رێککه‌وتی 25/2/2013، به‌ڕێز سۆران ئه‌بوبه‌کر جێگری سه‌رۆکی ژووری بازرگانی و پیشه‌سازی هه‌ولێر له‌باره‌گه‌ی ژوور، پێشوازی له‌شاندێکی بازرگانی ئه‌سته‌نبول کرد، که له‌ژماره‌یه‌ک نوێنه‌ری کۆمپانیا و پیاوانی خاوه‌نکار پێکهاتبوون.

له‌سه‌ره‌تای دیداره‌که‌دا، به‌ڕێز سۆران ئه‌بوبه‌کر به‌خێرهێنانی شاندی میوانی کرد و وتی:"ئێمه‌ وه‌ک ژوور خۆشحاڵین که‌به‌به‌رده‌وامی له‌پێشوازیکردنی شانده‌ بازرگانییه‌کانی تورکیاداین."

به‌ڕێز سۆران ئه‌بوبه‌کر جه‌ختی له‌سه‌ر به‌ره‌و پێشچوونی ئابووری هه‌رێمی کوردستان کرده‌وه‌ و وتی:"ره‌وشی ئابووری کوردستان له‌باره‌ بۆ له‌ئامێزگرتنی ژماره‌یه‌کی زیاتر له‌کۆمپانیا بیانییه‌کان، ئه‌مه‌ش ده‌رفه‌تێکه‌ بۆ کۆمپانیا تورکییه‌کان که‌ له‌گه‌ڵ ‌هه‌رێمی کوردستان هاوسنوورن‌‌‌."

روونیکرده‌وه‌ و وتی:"ئێستا له‌کوردستاندا وه‌به‌رهێنه‌ری بیانی به‌چه‌شنی وه‌به‌رهێنه‌ری ناوخۆیی کاری خۆیان ده‌که‌ن، ئه‌مه‌ش بۆته‌ هانده‌رێكی باش بۆ سه‌رمایه‌گوزارانی وڵاتان که‌ بێن و له‌هه‌رێمدا کاری خۆیان بکه‌ن." 

هاوکات به‌ڕێز سۆران ئه‌بوبه‌کر ئاماده‌یی ژووری به‌مه‌به‌ستی هاوکاری و هه‌ماهه‌نگیکردنی ئه‌ندامانی شاندی میوان ده‌ربڕی.