تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: چوار شەممە, 25 ئەیلول 2013

رێککه‌وتی 24/9/2013، له‌میانه‌ی پێشوازیکردنی له‌لایه‌ن به‌ڕێز دارا جه‌لیل خه‌یات سه‌رۆکی ژووری بازرگانی و پیشه‌سازی هه‌ولێر له‌باره‌گه‌ی ژوور، ‌به‌ڕێز جین فیلیپ تاچدجیان کونسوڵی بازرگانی له‌باڵیۆزخانه‌ی که‌نه‌دا له‌به‌غدا، رایگه‌یاند، به‌نیازین نووسینگه‌ی بازرگانی که‌نه‌دا له‌هه‌ولێر بکه‌ینه‌وه.

 

له‌سه‌ره‌تای دیداره‌که‌دا، به‌ڕێز دارا جه‌لیل خه‌یات سه‌رۆکی ژوور وێڕای به‌گه‌رمی به‌خێرهێنانی شاندی میوان، باسی له‌ره‌وشی ئابووری کوردستان کرد به‌تایبه‌تی و عێراق به‌گشتی و، هه‌ر‌وه‌ها وتی:"ئێستا عێراق به‌گشتی و کوردستان به‌تایبه‌تی له‌قۆناغی بنیاتنانه‌وه‌ی سه‌رخان و و ژێرخانیاندان، بۆیه‌ ژماره‌یه‌کی زۆری کۆمپانیا بیانییه‌کانمان پێویسته بۆ ئه‌و کاره‌."

 

لای خۆیه‌وه‌، به‌ڕێز فیلیپ تاچدجیان وێڕای ده‌ربڕینی سوپاسگوزاری خۆی له‌به‌رامبه‌ر پێشوازی لێکردنیدا، ئامانجی سه‌ردانه‌که‌ی روونکرده‌وه‌ که‌ بریتییه له‌ئاگادارکردنی ژوور له‌کاروباره‌کانی ئێستای پاشکۆ بازرگانییه‌که‌یان و، هه‌روه‌ها رایگه‌یاند:"ئێمه‌ به‌نیازین له‌داهاتوودا نووسینگه‌ی بازرگانی که‌نه‌دا له‌هه‌ولێر بکه‌ینه‌وه."

 

هاوکات به‌ڕێز تاچدجیان ئاماژه‌ی به‌وه‌شدا، که‌ ئاماده‌سازی ده‌که‌ن تاکو له‌مانگی شوباتی داهاتوودا شاندێکی فراوانی بازرگانی که‌نه‌دی بێننه‌ کوردستان و له‌میانه‌یدا دیداری بازرگانی له‌گه‌ڵ بازرگانانی کوردستاندا ساز بکه‌ن."       

 

له‌کۆتایی دیداره‌که‌شدا، به‌ڕێز خه‌یات رایگه‌یاند که‌ ژووری بازرگانی له‌ئاماده‌باشیدایه بۆ سه‌رخستنی به‌رنامه بازرگانییه‌کانی باڵیۆزخانه‌ی که‌نه‌دا له‌سایه‌ی ره‌وشی ئارامی کوردستاندا، به‌و ئومێده‌ی هه‌نگاوه‌کان ببنه‌ مایه‌ی سوود و قازانج بۆ بازرگانانی هه‌ردوولا و به‌رهه‌می باش و پێشکه‌وتووی که‌نه‌دیش بگاته‌ هاووڵاتییانی کوردستان.  

 

بڵاوكراوه‌ته‌وه‌ له‌ هه‌واڵ

رێککه‌وتی 24/9/2013، به‌ڕێز دارا جه‌لیل خه‌یات سه‌رۆکی ژووری بازرگانی و پیشه‌سازی هه‌ولێر به‌ئاماده‌بوونی به‌ڕێزان سۆران ئه‌بوبه‌کر جێگری سه‌رۆکی ژوور و، ژماره‌یه‌ک له‌ئه‌ندامانی ده‌سته‌ی کارگێڕی ژوور و، سه‌یار ئه‌ربیل کونسوڵی بازرگانی تورکیا له‌هه‌ولێر، پێشوازی له‌شاندێکی بازرگانی ئسپارتای تورکیا کرد.

له‌سه‌ره‌تای دیداره‌که‌دا، به‌ڕێز دارا جه‌لیل خه‌یات وته‌یه‌کی پێشکه‌ش کرد و تێدا به‌ ناوی ئه‌ندامانی ده‌سته‌ی کارگێڕی ژووره‌وه‌ به‌خێرهێنانی شاندی میوان کرد و وتی:"ئێستا په‌یوه‌ندییه‌ دوو قۆڵییه‌کانی نێوان هه‌رێمی کوردستان و تورکیا له‌وپه‌ڕی گه‌شه‌سه‌ندندایه‌، ئه‌مه‌ش ره‌نگدانه‌وه‌ی له‌سه‌ر جموجۆڵه‌ بازرگانییه‌کانی نێوان هه‌ردوولا هه‌بووه‌."

لای خۆیه‌وه‌، به‌ڕێز شوكرو باش ده گرمن دسه‌رۆکی ژووری بازرگانی ئیسپارتا  که‌سه‌رۆکایه‌تی شانده‌که‌ی ده‌کرد، سوپاسگوزاری خۆی و ئه‌ندامانی شانده‌که‌ی راگه‌یاند، هه‌روه‌ها وتی:"ئێمه‌ هاتووین تاکو ئاگاداری ره‌وشی بازاڕی کوردستان بین، هاوکات به‌دوای دۆزینه‌وه‌ی هه‌لی کاردا ده‌گه‌ڕین تاکو له‌ئاینده‌دا بتوانین به‌چڕوپڕی جوڵه‌ی بازرگانی خۆمان ده‌ستپێبکه‌ین."

جێی ئاماژه‌یه‌، ئه‌و کۆمپانیانه‌ی که‌ له‌رێی نوێنه‌ره‌کانیانه‌وه یاوه‌ری شانده‌که‌ بوون، له‌بواری به‌رهه‌می میوه‌ و شه‌ربه‌تی میوه‌ و، مۆبیلیات و، به‌رهه‌مهێنانی به‌ردی مه‌ڕمه‌ڕ و ئامێره‌ کشتوکاڵییه‌کاندا کار ده‌که‌ن.

 له‌کۆتایی دیداره‌که‌شدا، شاندی میوان دیاری رێزلێنانی پێشکه‌ش به‌به‌ڕێز سه‌رۆکی ژوور کرد.

 

بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« February 2019 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑