تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: یەک شەممە, 26 حوزەیران 2016

رۆژى 23/6/2016 له‌ درێژه‌ى سه‌ردانى شاندى بازرگانى هه‌رێمى كوردستان بۆ ویلایه‌ته‌ یه‌كگرتوه‌كانى ئه‌مریكا له‌ شارى واشنتون، سه‌ردانی ناوه‌ندى میردیانی نێوده‌وله‌تیان كرد كه به‌ هه‌ماهه‌نگی له‌گه‌ڵ وه‌زاره‌تی ده‌ره‌وه‌ی ئه‌مریكا هه‌ڵسا بوون به‌ ئاماده‌كردنی به‌رنامه‌ی رێكخستنى ئه‌م شانده‌ كه‌ تیایدا باسى به‌رنامه‌و گرنگى ئه‌و گه‌شته‌و زیاتر گۆرینه‌وه‌ى پسپۆرى نێوان ئه‌مریكا و كوردستان كرا. 

ئه‌وه‌ى جێگاى ئاماژه‌یه‌ به‌ سه‌رپه‌رشتى جۆزێف بینكتۆن جێگرى یاریده‌ده‌رى گشتى نوسینگه‌ى عێراق و كاروبارى رۆژهه‌لاتى نزیكى له‌ وه‌زاره‌تى ده‌ره‌وه‌ى ئه‌مریكا وكونسولى پێشوو له‌ كوردستان و ئێواره‌ خوانێك بۆ شاندى هه‌رێمى كوردستان رێكخراكه‌ تیایدا سۆزان كاباتى جێگرى سه‌رۆكى ناوه‌ندى میردیان و مارك ریستوك به‌رێوه‌به‌رى (پرۆگرامى سەرکردایەتی گەشتە نێودەوڵەتیەکان)  و مارى ساوبون جێبه‌جێكارى پرۆگرام وئۆگۆستا فلیپین نوێنه‌رى وه‌زاره‌تى ده‌ره‌وه‌ى ئه‌مریكا ئاماده‌ بوون.

بڵاوكراوه‌ته‌وه‌ له‌ هه‌واڵ

رۆژی 22/6/2016 لە شاری واشنتۆن پایتەختی ئەمریکا شاندی بازرگانی هەرێم بە سەرۆکایەتی د. دارا جەلیل خەیات سەرۆکی ژووری بازرگانی و پیشەسازی هەولێر لەگەڵ زاڵمای خەلیلزاد باڵیۆزی پێشووی ویلایەتە یەکگرتووەکانی ئەمریکا لە عێراق کۆبوونەوە.

لە دیدارێکدا کە سەرۆکی هەریەک لە ژوورەکانی (سلێمانی، دهۆک و کەرکوک) و بەشێک لە ئەندامانی ئەنجومەنی کارگێڕی ژووری بازرگانی هەولێر ئامادەی بوون باسی رەوشی ئابووری عێراق بەگشتی و هەرێمی کوردستان بە تایبەتی کرا.

زاڵمای خەلیلزاد وتی: هەرێمی کوردستان بە قەیرانی گەورەتر تێپەڕیوە و دەربازی بووە بۆیە من بە گەشبینیەوە لە ئایندەی هەرێمی کوردستان دەڕوانم، هەروەها ستایشی رۆڵی پێشمەرگەی کرد لە سەرکەوتنەکانی بەسەر تیرۆرستان.

وە لەهەمان کات دا پشتگیری خۆی بۆ هەرێمی کوردستان دووپات کردەوە.

بڵاوكراوه‌ته‌وه‌ له‌ هه‌واڵ
لە درێژەی سەردانەکەیان بۆ ویلایەتە یەکگرتووەکانی ئەمریکا رۆژی 22/6/2016  شاندی بازرگانی هەرێم بە سەرۆکایەتی د. دارا جەلیل خەیات لە شاری واشنتۆن سەردانی نوێنەرایەتی حکومەتی هەرێمیان کرد لە ئەمریکا لە لایەن ستافی نوێنەرایەتی و نوێنەر بەیان سامی عەبدولڕەحمان پێشوازییان لێکرا.
لە دیدارێکدا چۆنیەتی پتەوکردنی پەیوەندییە بازرگانیەکانی نێوان هەرێمی کوردستان و ئەمریکا گفتوگۆی لەسەر کرا.
لەم بارەیەوە بەیان سامی عەبدولڕەحمان پشتگیری خۆی و نوێنەرایەتی هەرێمی لە ئەمریکا بۆ پتەوکردنی ئەم پەیوەندییە دووپات کردەوە رایگەیاند کە ئەوان هەمیشە هەوڵدەدەن بۆ ئەوەی بازرگانان و وەبەرهێنەرانی ئەمریکا بتوانن روو لە هەرێم بکەن و بەشدار بن لە ئاوەدانکردنەوەی لە هەمان کات دا کۆمپانیاکانی ئەمریکا لقی خۆیان لە هەرێمی کوردستان بکەنەوە.
لە لایەن خۆشیەوە د. دارا جەلیل خەیات سوپاسی هەوڵ و کۆششە بەردەوامەکانی نوێنەرایەتی حکومەتی هەرێمی کرد کە هەمیشە لە هەوڵدان بۆ پتەوکردنی ئەم پەیوەندییە.
د. دارا ئەوەشی خستە روو کە ئەوان وەکو شاندی بازرگانی هەرێم هەمیشە لە هەوڵدان بۆ پتەوکردنی پەیوەندییە بازرگانیەکان لەگەڵ وڵاتان.
 
بڵاوكراوه‌ته‌وه‌ له‌ هه‌واڵ
بە مەبەستی بەشداربوون لە پرۆگرامێكی تایبەت بە بوژانەوەی ئابووری و پەرەپێدانی كەرتی بازرگانی لە عێراق و لەسەر داواكاری وەزارەتی دەرەوەی ئەمریكا، رۆژی 21/6/2016 شاندێكی بازرگانی هەرێم كە پێكهاتوون لە سەرۆكی ژوورەكانی (هەولێر، سلێمانی، دهۆك و كەركووك) لەگەڵ بەشێك لە ئەندامانی ژوور سەردانی ئەمریكایان كرد.
ئەم پرۆگرامە ماوەی 10 رۆژ دەخایەنێت لە سێ ویلایەت بەڕێوە دەچێت و تێیدا شاندی كوردستان چەندین دانیشتن و كۆبوونەوەی گرنگ لەگەڵ خاوەن كاران و بازرگانان و خاوەن كۆمپانیای بیانی ئەنجام دەدەن  بۆ پەرەپێدانی سێكتەرەكانی پیشەسازی نەوت و بەڕێوەبردنی كارگێڕی نەوت و غاز و پەرەپێدان و هەمەجۆركردنی ئابووری و چەندین تەوەری تری گرنگ كە سوودی گەورەیان بۆ هەرێمی كوردستان دەبێت.
لە هەمان كاتیشدا وا بڕیارە چاویان بكەوێت بە جۆزێف بێنكنتۆ (كونسوڵی گشتی پێشووی ئەمریكا لە هەولێر) و ئێستا بەرپرسی كاروباری عێراقە لە وەزارەتی دەرەوەی ئەمریكا، دەربارەی دانیشتنەكان و بەڕێوەچوونی پرۆگرامەكە زانیاری زیاتر بڵاودەكەینەوە.
 
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« May 2013 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑