رۆژی 21ی تشرینی یەكەم سۆران ئەبوبەكر جێگری دووەمی سەرۆكی ژوور وە بە ئامادەبوونی سەدرەددین كەمال و باقی محەممەد ئەندامانی ژوور پێشوازییان لە جان فیلیپ تەشجیان راوێژكاری ئابووری لە كونسولخانەی كەنەدا لە عێراق و ئوردن و لوبنان وە بە یاوەری غەسان ئەشقەر نوێنەری گەورە كۆمپانیای كەندی SNC-Lavalan كرد.
لە دیدارێكدا جان فیلیپ رایگەیاند كە ئێمە وەكو راوێژكار و بەرپرسی كاروباری بازرگانی لە كونسوڵخانەی كەنەدا زۆر بە پەرۆشەوەین كە بانگێشتی كۆمپانیا كەنەدییەكان بكەین بۆ ئەوەی وەبەرهێنان بكەن لە هەرێم ، ئێمە پێشتر توانیمان سەركەوتووبین لە كردنەوەی نوسینگەیەكی بازرگانی كەنەدا و پێدانی ڤیزای كەنەدا لە هەولێر ئێستاش لە هەوڵی نزیك كردنەوەی كۆمپانیایاكانی هەردوولاین بۆ ئەوەی وەبەرهێنان بكەن و پەیوەندییە بازرگانیەكان زیاتر بەرەو پێش بچن.
هەر لەم دیدارەدا غەسان ئەشقەر باسی لە كارو پرۆژەی كۆمپانیاكەی خۆیان كرد كە لە بوارەكانی رێگاوبان و ووزە و نەوت و گاز دەتوانن پرۆژەی گەورە لە 10 ملیار تا 30 ملیار دۆلاردا كاربكەن و راشیگەیاند كە كۆمپانیاكەیان ئێستا یەكێكە لە كۆمپانیا گەورەكان كە پرۆژەی گرنگ ئەنجام دەدات لە ووڵاتانی كەنداوی عەرەبی، ووتیشی ئێمە لەم سەردانەمان بۆ كوردستان هاتووین بۆ ئەوەی دەرفەتی كار بدۆزینەوە و وەبەرهێنان بكەین ، چونكە كەشی كوردستان زۆر لە بارە بۆ زۆرێك لە پرۆژەی گرنگ.
جێگری سەرۆكی ژووریش خۆشحاڵی خۆی دەربڕی بۆ ئەم سەردانە باسی یاساو رێنماییەكانی وەبەرهێنانی بۆیان كردو كە هەمان پشتگیری و پێدانی مافە بگرە زیاتریش بە كۆمپانیا بیانیەكان لە كۆمپانیا خۆماڵی یەكان چونكە ئێستا كوردستان زۆر پێویستی بەم بوارانەیە كە كۆمپاناكەی ئێوە ئەنجامی دەدات وە بەتایبەتی خاك و پێگەی جوگرافی كوردستان وا هەڵكەوتووە كە لە بوارەكانی گەشت و گوزار و كشتوكاڵ و نەوت زۆر دەوڵەمەندە راشیگەیاند كە ئێمە وەكو ژووری بازرگانی پاڵپشتی خۆمان بۆ ئێوە دەردەبڕین بۆ هەموو جۆرە هاوكارییەك و، زۆر خۆشحاڵیش دەبین كە بتوانن بەشداربن لە ئاوەدانكردنەوەی هەرێمی كوردستان.
