تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: چوار شەممە, 19 شوبات 2014
رۆژی 17/2 بە ئامادەبوونی راشد ئەلمەنسوری كونسوڵی گشتی میرنشینی عەرەبی ئیمارت لە هەرێم و ژمارەیەك لە ئەندامانی هەردوو ژووری بازرگانی و پیشەسازی دوبەی و هەولێر و ژمارەیەك لە بازرگانان، لە سەنتەری رۆشنبیری ژووری بازرگانی و پیشەسازی هەولێر سیمینارێك لەسەر چۆنیەتی بە ئەندام بوونی بازرگانان لە ژووری بازرگانی و پیشەسازی دوبەی سازكرا.
لە وتەیەكیشدا فیدائەدین گەردی ئەندامی ئەنجومەنی كارگێڕی ژوور دەست خۆشی لێكردن و هیوای سەركەوتنی بۆ خواستن لە هەمان كاتیشدا هیوای ئەوەی خواست كە نوسینگەی ژووری دوبەی لە هەولێر ببێتە هۆكارێك بۆ ئەوەی بازرگانان و وەبەرهێنەرانی كورد بتوانن لە رێگای ئەوەوە پەیوەندیە بازرگانی و ئابووریەكانیان لەگەڵ ئیمارات و سەرجەم بازرگانان كە ئەندامن لەو ژوورە بەهێزتر بكەن.
دواتر لە لایەن ئامادەبووانەوە چەندین پرسیار و تێبینی و بیر و را ئاڵو گۆر كران. 
 
بڵاوكراوه‌ته‌وه‌ له‌ هه‌واڵ
بە مەبەستی ئامادەكاری بۆ بەستنی (116)ەمین كۆنگرەی یەكێتی گشتی ژوورەكانی بازرگانی ووڵاتانی عەرەبی رۆژی 15/2 لە بارەگای ژوور بە ئامادەبوونی جەعفەر حەمدانی سەرۆكی یەكێتی ژوورەكانی بازرگانی عێراق و دارا جەلیل خەیات سەرۆكی ژووری بازرگانی هەولێر و ئەندامانی ئەنجومەنی كارگێڕی ژوور و ژمارەیەك لە شارەزا و كارمەندانی ژوور كۆبوونەوەیەك بەڕێوەچوو.
لە سەرەتا سەرۆكی یەكێتی ژوورەكانی بازرگانی عێراق ئاماژەی بە بارودۆخی لەباری شاری هەولێر بۆ بەستنی (116)ەمین كۆنگرەی یەكێتی ژوورەكانی بازرگانی ووڵاتانی عەرەبی كرد و تیشكی خستە سەر ئەو لایەنانەی كە بۆ سازكردنی كۆنگرەكە پێویستە، وەك ئامادەكردنی شوێن و هۆیەكانی هاتوچۆ و دەزگاكانی راگەیاندن و هەموو ئەو بابەتانەی كە پەیوەندییان بە بەستنی كۆنگرەوە هەیە.
دواتر سەرۆكی ژوور خۆشحاڵی خۆی لە بەرامبەر سازكردنی ئەو كۆنگرەیە لە شاری هەولێر بەو پێیەی كە لە كۆنگرەی 115 وا بڕیاری لەسەر درابوو لە هەولێر ببەسترێت هەروەها ئامادەیی ژووریشی بۆ پێشكەشكردنی هەموو جۆرە هاوكارییەك بۆ سەرخستنی كۆنگرەكە دەربڕی لە پاشان هەموو لایەنی بەرنامەی رێكخستن و بەڕێوەبردنی كۆنگرەكە لە لایەن ئامادەبوانەوە گفتوگۆی لەسەر كرا.
رۆژی 16/2 لە درێژەی گفتوگۆكردن لەسەر بەرنامەی كۆنگرەكە كۆبوونەوەكیان لە بارەگای ژوور بە ئامادەبوونی د. عیماد شەهاب ئەمینداری یەكێتی گشتی ژوورەكانی بازرگانی و پیشەسازی و كشتوكاڵی ووڵاتانی عەرەبی و سەلیم عاتف یاریدەدەری ئەمیندار و وە سەرۆكی یەكێتی ژوورەكانی بازرگانی و ئەندامانی كارگێڕی و شارەزاو كارمەندانی ژوور بەڕێوە چوو.
سەرەتا ئەمینداری یەكێتی گشتی ژوورەكانی بازرگانی و پیشەسازی و كشتوكاڵی ووڵاتانی عەرەبی یەك بە یەك خاڵەكانی پێكهاتە و قۆناغەكانی بەڕێوەچوونی كۆنگرەی شیكردەوە وە لەسەر هەموو ئەو خاڵانە گفتوگۆكراو یەك لاكرانەوە.
پاشان هەریەك لە سەرۆكی یەكێتی ژوورەكانی بازرگانی عێراق و سەرۆكی ژووری بازرگانی هەولێر تاوتوێی چۆنیەتی رێكخستنی كاروبارەكان كرا كە شیاو بێت بۆ بەستنی ئەو كۆنگرەیە بە هەمان شێوەی كۆنگرەكانی پێشوو كە لە ووڵاتانی جیا جیا سازكراوە، لە هەمان كاتیشدا بڕیاریاندا بە پێك هێنانی چەند لێژنەیەك بۆ رێكخستنی بەرنامەی بەستنی كۆنگرە و لایەنی دارایی و تێچوونی بەستنی كۆنگرەكەیان تاوتوێكرد.
كۆنگرەی یەكێتی ژوورەكانی بازرگانی ووڵاتانی عەرەبی هەر ساڵە و لە ووڵاتێك سازدەكرێت، عێراقیش یەكێكە لە دامەزرێنەرانی ئەو یەكێتی یە و لە سەرەتادا یەكێك لەو ووڵاتانە بووە كە رۆلێكی كاریگەر و كارای لە ناو یەكێتیەكەدا هەبووە، گرنگی بەستنی ئەو كۆنگرەیە لە شاری هەولێر لەوەدایە كە دوای دابڕانی عێراق لەو یەكێتیە بۆ ماوەی چل ساڵ بۆ یەكەمین جارە كۆنگرەكە بەهۆی هەبوونی كەش و هەوای لەباری بەڕێوەچوونی كۆبوونەوەی لەو بابەتە لە شاری هەولێر سازدەكرێت.
وا چاوەڕوان دەكرێت زیاتر لە (18) ووڵاتی عەرەبی بەشداری لەو كۆنگرەیەدا بكەن ئەمەش دەرفەتێكە بۆ ئاشناكردنی ئەو ووڵاتانە بە هەلەكانی وەبەرهێنان لە عێراق و كوردستان بە مەبەستی بەشداری پێكردنیان لە پرۆسەی ئاوەدان كردنەوەی عێراق دا، لە هەمان كاتیشدا دەرفەتی بەتینی پەیوەندی لە نێوان عێراق و ووڵاتانی عەرەبیدا بەهێزتر دەكات.
 
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« April 2011 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑