تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: پێنج شەممە, 29 ئایار 2014

ژووری بازرگانی و پیشەسازی هەولێر بەهاوكاری باڵیۆخانەی تونس لە عێراق و، بەهەماهەنگی لەگەڵ ناوەندی پەرەپێدانی هەناردەی تونسی، رۆژی ٢ی حوزەیران کۆڕبەندی ئابووری تونسی – كوردستانی لە هەولێر ساز دەكات. لە کۆڕبەندەکەدا دیداری روبەڕوو لەنێوان گەورە کۆمپانیاکانی تونس و کوردستان لەسەرجەم کەرتەکاندا بەڕێوەدەچێت.

لەمبارەیەوە دارا جەلیل خەیات سەرۆکی ژووری بازرگانی و پیشەسازی هەولێر لە لێدوانێکی رۆژنامەوانیدا رایگەیاند:

سازدانی کۆڕبەندەکە هاوکاتە لەگەڵ کردنەوەی هێڵی ئاسمانی تونس – هەولێر، کە رۆژی ١ی حوزەیران شاندێکی گەورەی ئابووری تونس لەڕێگەی فرۆکەخانەی نێودەوڵەتی هەولیرەوە دەگەنە پایتەختی هەریمی کوردستان، ئەم هێڵە زێدەباری هێڵەکانی ترە بۆ بەستنی کوردستان بە ئەفریقاو ئەوروپا، لەبەر نزیکی تونس لێیانەوە.

وتیشی: یەکەمجارە شاندێکی گەورەی ئابووری تونسی سەردانی کوردستان دەکات، هیوادارم لە کۆڕبەندەکەدا خاوەنکارانی کوردستان پەیوەندی دۆستایەتی و کاریان لەگەڵ ببەستن، تاکو بۆ خۆیان و کوردستان بە سوود بکەوێتەوە.

دارا جەلیل خەیات ئاماژەی بەوەشدا، ئەم پێشکەوتنانە لە پەیوەندی ئابووری نێوان تونس و کوردستان دەگەڕێتەوە بۆ ئەو سەردانەی کە ساڵی رابردوو ئێمە وەك شاندێكی بازرگانی بۆ ئەو وڵاتە ئەنجاممانداو لەگەڵ گەورە بەرپرسانی ئەو وڵاتە کۆبووینەوەو رەنگڕێژی ئەم پەیوەندییەمان کرد.

سەبارەت بە گرنگی تونس بۆ ئابووری کوردستان، سەرۆکی ژووری بازرگانی و پیشەسازی هەولێر وتی: تونس وڵاتێکی کشتوکاڵی و پیشەسازی و گەشتیارییە و کارگەی جۆراوجۆری باشی هەیە، رێککەوتنی تایبەتی لەگەڵ وڵاتانی ئەوروپا هەیە.

بڵاوكراوه‌ته‌وه‌ له‌ هه‌واڵ
رۆژی 28ی ئایار شاندێكی بازرگانان و خاوەن كۆمپانیا لە بوارەكانی كەل و پەلی خۆراك و ئاوەدانكردنەوەی شاری كاناكالی كە پێكهاتبوون لە 7 كەس بە سەرۆكایەتی عەبدوڵا دەنیز سەرۆكی كۆمەڵەی بازرگانانی ئاڵوگۆڕی كەل و پەلی شاری كاناكالی سەردانی ژووریان كرد و لە لایەن سۆران ئەبوبەكر جێگری دووەمی سەرۆكی ژوور پێشوازییان لێكرا.
لە دیدارێكدا شاندی میوان خۆشحاڵی خۆیان بەم سەردانە دەربڕی و روونیان كردەوە ئەوە یەكەم جارە سەردانی هەرێم دەكەن و ئامانجیشیان بۆ لە نزیك ئاگاداربوونە لە بازاڕەكانی هەرێمی كوردستان و زانینی یاسا و رێساكانی چۆنیەتی دامەزراندنی كۆمپانیا و كردنەوەی لق بریاریشیاندا لە ماوەی داهاتوو بە كۆمەڵێك كۆمپانیای ترەوە سەردانی هەولێر بكەن و لقی كۆمپانیای خۆیان بكەنەوە، داوەتێكیشیان پێشكەشی ژوور كرد بۆ ئەوەی سەردانیان بكەنەوە.
لە لایەن خۆشیەوە جێگری سەرۆكی ژوور زۆر بەخێرهاتنی كردن و یاسا و رێساكانی چۆنیەتی دامەزراندن و كردنەوەی لقی كۆمپانیا و كارگەی بۆیان روون كردەوە و پاڵپشتی ژووریشی بۆ هەموو جۆرە هاوكارییەك دەربڕی.
 
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« February 2015 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28  

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑