رێککهوتی 19/9/2013، لهمیانهی پێشوازیکردنی لهلایهن بهڕێز سۆران ئهبوبهکر عهزیز جێگری سهرۆکی ژووری بازرگانی و پیشهسازی ههولێر لهبارهگهی ژوور، بهڕێز جێرۆین کێلدێرهویس نوێنهری حکومهتی هۆڵهندا لهههولێر رایگهیاند: لهمانگی داهاتوودا شاندێکی فراوانی بازرگانی هۆڵهندا دێته کوردستان.
لهسهرهتای دیدارهکهدا، بهڕێز سۆران ئهبوبهکر عهزیز جێگری سهرۆکی ژوور وێڕای بهگهرمی بهخێرهێنانی شاندی میوان، هیوای خواست که پهیوهندییه دوو قۆڵییهکانی نێوان ههرێمی کوردستان و هۆڵهندا، بههۆی سهردانیکردنی ههردوولاوه بهرهو پێشتر بچێت.
ههروهها بهڕێزیان داوایکرد، کهباڵیۆزخانهی هۆڵهندا پهله بکات لهههوڵدان بۆ کردنهوهی هێڵی راستهوخۆی ئاسمانی لهنێوان ههولێر و ئهمستردامدا، ههروهها لهههولێر فیزای ئهو وڵاته بدرێته هاوڵاتیان و بازرگانانی کوردستان، چونکه ئهو کارانه دهبنه هۆی فراوانکردنی پهیوهندییهکان لهنێوان ههردوولادا.
لای خۆیهوه، بهڕێز کێلدێرهویس وێڕای دهربڕینی سوپاسگوزاری خۆی لهبهرامبهر پێشوازی لێکردنیدا ئامانجی سهردانهکهی روونکردهوه که بریتییه لهئامادهسازیکردنیان بۆ رێکخستنی دیدارێکی نوێی بازرگانی لهنێوان بازرگانانی ههردوولادا، کهبڕیاره لهمیانهی هاتنی شاندێکی بازرگانی وڵاتهکهیدا بۆ کوردستان لهمانگی داهاتوودا و لهههولێر ساز بکرێت.
لهمیانهی دیدارهکهدا، ههردوولا باسیان لهبوارهکانی کارکردنی ئهو کۆمپانیا هۆڵهندییانه کرد کهبڕیاره لهداهاتوودا بێنه کوردستان و بهگرنگیان زانی که لهههردوو بواری وزه و کشتوکاڵدا کارهکانیان چڕبکهنهوه، چونکه هۆڵهندییهکان لهو دوو بوارهدا شارهزایی باشیان ههیه.
لهکۆتایی دیدارهکهشدا، بهڕێز سۆران ئهبوبهکر عهزیز دووپاتی لهسهر ئامادهیی ژوور کردهوه بهمهبهستی بهیهکگهیاندنی کۆمپانیا و بازرگانانی کوردستان و هۆڵهندا لهلایهک و، یارمهتیدانی نوێنهرایهتی حکومهتی ئهو وڵاته لهکوردستاندا لهلایهکی دیکهوه.
رێککهوتی 19/9/2013، بهڕێز سۆران ئهبوبهکر عهزیز جێگری سهرۆکی ژووری بازرگانی و پیشهسازی ههولێر لهبارهگهی ژوور، پێشوازی لهبهڕێز چارلز فیگاڵۆ بهڕێوهبهری کارگێڕی ژووری بازرگانی و پیشهسازی عهرهبی لهئوسترالیا و شاندی یاوهری کرد.
لهسهرهتای چاوپێکهوتنهکهدا، بهڕێز سۆران ئهبوبهکر عهزیز وێڕای بهگهرمی بهخێرهێنانیان، ئاماژهی بهوهدا که ئێستا ههرێمی کوردستان جێگهیهکی تایبهتی ههیه لهناوچهی رۆژههڵاتی ناوهڕاستدا لهپاش رووخانی رژێمی پێشووی عێراق و، بهتایبهتی لهپاش دۆزینهوه و دهرهێنانی نهوت لهم ههرێمهدا.
ههروهها وتی:"ئهم رهوشه پێشکهوتووه وایکردووه که کوردستان بهشێكی جیاواز بێت لهعێراق و، بهوهش ژمارهیهکی زۆری کۆمپانیا بیانییهکان بهتایبهتی نهوتییهکانیان روویان لهههرێمی کوردستان کردووه، بۆیه ئێستاش هیوادارین که ئێوه ئهم زانیارییانه بۆ وڵاتهکهتان بگوازنهوه، تاکو بازرگانان ئوسترالیا بێنه ههرێـم و، ئهڵبهت گرنگتریش ئهوهیه که کونسوڵخانهی ئوسترالیا لهههولێر بکرێتهوه."
لای خۆیهوه، بهڕێز چارلز فیگاڵۆ وێرای سوپاسکرنی بهڕێز جێگری سهرۆکی ژوور لهبهرامبهر ئهو پێشوازییه گهرمهی که لێیان نراوه، وتی:"ئێمه پێش وهخته ئاگاداری رهوشی ههرێمی کوردستان بووین لهرێی باڵیۆزی وڵاتهکهمان لهبهغدا، ئێستاش هاتووین که باشتر ئاگاداری پێشکهوتنهکانی ئهم ههرێمه بین، تاکو بناغهی پهیوهندییهکی پتهو لهگهڵ دهزگه ئابوورییهکانی ئێره بنیات بنێین."
ههروهها وتی:"لهپاش گهڕانهوهماندا راپۆرتێک بۆ ژوورهکهمان ئاماده دهکهین، تاکو بڕیار لهسهر هاتنی شاندێکی فراوانی بازرگانی وڵاتهکهمان بۆ ئێره بدات، که پێدهچێت لهبههاری ساڵی داهاتوودا ئهنجام بدرێت."
لهکۆتایی دیدارهکهشدا، شاندی میوان دیاری رێزلێنانی پێشکهش بهبهڕێز جێگری سهرۆکی ژوور کرد.
1$=1488
بههای گۆرینهوهی دیناری عیراقی به دولاری ئهمری...
