باڵیۆزی سریلانكا خۆشحاڵی خۆی دەربڕی بەم سەردانەو روونی كردەوە كە ئەوان بە نیازن لە ماوەی داهاتوو دا پەرە بە پەیوەندییە بازرگانیەكانیان بدەن لەگەڵ هەرێمی كوردستان لە بوارەكانی خواردەمەنی و دابینكردنی دەستی كار لە گشت بوارەكاندا بۆ هەرێم ئەوەشی راگەیاند كە ئەوان پرۆتۆكۆلێكیان ئیمزاكردووە لەگەڵ حكومەتی ناوەندی و هەوڵدەدەن هەمان پرۆتۆكۆلیش لەگەڵ حكومەتی هەرێم ئیمزا بكەن بۆ دابین كردنی دەستی كار.

لە لایەن خۆشیەوە سەرۆكی ژوور زۆر بەخێرهاتنی كرد و هیوای خواست كە ئەوان بتوانن نوسینگەیەك یان قونسوڵخانەیەك لە هەرێم بكەنەوە كە بەهۆیەوە بازرگانانی هەرێم بتوانن ئیش و كارەكانیان لەگەڵ ووڵاتی سریلانكا پەرە پێبدەن و ئامادەیی ژووریشی نیشاندا بۆ هەموو جۆرە هاوكارییەك.

پاشان لە هۆڵی كۆبوونەوەكان لە بارەگای ژوور باڵیۆزی سریلانكا پرێزەنتێشنێكی دەربارەی سریلانكا و بەرهەمە گرنگەكانی لە رێگای داتاشۆوە بۆ ئامادەبووان پێشكەش  دواتر بیروڕا دەربارەی میكانیزمەكانی پەیوەندی لە نێوان ئامادوبوان  ئاڵوگۆڕ كرا.