تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: چوار شەممە, 15 ئایار 2013

رێککه‌وتی 15/5/2013، له‌باره‌گه‌ی ژوور دیدارێک له‌نێوان  به‌ڕێز سۆران ئه‌بوبه‌کر عه‌ز‌یز جێگری سه‌رۆکی ژووری بازرگانی و پیشه‌سازی هه‌ولێر و، نوێنه‌ری ژماره‌یه‌ک کۆمپانیای کۆماری ئیسلامی ئێراندا ئه‌نجامدرا.

 

له‌سه‌ره‌تای دیداره‌که‌دا، که‌ به‌ڕێزان مه‌هدی که‌ریمی کونسوڵی گشتی کۆماری ئیسلامی ئێران له‌هه‌ولێر و، جه‌مشید زاده‌ به‌رپرسی پاشکۆی ئابووری ‌کونسوڵخانه‌ ئاماده‌یبوون، به‌ڕێز سۆران ئه‌بوبه‌کر عه‌ز‌یز جێگری سه‌رۆکی ژوور به‌ناوی ئه‌ندامانی ده‌سته‌ی کارگێڕی ژوور به‌خێرهێنانی شاندی میو‌انی کرد و، وتی:"خۆشحاڵین که‌ به‌ر له‌به‌شداریکردنتان له‌پێشانگه‌ تایبه‌تییه‌که‌تان که‌بڕیاره‌ سبه‌ی له‌هه‌ولێر به‌ڕێوه‌بچێت سه‌ردانی ژوورتان کرد، بۆیه‌ وه‌ک ژووری بازرگانی هیوای سه‌رکه‌وتنتان بۆ ده‌خوازین له‌و کاره‌دا و، هه‌روه‌ها ئاماده‌ین که‌ هاوکارتان بین، وه‌ک چۆن هه‌میشه‌ ئاسانکاریمان بۆ شانده‌ بازرگانییه‌کانی ئێران کردووه‌ له‌رابردوودا."

هه‌روه‌ها به‌ڕێزیان جه‌ختی له‌سه‌ر په‌یوه‌ندییه مێژووییه‌کانی نێوان هه‌ردوو گه‌لی کوردستان و ئێران کرده‌وه‌ و، وتی:"له‌رابردوودا گه‌ل و حکومه‌تی ئیسلامی ئێران باوه‌شیان بۆ لێقه‌وماوانی هه‌رێمی کوردستان کردۆته‌وه‌، ئێستاش ئێمه‌ زۆر خۆشحاڵین که‌ ده‌بینین کۆمپانیا ئێرانییه‌کان و شانده‌ بازرگانییه‌کانی ئێران روو له‌هه‌رێمه‌که‌مان ده‌که‌ن."

هیواشی خواست که‌ ژماره‌ی کۆمپانیا ئێرانییه‌کان روو له‌زیادبوون بێت و کار بکه‌ن له‌سه‌رجه‌م بواره‌کاندا به‌تایبه‌تی له‌سێکته‌ره‌کانی (گه‌شتیاری و پیشه‌سازی و کشتوکاڵی)دا، به‌وه‌ش چالاکییه ئابوورییه‌کانی نێوان هه‌ردوولا زۆر زیاتر بێت.‌ 

له‌لایه‌کی دیکه‌شه‌وه، رۆڵی کونسوڵخانه‌ی ئێرانی له‌هه‌ولێر به‌رز نرخاند، به‌وه‌ی که‌ به‌به‌رده‌وامی کاری له‌سه‌ر پێشخستنی په‌یوه‌ندییه ئابوورییه‌کانی نێوان کوردستان و ئێران کردووه‌.

 

لای خۆیه‌وه‌، به‌ڕێز مه‌هدی که‌ریمی کونسوڵی گشتی کۆماری ئیسلامی ئێران له‌هه‌ولێر، وێڕای ده‌ربڕینی سوپاسگوزاری له‌به‌رامبه‌ر پێشوازیکردنی ژوور له شانده‌ بازرگانییه‌که‌، وتی:"ئێمه‌ هیواده‌خوازین که‌ بازرگانانی هه‌ردوولا سوود و قازانج له‌م جۆره‌ سه‌ردانانه‌ وه‌ربگرن."

هه‌روه‌ها داوه‌تی ده‌سته‌ی کارگێڕی ژووری بازرگانی کرد که‌ له‌پێشانگه‌که‌ی کۆمپانیا ئێرانییه‌کاندا ئاماده‌ بێت، که‌ بڕیاره‌ سبه‌ی له‌ هه‌ولێر به‌ڕێوه‌ بچێت.

 

دواتر، ئه‌ندامانی شاندی میوان وێڕای ناساندنی خۆیان و پێگه‌ی کارکردنیان و سروشتی کاری ده‌زگه‌ و کۆمپانیاکانیان، کۆمه‌ڵێک پرسیاریان ئاڕاسته‌ی جێگری سه‌رۆکی ژوور کرد، که‌ سه‌رجه‌میان له‌لایه‌ن به‌ڕێزیانه‌وه‌ به‌وردی وه‌ڵامی پێویستیان درایه‌وه، هه‌روه‌ها له‌میانه‌ی وه‌ڵامدانه‌وه‌ی پرسیاره‌کانی ئه‌ندامانی شاندی میواندا، به‌ڕێزیان چه‌ندین رێنوێنی و زانیاری به‌که‌ڵکی دایه‌ ئه‌ندامانی شانده‌که‌ و، به‌تێروته‌سه‌لی تیشکی خسته‌ سه‌ر یاسای وه‌به‌رهێنان و چۆنێتی ده‌ستپێکردن به‌ پڕۆژه‌ جۆراجۆره‌کان له‌کوردستاندا.

 

جێی ئاماژه‌یه‌، ئه‌و کۆمپانیا ئێر‌انییانه‌ی که‌ له‌رێی نوێنه‌ره‌کانیانه‌وه‌ سه‌ردانی باره‌گه‌ی ژووریان کرد، له‌بواره‌کانی بیناسازی و به‌رهه‌مهێنانی که‌ره‌سته‌ و تاقیگه‌ی بیناسازی و، کشتوکاڵ و، دروستکردنی تابلۆکانی سه‌ر شه‌قامو، دروستکردنی کۆنتڕۆڵی کاره‌با و چه‌ند بوارێكی دیکه‌دا، کار ده‌که‌ن و، هه‌روه‌ها به‌شداریان له‌و پێشانگه‌یه‌دا کردوه‌ که‌ له‌ 16-19ی ئه‌م مانگه‌دا له‌هه‌ولێر به‌ڕێوه‌ده‌چێت.

بڵاوكراوه‌ته‌وه‌ له‌ هه‌واڵ

رێککه‌وتی 15/5/2013، به‌ڕێز ئیبراهیم محه‌مه‌د سۆفی جێگری سه‌رۆکی ژووری بازرگانی و پیشه‌سازی هه‌ولێر له‌باره‌گه‌ی ژوور، پێشوازی له‌به‌ڕێز کلۆد ڤال سه‌رۆکی ئه‌نجومه‌نی کاری فه‌ڕه‌نسا له‌دوبه‌ی و شاندی یاوه‌ری کرد.

 

له‌سه‌ره‌تای دیداره‌که‌دا، به‌ڕێز ئیبراهیم حاجی سۆفی جێگری سه‌رۆکی ژوور به‌گه‌رمی به‌خێرهێنانی شاندی میوانی کرد و هیوای مانه‌وه‌یه‌کی باشی بۆ خواستن له‌هه‌ولێری پایته‌ختدا.

 

پاشان به‌ڕێزیان رێنوێنی شاندی میوانی کرد بۆ کارکردن له‌کوردستاندا و وتی:"ئێستا ره‌وشه‌که‌ به‌گشتی له‌کوردستاندا و به‌تایبه‌تی له‌بواری ئابووریدا زۆر له‌باره‌ و ئه‌مه‌ش وایکردووه‌ که‌ ژماره‌یه‌کی زۆری کۆمپانیای بیانی لقی خۆیان له‌شاره‌کانی هه‌رێمدا بکه‌نه‌وه‌، که‌ کۆمپانیا تورکییه‌کان پێشه‌نگیانن و هه‌ر بۆیه‌ خوازیارین که‌ کۆمپانیا فه‌ڕه‌نسییه‌کان به‌گوڕوتینێکی زیاتره‌وه‌ روو له‌هه‌رێمه‌که‌مان بکه‌ن، ئێمه‌ش وه‌ک ژووری بازرگانی ئاماده‌ین هاریکاری و کارئاسانیان بۆ بکه‌ین له‌پاڵ ئه‌و ئاسانکاراییانه‌ی که‌ له‌سایه‌ی یاسای وه‌به‌ر‌هێنانی حکومه‌تی هه‌رێمدا بۆ سه‌رمایه‌دارانی بیانی ده‌کرێت."

 

لای خۆیه‌وه،‌ به‌ڕێز کلۆد ڤال سه‌رۆکی ئه‌نجومه‌نی کاری فه‌ڕه‌نسا له‌دوبه‌ی، وێڕای ده‌ربڕینی سوپاسگوزاری خۆی و ئه‌ندامانی شاندی یاوه‌ری له‌به‌رامبه‌ر پێشوازی لێکردنیان‌دا‌، هاته‌ سه‌ر باسی کارووباره‌کانی ئه‌نجومه‌نه‌که‌یان له‌دوبه‌ی و، ئاماژه‌ی به‌وه‌دا که‌ ئه‌وان وه‌ک لقێكی ژووری بازرگانی فه‌ڕه‌نسا له‌دوبه‌ی کار ده‌که‌ن، هه‌روه‌ها پێش وه‌خته‌ زانیاری ته‌واویان له‌سه‌ر ره‌وشی هه‌رێمی کوردستان و پێشکه‌وتنه ئابوورییه‌کانی ئه‌م هه‌رێمه‌یان وه‌رگرتووه‌، ئێستاش هاتوونه‌ته‌ هه‌ولێر تاکو ده‌رفه‌تی کار له‌م هه‌رێمه‌دا بدۆزنه‌وه، به‌ڵکو له‌ئاینده‌دا بتوانن لقی ژماره‌یه‌ک له‌کۆمپانیاکانی وڵاته‌که‌یان له‌کوردستاندا بکه‌نه‌وه.

بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« September 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑