تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: سێ شەممە, 16 کانونی دووەم 2018

ژووری بازرگانی و پیشەسازی هەولێر رۆژی ١٤/١/٢٠١٨ سمینارێكی لەبارەی دراوی ئەلیكترۆنی رێكخست بۆ هەریەک لە توانا تەحسین مامۆستای زانكۆو پسپۆڕی دارایی وەبەرهێنان و کاردۆ کەمال رۆژنامەنووسی ئابووری سازکرد.

لەو سمینارەدا کە سەرۆک و بەشێک لە ئەندامانی ئەنجوومەنی ژوورو ژمارەیەک بازرگان و وەبەرهینەرو نوێنەری دامودەزگا حکومییەکان و بایەخمەندانی ئابووری ئامادەی بوون، سەرەتا دکتۆر دارا جەلیل خەیات ئاماژەی بەوەدا، کە ئامانج لە سازدانی ئەم سمینارە، روونكردنەوەی شارەزایانە لەسەر ئەو دراوەو دراوە ئەلیكترۆنییەكانە بە گشتی بۆ بازرگانان و بایەخمەندانە بەو بوارە.

دواتر مامۆستا توانا تەحسین وێرای پێناسەکردنی دراوی ئەلیكترۆنی، ئاماژەی بەوەدا ئەو دراوە تەنها ئەلیكترۆنییە و وەك پارەی ئاسایی نییە و، تەنها لە  تۆڕی ئینتەرنێتدا بوونی هەیە. جەختیكردەوە، بیتكۆین بە هیچ رێنمایی وڵات و لایەنێك پەیوەست نییە، چونكە كاری نهێنی و مەترسیداری پێ دەكرێت. ئەو مامۆستایەی زانكۆ روونیكردەوە دراویی ئەلیكترۆنی لە ساڵی 1983 لە ئەمریكا داهێنراوە، لە ساڵی 2009  بیتكۆین لەلایەن ئەندازیارێكی كۆمپیوتەرەوە دروست كرا. ئاشكراشی كرد، تاكو ئێستا لە جیهاندا ١٣٨٤ جۆر دراوی ئەلیكترۆنی هەیە بەڵام بیتكۆین زۆرترین بەشداربووی هەیە و، نرخی یەك بتكۆین لەئێستادا 13 هەزارو 600 دۆلارە.

توانا تەحسین راشیگەیاند، لە كوردستاندا مامەڵە بەو جۆرە دراوانە دەكرێت، بەڵام بەشداربووانی زۆر نییە. پێیوایە، مەترسی لەسەر ئەو دراوە هەیە لەوانە دزینی پاسۆردو رەشبوونەوەی میمۆری و مامەڵە نەكردنی لە بازاڕو بۆرسەدا. ئاشکراشی کرد کە بانكی ناوەندیی عێراق مامەڵەكردنی بەم دراوە قەدەخە کردووە.

ئەو شارەزایە سوودەكانی ئەو دراوەی روونكردنەوە لەوانە حمولە و باجی لەسەر نییە و، هەڵاوسان تیایدا روو نادات و قازانجی هەیە، لەگەڵ ئەوەشدا داوای لە بازرگان و وەبەرهێنەرانی كوردستان كرد وەبەرهێنان لەو دراوەدا نەكەن، چونكە نرخی لە دابەزینە و مەترسی لەسەرە. ئاشكراشی كرد هەندێك ئەندازیاری كورد دراوی كوردكۆینیان دروست كردووەو مامەڵەی پێوە دەكرێت.

دواتر "كاردۆ كەمال" رۆژنامەنوسی ئابووری لە سمینارەكەدا روونكردنەوەی لە بارەی دۆسیەی دراوە ئەلیكترۆنییەكان دا و، بە شۆڕشێكی تازەی جیهانی وەسفی كرد. داوای كرد خەڵك بە وریایی مامەڵە بەو دراوانە بكەن و شارەزایی زۆریان لەبارەوە هەبێت، ئەوكات پەنای بۆ ببەن.

دواتر ئامادەبووان پرسیارو سەرنجی خۆیان خستەڕوو، وەڵامدانەوەلان بوونە مایەی دەولەمەندتکردنی زانیارییەکان لەبارەی ناوەڕۆکی سمینارەکە.

بڵاوكراوه‌ته‌وه‌ له‌ هه‌واڵ
سێ شەممە, 16 کانونی دووەم 2018 08:32

باڵیۆزی پۆڵۆنیا لە عێراق سەردانی ژوور دەكات

بە بۆنەی تەواوبوونی ماوەی ئەركەكەی لە عێراق رۆژی 9/1/2018 د. ستانیسواڤ سمۆلێن باڵیۆزی وڵاتی پۆڵۆنیا لە عێراق بە یاوەری د. بۆگۆسواڤ ئۆخۆدیك كونسوڵی وڵاتی پۆڵۆنیا لە هەولێر سەردانی ژووریان كرد لە لایەن د. دارا جەلیل خەیات سەرۆكی ژوور و  جێگری سەرۆك و ژمارەیەك لە ئەندامانی ئەنجومەنی كارگێڕی ژوور پێشوازییان لێكرا.
لە دیدارێكدا باڵیۆزی پۆڵەندا وتی: ئێمە لە ماوەی 13 ساڵی رابردوو پەیوەندی باشمان دروست كرد لە نێوان هەردوولا، ساڵی 2005 سەرۆك وەزیرانی ئەو كاتی وڵاتەكەمان یەكەم كەس بوو لەم ئاستە سەردانی هەرێمی كوردستان بكات، بوونی رێككەوتننامە لە نێوان ژوورە بازرگانیەكانی پۆڵەندا و هەرێمی كوردستان، لە نێوان زانكۆكان و خوێندنی قوتابیانی كورد لە وڵاتەكەمان و كاركردنی چەندان رێكخراو و پەیمانگای وڵاتەكەمان لە هەرێم مایەی خۆشحاڵی ئێمەیە.
د. ستانیسواڤ وتیشی: بوونی كۆمەڵەی دۆستایەتی پۆڵەندی – كوردستانی جگە لە پەیوەندی گشتی، لە ئاستی پەیوەندییە تاكە كەسیەكانیش پەیوەندی پتەو هەیە لە نێوان خەڵكانی هەرێمی كوردستان و پۆڵۆنیا.
باڵیۆز ئەوەشی خستە روو كە وڵاتەكەیان دەوڵەمەندە لە زۆرێك لە سێكتەرەكان بوونی شارەزا و كەسانی لێهاتوو لە بوارەكان دەتوانین یارمەتیدەر بین لە بوژانەوەی هەرێمی كوردستان لە ئێستا و داهاتوودا.
باڵیۆزی پۆڵۆنیا لە كۆتایی زۆر سوپاسی سەرۆكی ژووری كرد كە رۆڵێكی گرنگی هەبووە لە پێشخستنی بازرگانی لە نێوان هەردوولا، ئامدەیی خۆی نیشاندا بۆ پاڵپشتی و یارمەتیدانی هەرێمی كوردستان لە هەموو كاتێك.
لە لایەن خۆیەوە سەرۆكی ژوور سوپاسی هەوڵ و كۆششەكانی كرد كە لە ماوەی رابردوو پێشكەشی كردووە، توانیویەتی پەیوەندییەكی پتەو لە نێوان عێراق بە گشتی و هەرێمی كوردستان بە تایبەتی لە گەڵ وڵاتی پۆڵۆنیا دروست بكات، هیوای خواست لە ماوەی داهاتوو پەیوەندییەكان زیاتر پەرە بسەنێت لە گشت بوارەكان و هیوای سەركەوتنی بۆ خواست لە ئەركی داهاتووی دا. 
شایانی باسە لەم دیدارە هەریەك لە ئیبراهیم محەممەد كانەبی جێگری سەرۆكی ژوور و باقی محەمەد هادی، فیدائەددین محەممەد ئەمین، سالار جەلال قادر، تاهیر مەولود و كەمال عەزیز ئەندامی ئەنجومەنی كارگێڕی ژوور ئامادەبوون.
 
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« November 2019 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑