە یاوەرى فردا جەمیل پاشا کرد، شاندەکە نوێنەرانى پارێزگاو سەرۆکى شارەوانى هەر چوار پارێزگاى تورکیاو چەندین بازرگان و پیشەساز پێکهاتبوو.
لەدانیشتنێکدا باس لە پەیوەندى نێوان ژوورى بازرگانى هەولێرو بازرگانانى ئەو چوار شارە کرا، جەختیش لەسەر ئامادەباشى بۆ ئەنجامدانى ئەو کارانە کرا، کە دەبێ مایەى ئەوەى بازرگانانى ئەو شارە بەشدارى لە پرۆسەى ئاوەدانکردنەوەى هەرێمدا بکەن، بەپێچەوانەى ساڵانى رابردوو کە نەتوانراوە ئەو کارە بکرێ و پەیوەندییەکانى هەرێم لەگەڵ ئەو شارانەدا نەگەیشتۆتە ئاستێکى وا، کە شایستەى باسکردن بێ ئەگەرچى لە شارەکانى دیکەى تورکیا لە کوردستان نزیکترن.
سەرۆکى ژوور باسى لە هەوڵەکانى خۆیان کرد سەبارەت بە کردنەوەى دەروازەیەکى تر لەگەڵ تورکیا لە سنوورى پارێزگاى شرناخ وەک چارەسەرییەک بۆ کێشەکانى سنوورو نزیکى ئەو پارێزگایە لە شارەکانى هەرێمى کوردستان، بەڵام تا ئێستا لە لایەنى تورکیاوە کارى بۆ نەکراوە، کە کردنەوەى دەروازەیەکى وا دەبێتە مایەى بەهێزبوونى پەیوەندى لەگەڵ ئەو پارێزگایانە دەبێتە مایەى باشتربوونى بارى ژیانى دانیشتوانەکەى، بۆیە پێویستە هەوڵى زیاترى بۆ بدرێ.
شارەکانى ماردین و شرناخ و باتمان و سیرت لە ساڵى 2008ەوە لە پرۆسەیەکى هاوبەشدا وەک هەرێمێکى یەکگرتوو یەکیان گرتووە، بۆ بوژاندنەوەى ناوچەکانیان هاوشان لەگەڵ ئەو پێشکەوتنانەى لە شارەکانى باکوورى تورکیا روو دەدەن، بە ئەندامێتى هەر چوار پارێزگاو هەر چوار سەرۆکى شارەوانییەکان و سەرۆکى ئەنجوومەنەکانى پارێزگاو سەرۆکى ژوورەکانى بازرگانى و پیشەسازى چەندین بەرپرسى کۆمەڵەى ئابوورى و رێکخراوى بازرگانى، کە خۆى لە (100) کەسایەتى دەدات، لەپێناو پێشکەشکردنى خزمەتگوزارى لەسەر ئاستى جیاجیادا بە رەوشى پێشکەوتنى شارەکانیان بە هەماهەنگى