لە درێژەی سەردانەکەیان بۆ وڵاتی بولگاریا رۆژی ١١/٩/٢٠١٨ شاندی ژوور بە سەرۆکایەتی د. دارا جەلیل خەیات سەرۆکی ژوور سەردانی یەکێتیی ژوورەکانی بازرگانی بولگاریایان کرد لە لایەن تستیڤان سیمانۆڤ سەرۆکی یەکێتییەکە و یانجۆ یانیڤ سەرۆکی ژووری بازرگانی خاسکۆڤۆ پێشوازییان لێکرا.
لەو دیدارە باس لە پتەوکردنی زیاتری پەیوەندییەکانی نێوان ژوورە بازرگانیەکانی هەرێمی کوردستان و وڵاتی بولگاریا کرا، هەروەها باس لە پتەوکردنی زیاتری ئاڵوگۆڕە بازرگانییەکان و بەشداری کردن لە پێشانگا نێودەوڵەتییەکانی هەردوولا کرا.
هەروەها بڕیاردرا بە کردنەوەی لقێکی بانکی ئەوروپی لە شاری هەولێر.
رۆژی ١١/٩/٢٠١٨ شاندی ژووری بازرگانی و پیشەسازی هەولێر بە سەرۆکایەتی د. دارا جەلیل خەیات سەرۆکی ژوور و بە یاوەری ئیبراهیم محەممەد کانەبی جێگری سەرۆکی ژوور و باقی محەممەد هادی و سەدرەددین کەمال ئەندامانی ئەنجومەنی کارگێڕی ژوور سەردانی وەزارەتی ئابووری و وزەی بولگاریایان کرد و لە لایەن لجزار بۆریسۆف جێگری وەزیری ئابووری و وزەی بولگاریا پێشوازییان لێکرا.
لە دیدارێکدا چۆنیەتی یارمەتیدانی هەرێمی کوردستان و وەبەرهێنان لە کەرتی وزە لە لایەن وڵاتی بولگاریا باسی لێوەکرا.
رۆژی ١٠/٩/٢٠١٨ د. دارا جەلیل خەیات سەرۆکی ژوور پێشوازی لە خوان خۆسیە ئیسکۆبار باڵیۆزی وڵاتی ئیسپانیا لە عێراق و دابان شەدەڵە نوێنەری حکومەتی هەرێمی کوردستان لە ئیسپانیا کرد.
لە دیدارێکدا ژمارەیەک لە ئەندامانی ئەنجومەنی کارگێڕی ژوور ئامادەبوون باس لە چۆنیەتی پتەوکردنی پەیوەندییە بازرگانیەکانی نێوان وڵاتی ئیسپانیا و هەرێمی کوردستان کرا.
سەرۆکی ژوور وتی: هەرێمی کوردستان لە زۆر سێکتەردا پێویستی بە وەبەرهێنان هەیە خاوەن کار و وەبەرهێنەرانی ئیسپانیا دەتوانن سوود لە دەرفەتەکان وەرگرن، وتیشی بوهۆی بەرزی کوالێتی بەرهەمەکانی وڵاتی ئیسپانیا بازرگانانی هەرێمی کوردستان دەتوانن هاوردەی بەرهەمەکان بکەن هیوای خواست بازرگانان و خاوەن کۆمپانیاکانی وڵاتی ئیسپانیا بەشداربن لە پێشانگا نێودەوڵەتیەکانی هەرێم و بابەتەکانیان نمایش بکەن بۆ ئەوەی لە نزیکەوە هاوڵاتیانی هەرێمی کوردستان پێ ی ئاشنا بن، هیواشی خواست لە پێدانی ڤیزا ئاسانکاری بۆ بازرگانان و هاوڵاتیان بکرێت.
1$=1488
بههای گۆرینهوهی دیناری عیراقی به دولاری ئهمری...
