رۆژی 15/5/2017 بە چاودێری سندوقی ئاوەدانكردنەوەی عێراق و بە ئامادەبوونی دەرباز كۆسرەت رەسوڵ وەزیری ئاوەدانكردنەوەو نێشتەجێ بوون لە حكومەتی هەرێمی كوردستان، سەفین دزەیی وتەبێژی حكومەتی هەرێمی كوردستان، نەوزاد هادی پارێزگاری هەولێر، د. دارا جەلیل خەیات سەرۆكی یەكێتیی ژوورەكانی بازرگانی و پیشەسازی هەرێمی كوردستان و نوێنەری وەزارەتی بازرگانی و پیشەسازی حكومەتی هەرێمی كوردستان و وەزیری بازرگانی و پیشەسازی حكومەتی عێراق بە وەكالەت و ژمارەیەك لە نوێنەران و كونسوڵخانەی وڵاتان و ژمارەیەك لە بازرگانان و پیشەسازكاران دوو پێشانگا لەسەر زەوی پێشانگای نێودەوڵەتی هەولێر لە پاركی شەهید سامی عەبدولرەحمان كرایەوە.
پێشانگای یەكەم تایبەت بوو بە بەرهەم و پیشەسازی ناوخۆیی كە تێیدا 150 كۆمپانیای عێراقی و كوردستانی بەرهەمەكانیان نمایش كردبوو.
پێشانگای دووەم 100 كۆمپانیا لە 20 وڵات بەشداربوون تایبەت بوو بە ئاوەدانكردنەوەی ناوچە رزگاركراوەكانی ژێر دەستی تیرۆرستانی داعش.
شایانی باسە ئەم پێشانگایە تا 18/5/2017 رۆژ بەردەوام دەبێت.
