بە پێی نوسراوی ژووری بازرگانی عێراقی ـ ئیرانی ژمارە 176 لە 24/4/2018 كە وێنەیەكی لەرێگەی یەكێتی ژوورەكانی بازرگانی پیشەسازی هەرێمی كوردستان بە نوسراوی ژمارە 1095 لە 27/5/2018 بە دەستمان گەیشتوە ، پاشكۆی بازرگانی كۆماری ئیسلامی ئێران ئاسانكاری زۆر لە پێدانی ڤیزا بە كارمەندو بازرگانان و كۆمپانیا گەشتیاریەكانی عێراق بەگشتی دەكات ، ئەوانەی نیازی سەردانی كردنی كۆماری ئیسلامی دەكەن دەتوانن سوود لەو دەرفەتە وەربگرن
رۆژی 29/5/2018 د. دارا جەلیل خەیات سەرۆكی ژوور پێشوازی كرد لە سەرۆكی رێكخراوی بەهاناوەچوونی ئیسلامی نێودەوڵەتی لە عێراق، ئوردن و لوبنان و شاندی یاوەری.
ئامانجی سەردانی شاندی میوان بۆ ژوور دەست بەكاربوونی رێكخراوی ناوبراوە بۆ ئەنجامدانی پرۆژەی راهێنانی پیشەیی لەسەر پێداویستی كاری بازاڕی خۆماڵی بۆ 1700 كەس لە شاری هەولێر، لەگەڵ ژمارەیەك لە ئاوارەی ناوخۆ.
هەروەها بە هاوكاری ژووری بازرگانی و پیشەسازی هەولێر راهێنان بۆ 300 گەنج دەكەن كە تەمەنیان لە نێوان 18-25 ساڵ بێت لە كەرتی تایبەت.
ئەوەشیان خستە روو لە ماوەی 2 ساڵ هەوڵ دەدەن نزیكەی 1000 هەلی راهێنان پێشكەش بكەن و دوای دیراسەكردنی رێكخراوی ناوبراو و ژووری بازرگانی هەولێر یادداشتنامەیەكی لێكگەیشتن واژوو ئەكەن.
لە لایەن خۆیەوە سەرۆكی ژوور ئامادەیی خۆیی و ژووری نیشاندا بۆ هەموو هاوكاری پاڵپشتیەك، هیوای سەركەوتنی بۆ خواستن.