رێککهوتی 29/1/2013، لهمیانهی پێشوازیکردنی لهلایهن بهڕێز دارا جهلیل خهیات سهرۆکی ژووری بازرگانی و پیشهسازی ههولێر لهبارهگهی ژوور، نوێنهری ژووری بازرگانی شاریقه رایگهیاند که سهرقاڵی کردنهوهی پێشانگهیهکی ههمیشهیین بۆ خستنهرووی بهرههمهکانی میرنشینهکهیان لهههولێری پایتهختدا.
لهسهرهتای دیدارهکهدا، کهتیایدا بهڕێز سۆران ئهبوبهکر جێگری سهرۆکی ژوور ئامادهبوو، بهڕێز خهیات بهگهرمی بهخێرهێنانی شاندی میوانی کرد و هیوای مانهوهیهکی باشی بۆ خواستن لهکوردستاندا.
پاشان بهڕێز خهیات تیشکی خستهسهر ئاستی پهیوهندییه دوو قۆڵییهکانی نێوان ههرێمی کوردستان و ئیمارات و وتی:"هیوادارین چالاکییه بازرگانییهکانی نێوان ههردوولا زیاتر گهشه بکات، ههڵبهت سهردانیکردنی شانده بازرگانییهکانی ههردوولا بۆ لای یهکتر، بهدیهاتنی ئهو ئامانجه مسۆگهر دهکات."
هاوکات، بهڕێز خهیات خواستی ژووری دووپاتکردهوه لهسهر پاڵپشتیکردنی بازرگان و کۆمپانیاکانی ئیمارات بهتایبهتی میرنشینی شاریقه وتی:"دهرفهتهکانی کارکردن لهکوردستاندا زۆرن و نابێت لهدهستیان بدهن."
لای خۆیهوه، بهڕێز حسێن محهمهد ئهلمهحمودی بهڕێوهبهری گشتی ژووری بازرگانی شاریقه، سوپاسگوزاری خۆی و ئهندامانی شاندی یاوهری دهربڕی و ئامانجی سهردانهکهی راگهیاند، که ئهویش ئامادهکاریکردنی ژوورهکهیانه بۆ مهبهستی کردنهوهی پێشانگهیهکی ههمیشهیی لهههولێری پایتهخدا، که تێدا کاڵا و بهرههمهکانی میرنشینهکهیان دهخهنه روو، هیواشی خواست که ئهو پڕۆژهیه لهئایندهیهکی نزیکدا بهئهنجام بگهیهنرێت.
لهکۆتایی دیدارهکهشدا، شاندی میوان دیاری رێزلێنانی پێشکهش بهسهرۆکی ژوورکرد.
رێککهوتی 29/1/2013، بهڕێز دارا جهلیل خهیات سهرۆکی ژووری بازرگانی و پیشهسازی ههولێر لهبارهگهی ژوور، پێشوازی لهبهڕێزان دێڤی کیرک بهڕێوهبهری کارگێڕی و ئهندریۆ سپینکس بهڕێوهبهری پڕۆژهکان لهکۆمپانیای (هێرتز)ی بهریتانی کرد.
لهسهرهتای دیدارهکهدا، بهڕێز دارا جهلیل خهیات بهگهرمی بهخێرهێنانی شاندی میوانی کرد و هیوای مانهوهیهکی باشی بۆ خواستن لهههولێری پایتهختدا.
لای خۆیانهوه، بهڕێزان دێڤی کیرک و ئهندریۆ سپینکس وێڕای دهربڕینی سوپاسگوزاری خۆیان لهبهرامبهر پێشوازی لێکردنیاندا، هاتنه سهر باسی سروشتی کاری کۆمپانیاکهیان و ئاماژهیان بهوهدا که کۆمپانیاکهیان لهسهر ئاستی نێودهوڵهتی و لهبواری بهڕێوهبردنی پڕۆژهکان و دانانی سیستهمی (پارێزگاری) بۆ کۆمپانیاکان کار دهکات و لقێکی سهرهکیان لهدوبهی ههیه، ههروهها شارهزایه لهبواری بهکرێدان و فرۆشتن و چاککردنهوهی ئامێره میکانیکی و کهلوپهلهکانی ئۆتۆمبێلدا، ههروهها خواستی خۆیان خسته روو و داوایان کرد که رێگهیان بۆ ئاسان بکرێت، تاوهکو بتوانن دهست بهپێشکهشکردنی خزمهتگوزارییهکانیان لهکوردستاندا بکهن.
لای خۆیهوه، بهڕێز خهیات پاش گوێبیستی ئهندامانی شاندی میوان باسی لهرهوشی ههرێمی کوردستان کرد بهتایبهتی لهبواری بازرگانیدا، هاوکات تیشکی خسته سهر کاروبارهکانی بازاڕی ئۆتۆمبێل لهکوردستان، ههروهها رێنوێنی شاندی میوانی کرد که ههوڵ بدهن لقی کۆمپانیاکهیان لهکوردستاندا بکهنهوه، یان بههاوبهشی لهگهڵ کۆمپانیا لۆکاڵییهکاندا کارهکانیان بهئهنجام بگهیهنن.
لهکۆتایی دیدارهکهشدا، بهڕێز خهیات ئامادهیی ژووری بهمهبهستی هاوکاریکردنی کۆمپانیای ناوبراو دهربڕی.
1$=1488
بههای گۆرینهوهی دیناری عیراقی به دولاری ئهمری...
