لە دیدارێكدا، باس لە پەیوەندییە بازرگانیەكانی نێوان هەردوولا كرا بەتایبەت چۆنییەتی ئەنجامدانی كاری كۆمپانیا بیانیەكان لە بواری تەندروستی و ئەو رێكارە یاساییانەی كە پێویستە كۆمپانیاكان بیگرنەبەر، بۆ ئەمەش سەرۆكی ژوور پاڵًپشتی تەواوی ژووری نیشاندا بۆ ئەو كۆمپانیا بیانیانەی دەیانەوێت كاربكەن و بەشدابن لە ئاوەدانكردنەوەی كوردستان كە لە چوارچێوەی یاساو رێنماییەكانی حكومەتی هەرێمی كوردستان بێت و دەرمان و پێداویستی پزیشكیش پێویستە لە كوالێتی كۆنترۆڵی جۆری دەرمان پەسند كراو بێت.

هەر لەم دیدارەدا شاندی میوان باسیان لە كارو چالاكیەكانی خۆیان كرد كە لە كەرتی تەندروستی و دروست كردنی دەرمان یەكێكن لە كۆمپانیا پێشەنگەكانی ووڵاتی یۆنان و ، سەبارەت بەم سەردانەشیان بۆ هەرێمی كوردستان رایانگەیاند كە ئەوان هاتوون بۆ بۆ ئەوەی زیاتر یارمەتی سیستەمی كەرتی تەندروستی كوردستان بدەن لە دابینكردنی دەرمان و كردنەوەی دەرمانخانە بە شێوەیەكی ستاندارد و پێشكەوتوو لە شارەكانی كوردستان ، وتیشی ئێمە بڕیارمان داوە كە لە كوردستان ئیش بكەین و بمێنینەوە لە ماوەی داهاتووش دا كارگەیەكی دروست كردنی دەرمان لە كوردستان دابمەزرێنین.