تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: پێنج شەممە, 12 حوزەیران 2014
رۆژی 12ی حوزەیران بۆگوستاو ئۆچۆدێك قونسوڵی پۆڵەندا لە هەولێر سەردانی ژووری كرد و لە لایەن دارا جەلیل خەیات سەرۆكی ژوور پێشوازی لێكرا.
قونسوڵی پۆڵەندا خۆشحاڵی خۆی بۆ ئەم سەردانە دەربڕی و ئامانجی هاتنەكەی روونكردەوە كە بۆ ئاگاداربوونە لە كارو چالاكیەكانی ژوور و هەروەها ووتیشی كە ئێمە حەز دەكەین پەیوەندییەكانمان لە گشت بوارێكەوە لە گەڵ ئێوە بەهێز بكەین و داوەتێكیشی پێشكەش بە ژوور كرد بۆ ئەوەی سەردانی ژووری ئابووری نیشتمانی پۆڵەندا بكەن و هیواشی خواست كە بتوانن گرێبەستێك لە نێوان ئێوە و ژوورە بازرگانیەكانی پۆڵەندا واژوو بكرێت بۆ پەرەپێدانی پەیوەندییە بازرگانیەكانی نێوان هەردوولا.
لە لایەن خۆشیەوە سەرۆكی ژوور دەست خۆشی لێكرد و باسی كارو چالاكیەكانی ژووری كرد و روونیشی كردەوە كە لەم 10 ساڵەی دواییدا ئابووری كوردستان بە شێوەیەكی بەرچاو گەشەی كردووە و رۆژ بە رۆژیش ئەمە لە زیادبووندایەو راشیگەیاند كە حكومەتی هەرێم بودجەیەكی باشی تەرخان كردووە بۆ پەرەپێدانی بواری ئابووری، وە ئاڵوگۆری بازرگانیمان كراوەیە بۆ هەموو وڵاتێكی جیهان.
ئامادەیی ژووریشی دەربڕی بۆ ئەم داوەتەو واژووكردنی گرێبەست و هیواشی خواست كە ئەوانیش بتوانن سەردانمان بكەن و بەشداربن لە پێشانگاو ئاوەدانكردنەوەی هەرێمی كوردستان.
 
بڵاوكراوه‌ته‌وه‌ له‌ هه‌واڵ
رۆژی 11ی حوزەیران دارا جەلیل خەیات سەرۆكی ژووری بازرگانی و پیشەسازی هەولێر و ژمارەیەك لە ئەندامانی ئەنجومەنی كارگێڕی ژوور لە بارەگای ژوور پێشوازیان لە كۆمپانیا بەشداربووەكانی پێشانگای نێودەوڵەتی هەولێر بۆ كۆمپانیا ئێرانیەكان كرد كە پێكهاتبوون لە 150 كۆمپانیا بە سەرۆكایەتی موحسین باوەفا سەركونسوڵگەری كۆماری ئیسلامی ئێران لە هەولێر.
شاندی میوان دەست خۆشی لە هەوڵ و كۆششە بەردەوامەكانی ژوور كرد بۆ ئەو پاڵپشتیەی كە دەیكات بۆ كۆمپانیا ئێرانیەكان, وە لە هەمان كات دا باسی چەند گیر و گرفتێكیان كرد كە لە دەروازە تووشی دێن هیوایان خواست ئەوان وەكو ژوور لە گەل دەزگا پەیوەندیدارەكان چارەسەرێكی گونجاویان بۆ بدۆزنەوە، وە لە هەمان كات دا چەند كۆمپانیایەك بەڵێنیان دا كە لە ماوەی داهاتوودا لقی خۆیان لە هەرێم بكەنەوە وە سەرسامی خۆشیان دەربڕی بۆ ئەو پێشكەوتنەی كە هەرێمی كوردستان پێیدا تێپەڕ دەبێت لە گشت بوارەكاندا.
لە لایەن خۆشیەوە سەرۆكی ژوور بەڵێنی پێدان كە گیروگرفتەكانیان بۆ حكومەت بەرز بكاتەوە بۆ چارەسەركردنیان وە پاڵپشتی ژووریشی بۆیان دەربڕی و دەست خۆشی لە كۆمپانیا و وەبەرهێنەرە ئێرانیەكان كرد كە هەمیشە پێشەنگ بوونە لە ئاوەدان كردنەوە و كردنەوەی لقەكانیان لە هەرێمی كوردستان. 
 
بڵاوكراوه‌ته‌وه‌ له‌ هه‌واڵ
رۆژی 11ی حوزەیران شاندێكی سەنتەری هاریكاری ژاپۆنی بۆ رۆژهەڵاتی ناوەراست (JCCME) بە سەرۆكایەتی راوێژكاری سەنتەرەكە تاكاهارو ئیوامۆرا سەردانی ژووریان كردو لە لایەن دارا جەلیل خەیات سەرۆكی ژوور پێشوازییان لێكرا.
لە دیدارێكدا شاندی میوان خۆشحاڵی خۆیان بۆ ئەم سەردانە دەربڕی و ئامانجی سەردانەكەیان روونكردەوە كە ئەوان وەكو ئەو سەنتەرە هەوڵ دەدەن كۆمپانیا ژاپۆنیەكان و وەبەرهێنەرە ژاپۆنیەكان بانگێشت بكەن بۆ ئەوەی وەبەرهێنان بكەن لە هەرێمی كوردستان و لقی كۆمپانیاكانیان بكەنەوە چونكە هەرێمی كوردستان شوێنێكی زۆر لە بارە و هەلی كاركردنی تێدا زۆرە.
لە لایەن خۆشیەوە سەرۆكی ژوور سوپاس كردن و هیواشی خواست كە كۆمپانیا ژاپۆنیەكان دووبارە بگەرێنەوە عێراق و هەرێمی كوردستان وە بە گوڕِو تینێكی زیاتر و ژمارەكی زیاترەوە، راشیگەیاند كە ئەوان وەكو ژوور بە هەموو شێوەیەك پاڵپشی و هاوكاریان دەبن.
 
بڵاوكراوه‌ته‌وه‌ له‌ هه‌واڵ
پێنج شەممە, 12 حوزەیران 2014 08:13

سەفیری هەنگاریا سەردانی ژووری كرد

رۆژی 11ی حوزەیران د. تیبۆر زاتماری سەفیری هەنگاریا سەردانی ژووری كرد و لە لایەن دارا جەلیل خەیات سەرۆكی ژوور و ئیبراهیم سۆفی جێگری یەكەمی ژوور پێشوازی لێكرا.
لە دیدارێكدا باس لە دوایین پێشهاتە ئابووریەكانی هەرێمی كوردستان كراو هەردوولا جەختیان لەسەر پەرەپێدانی ئاڵو گۆڕی بازرگانی نێوان هەردوولا كردەوە، سەفیری هەنگاریا رایگەیاند كە لە داهاتوویەكی نزیكدا قونسوڵی خۆیان لە هەولێر دەكەنەوە.
سەرۆكی ژووریش سوپاسی كرد بۆ ئەم سەردانەو روونی كردەوە كە یەكێك لە فاكتەرە بەهێزەكان بۆ پەرەپێدانی ئاڵوگۆڕی بازرگانی نێوان دوو لایەن كردنەوەی قونسوڵگەرییەو دەست خۆشی لێكردن بۆ ئەم هەنگاوە و ئامادەیی ژووریشی دەربڕی بۆ هەموو هاوكارییەك.
 
بڵاوكراوه‌ته‌وه‌ له‌ هه‌واڵ
رۆژی 9ی حوزەیران شاندێكی كۆمپانیاكانی سوید كە تایبەتمەندبوون بە بواری ژینگە سەردانی ژووریان كردو لە لایەن دارا جەلیل خەیات سەرۆكی ژوور و ژمارەیەك لە ئەندامانی ئەنجومەنی كارگێڕی ژوور پێشوازییان لێكرا.
شاندی میوان خۆشحاڵی خۆیان دەربڕی بۆ ئەم سەردانەو هیوایان خواست كە بتوانن بەشداربن لە ئاوەدانكردنەوەی هەرێمی كوردستان و وە داوایان كرد كە لێژنەیەك لە نێوان ژووری بازرگانی و پیشەسازی هەولێر و ژوورە بازرگانیەكانی سوید پێكبهێنرێت بۆ پەرەپێدان و ئاڵوگۆڕی بازرگانی لە نێوان هەردوولا.
لە لایەن خۆشیەوە سەرۆكی ژوور پاڵپشتی ژووری بۆ ئەم بیرۆكەیە دەربڕی و ررونیشی كردەوە كە ئەوان وەكو ژوور هەمیشە پاڵپشتی ئەو كۆمپانیاو وەبەرهێنەرانە دەكەن كە دەیانەوێت بەشداربن لە ئاوەدانكردنەوەی هەرێمی كوردستان.
پاشان رۆژی 10ی حوزەیران بە سەرپەرشتی ژووری بازرگانی و پیشەسازی هەولێر وە بە ئامادەبوونی فیدائەددین گەردی ئەندامی ئەنجومەنی كارگێڕی ژوور و ژمارەیەك لە بازرگانان و خاوەن كۆمپانیاكانی كوردستان لە سەنتەری رۆشنبیری ژووری بازرگانی و پیشەسازی هەولێر ئامادەی سیمیناری كۆمپانیا سویدییەكان بوون كە هەر یەكەو باسیان لە كارو پرۆژەی خۆیان دەكرد لە بواری ژینگە.
پاشان بیرو را ئاڵوگۆڕكرا لە نێوان كۆمپانیا سویدییەكان و كۆمپانیا كوردستانیەكان.
 
بڵاوكراوه‌ته‌وه‌ له‌ هه‌واڵ
پێنج شەممە, 12 حوزەیران 2014 08:07

سويدي

بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑