تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: چوار شەممە, 31 کانونی دووەم 2018
بەمەبەستی روو پێوكردنی پرۆژە پیشەسازیەكلنی هەولێر ژوور یاداشتنامەیەكی هەماهەنگی لەگەل بەڕێوبەرایەتی گەشەپێدانی پیشەسازی هەولێر واژوو كرد بۆ زانینی ژمارەی راستەقینەی كارگەكان ، كارەكە مەیدانی بە هەماهەنگی ئەنجام دەدرێت بۆ ئەو مەبەستە ژوور بڕە پارەیەك تەرخان دەكات ، بەم نزیكانە دەست بەكار دەبن. 
 
بڵاوكراوه‌ته‌وه‌ له‌ هه‌واڵ
رۆژی 30/1/2018 د. دارا جەلیل خەیات سەرۆكی ژووری بازرگانی و پیشەسازی هەولێر پێشوازی لە هو های كونسوڵی ئابووری و بازرگانی لە كونسوڵخانەی وڵاتی چین لە هەولێر كرد.
لە دیدارێكدا كە هەریەكە لە ئیبراهیم سۆفی و سۆران ئەبوبەكر جێگرانی سەرۆكی ژوور و جەوهەر خدر، فیدائەددین محەممەد ئەمین، سەدرەددین كەمال، تاهیر مەولود، عەبدولكەریم مستەفا و كەمال عەزیز ئەندامانی ئەنجومەنی كارگێڕی ژوور ئامادەبوون باس لە پتەوكردنی پەیوەندییە بازرگانیەكانی نێوان وڵاتی چین و هەرێمی كوردستان كرا.
كونسوڵی ئابووری وتی: ئارەزوو دەكەین پەیوەندی بازرگانیمان لەگەڵ هەرێمی كوردستان پتەو بكەین، لە چەند مانگی داهاتوشدا دوو پێشانگای نێودەوڵەتی لە چین بەڕێوەدەچێت داوا دەكەم بە شاندێكی گەورە بەشداربن لەم پێشانگایە.
سەرۆكی ژوور وتی: بوونی هەلی كار و هەلی وەبەرهێنان لە سێكتەرە جیاوازەكان لە هەرێمی كوردستان پاڵنەرێكی باشە بۆ ئەوەی وەبەرهێنەرانی وڵاتی چین بتوانن بێنە هەرێمی كوردستان.
وتیشی: ئێمە وەكو ژوور هەموو ئاسانكارییەك دەكەین بۆ كۆمپانیا و خاوەن كارانی وڵاتی چین بۆ ئەوەی سەردانی هەرێم بكەن.
د. دارا هیوای خواست كە شاندی بازرگانی وڵاتی چین لە ماوەی داهاتوودا سەردانی هەرێم بكەن، ئێمەش وەكو شاندێكی یەكێتیی ژوورەكان لە داهاتوویەكی نزیكدا سەردانی وڵاتی چین دەكەن و بەشدار دەبن لە پێشانگا و سەردانی ژوورە بازرگانیەكان و لایەنە حكومیەكانی تایبەت بە كەرتی بازرگانی دەكەن.
هەروەها ئامادەبووان هیواشیان خواست كە پێدانی ڤیزا بۆ بازرگانان ئاسان بكرێت.
 
بڵاوكراوه‌ته‌وه‌ له‌ هه‌واڵ
بە مەبەستی پشتگیری كردنی دارایی بۆ پرۆژەی بچوك و بەرزكردنەوەی شارەزایی پیشەیی وە دۆزینەوەی هەلی كاركردن بۆ ئەوانەی كە هەوڵی بەدەستهێنانی كار و دامەزراندنی پرۆژەی بچوك دەكەن رۆژی 29/1/2018 لە هۆتێل جوهەینە لە شاری هەولێر رێكخراوی (دانش)ی دانماڕكی
 DRC)  DANISH REFUGEE COUNCIL) () كۆبوونەوەیەكی فراوانی سازكرد بۆ هەموو ئەوانەی كە بەشدارییان كردبوو لە پێدانی زانیاری دەربارەی ئەو سێكتەرانەی كەوا پێویستن لە هەرێمی كوردستان كە كاریان لەسەر بكرێت لە هەمان كاتیشدا ئەو دەرفەتانە دەست نیشان بكرێت بۆ لەبەر چاوگرتنی داڕشتنی بەرنامەی كاری ئەو رێكخراوە لە داهاتوودا.
لەو كۆبوونەوەیەدا عەبدولواحید تەها بەڕێوبەری راگەیاندنی ژووری بازرگانی و پیشەسازی هەولێر وەك شارەزایەكی ئابووری و نوێنەرایەتی كردنی ژوور بەو پێ یەی كە نوێنەرایەتی كەرتی تایبەت دەكات بەشداربوو بە هۆكاری ئەوەی پێشتر لە هەڵسەنگاندنی بازاڕ و دیراسە كردنی هەرێمی كوردستان دا بۆ دۆزینەوەی دەرفەتی كاركردن و ئەو بوارانەی كە پێویستن بۆ كاركردن لە بازاڕی كاردا هاوكاری ئەم رێكخراوەكرابوو بە پێدانی زانیاری لەسەر ئابووری هەرێمی كوردستان بە شێوەیەكی گشتی.
لە كۆبوونەوەكەدا هەژار عەبدوڵڵا جێگری بەڕێوبەری پرۆژە چالاكیەكانی ئەنجومەنی دانماركی بۆ پەنابەران (DRC) تەواوی كار و چالاكیەكانی رێكخراوەكەی لە ساڵانی رابردوو خستەروو.
دواتریش ئەنجامی دیراسەی لێكۆڵینەوەكان كە لەسەر بازاڕی هەرێمی كوردستان كرابوو شرۆڤە كرا.
بۆ زیاتر دەوڵەمەند كردنی دیراسەكە و باشتركردنی چەندین پرسیار و بۆچوون خرانە بەر باس و گفتوگۆیان لە سەر كرا بۆ ئەوەی لە پاكنووس كردنەوەی دیراسەكەدا سوودیان لێ وەر بگیرێت 
بۆ ئەوەی پشتگیری رێكخراوی ناوبراو باشتر ئامانجەكانی بپێكێت.
 
بڵاوكراوه‌ته‌وه‌ له‌ هه‌واڵ
چوار شەممە, 31 کانونی دووەم 2018 09:35

کونسوڵی ئێران لە هەولێر سەردانی ژوور دەکات

شاندێكی كونسوڵخانەی ئێران لە هەولێر بە سەرۆكایەتی مورتەزا عەبادی سەركونسوڵی گشتی كونسوڵخانەی ئێران كرد، رۆژی29/1/2018 سەردانی ژووری کردو لەلایەن سەرۆک و ژمارەیەک لە ئەندامانی ئەنجومەنی كارگێڕی ژوورەوە پێشوازییان لێ کرا.

سەرکونسوڵی ئێران ئامانجی سەردانەكەی خستەڕوو، كە بۆ پتەوكردنی ئاڵوگۆڕی بازرگانی نێوان ئێران و هەرێمی کوردستانە و ئاشکرای کرد کە ئامانجیان زیاتركردنی خاڵە سنوورییە نێودەوڵەتییەکانی نێوان هەردوولایە.

موڕتەزا عەبادی ئاماژەی بەوەدا، لە خاڵە سنوورییەکان كێشە بۆ بازرگانان و خاوەنكاران دروست دەبێت، وەک راگرتن و هێشتنەوەی بارهەڵگرەكان بۆ ماوەیەكی زۆر، هەروەها جیاوازی نرخەكان لەنێوان بازاڕی سنوورەكان، هەروەها بچووکی شوێنی وەستانی بارهەڵگرەکان. وتیشی: جیاوازی لە خزمەتگوزاری لە خاڵە سنوورەکاندا وایكردووە هەندێ خاڵی سنووری قەرەباڵغ بن و هەندێکی دیکە چۆڵ بن. هیواشی خواست كاتژمێری كار لە بازاڕی سنوورەكان بە هاوبەشی رێكبخرێت و، بۆ چارەسەری ئەم كێشانەش بە پێویستی زانی لێژنەیەكی هاوبەش پێکبهێنرێت.

سەركونسوڵی ئێران راشیگەیاند: ئێمە خوازیاری پەیوەندی زیاترین لە ئاڵوگۆڕی شمەك و كاڵاكان لەنێوان هەردوولاو، هانی وەبەرهێنەرانمان دەدەین بێن لێرە وەبەرهێنان بكەن و سەرمایە گوزاری هاوبەش ئەنجام بدەن. هیواشی خواست بازرگانانی هەرێمی كوردستانیش سەردانی ئێران بكەن و وەبەرهێنان بکەن و، ئامادەیی كونسوڵخانەكەی بۆ هەر هاوكارییەك دەربڕی.

لە لای خۆیەوە دکتۆر دارا جەلیل خەیات سەرۆكی ژوور پشتڕاستی کردەوە کە لە خاڵە سنوورییەکاندا هەندێ كێشە هەن، هیوای خواست بە هەوڵی هەردوولا لە كەمترین ماوەدا چارەسەریان بكەن. وتیشی: ئامانجمان بوونی پەیوەندی پتەوی بازرگانییە لەگەڵ وڵاتان بەگشتی و وڵاتانی دراوسێ بەتایبەتی، لەگەڵ ئێران لە گشت سێكتەرەكان پەیوەندی پتەومان هەیە، هەروەها پەیوەندی نێوان ژوورەكانی هەردوولاش لە ئاستێكی زۆر باشدایە و، لە ماوەی داهاتوودا ئاڵوگۆڕی شاندە بازرگانییەكان دەست پێدەكەنەوە.

ئەوەشی خستەڕوو: بوونی حەوت خاڵی سنووری لەنێوان هەردوولا ئاماژەیە بۆ پەیوەندی پتەوی بازرگانی و، دۆخێکی نەخوازراوی کاتیی کەمێک لە جووڵەی بازرگانی نێوان هەردوولای کەم کردۆتەوە، بەڵام گەشبینین کێرڤەکە بەرز بێتەوە. سەرۆکی ژوور هیواشی خواست وەبەرهێنەرانی ئێران لە هەرێمی کوردستان سەرمایەكانیان بەگەڕبخەن و لە ئاوەدانكردنەوەی هەرێمی کوردستاندا هاوكاربن.

 

بڵاوكراوه‌ته‌وه‌ له‌ هه‌واڵ
چوار شەممە, 31 کانونی دووەم 2018 09:33

شاندێکی ژوورەکەمان سەردانی هەنگاریای کرد

بەمەبەستی بەشداریکردن لە پێشانگایەکی نێودەوڵەتی كشتوكاڵی رۆژی ٢٤/١/٢٠١٨ شاندێکی ژووری بازرگانی و پیشەسازی هەولێر سەردانی بۆدابیستی پاتەختی هەنگاریای کرد، دوای بەشداریکردن لە پیشانگاکە، شاندەکە سەردانی ژووری بازرگانی و پیشەسازی ئەو وڵاتەی کردو، لەلایەن جێگری سەرۆكی ژووری هەنگاری پێشوازییان لێكرا.

لە دیدارەكەدا ملا مەجید سورچی جێگری سەرۆكی ژووری بازرگانی و پیشەسازی هەولێر، باسی لە چۆنیتی پتەوكردنی پەیوەندییەكانی نێوان هەردوولای كردو، ئامادەیی بۆ هاوكاریكردنی هاتنی كۆمپانیاكانی هەنگاریا بۆ كوردستان دەربڕی. لەبەرامبەردا فرانسی میكلۆشی جێگری سەرۆكی ژووری بازرگانی و پیشەسازی هەنگاریا رایگەیاند، وڵاتەکەی خۆشحاڵ دەبێت بە بەردەوامبوونی ئەم سەردانانە و پتەوكردنی پەیوەندییەكانی نێوان هەردوولا.

دواتر شاندەکە سەردانی پارێزگاری بۆدابیستی كرد، وێرای تاوتوێکردنی ئەو سێکتەرانەی کە کوردستان پێویستی پێیەتی وەبەرهێنانی تێدا بکرێت، گفتوگۆ لەبارەی پرۆژەی گۆڕینی ئاوی قورس و دووبارە بەكارهێنانەوەی و، گۆڕینی پاشماوەی شارەكان وەكو سەرچاوەی وزەش بە تێروتەسەلی کرا.

شاندەکە پێكهاتبوون لە بەڕێزان ئیبراهیم سۆفی و ملا مەجید سورچی جێگرانی سەرۆكی ژوورو، تاهیر مەولود ئەندامی ئەنجومەنی كارگێڕی ژوورو، ئازاد شێروانی بەڕێوەبەری پەیوەندییەكانی ژوور.

بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« November 2012 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑