رۆژى 10/11/2019 د. دارا جهليل خهيات سهرۆكى ژوور به ئامادهبوونى مهلا مهجيد سورچى جێگرى سهرۆكى ژوور، باقى محهممهد هادى، سهدرهددين كهمال و ماجد جهلال ئهندامانى ئهنجومهنى كارگێڕى ژوور پێشوازييان كرد له حهسهن دانايى فهڕ راوێژكارى سهرۆك كۆمارى ئيسلامى ئێران بۆ كاروبارى بازرگانى و شاندى ياوهرى.
له ديدارێكدا حهسهن دانايى فهڕ وتى: ئێمه لهگهڵ عێراق مێژوويهكى دوور و درێژمان له ئاڵوگۆڕى بازرگانى ههيه، به گشتى تێكڕاى ئاڵوگۆڕه بازرگانيهكانمان له ساڵى 2006 450 بۆ 500 مليۆن دۆلار بوو بهڵام له ئێستادا سهرووى 5 مليار دۆلاره پلانى هاوبهشمان ههيه له ماوهى داهاتوو رێژهكه بهرزتر بكهينهوه.
راوێژكارى سهرۆك كۆمار رايگهياند: له ماوهى رابردوو زياتر كاره بازرگانيهكان ههناردهكردن بوو، بهڵام ئێستا كۆمپانيا ئێرانيهكان دهيانهوێت له ههرێمهوه كارگه دابمهزرێنن و وهبهرهێنان بكهن.
وتيشى: له پلانمان دا ههيه 2 لولهى گازى سروشتى له ئێرانهوه بۆ ههرێم رابكێشين به قهبارهى 25 مليۆن چوارگۆشه، ههروهها پهره به كهرتى كارهبا بدهين ههروهكو چۆن له ئێستادا ئێران 1350 مێگا واتى به عێراق داوه.
حهسهن دانايى فهڕ باسى له پرۆژهيهكى تريش كرد ئهويش دڵنايى كردنى كۆمپانيا و بازرگانانى ئێرانه له لايهن كۆمپانيايهكى دڵنيايى ئێران كه ئێستا له سهرهتاى كارهكانيهتى.
له لاهين خۆيهوه سهرۆكى ژوور دهست خۆشى لێكردن ئامادهيى و پاڵپشتى ژوورى بۆ دووپات كردنهوه رايگهياند: كه جهنابى حهسهن دانايى فهڕ زۆر چالاكانه و رۆڵێكى بهرچاوى ههبووه له پێشخستنى ئاڵوگۆڕ و كاره بازرگانيهكان له نێوان ههرێمى كوردستان و كۆمارى ئيسلامى ئێران.
سهرۆكى ژوور وتى: ئێمه پاڵپشتى ههر لايهنێك دهكهين بيهوێت وهبهرهێنان بكات له ههرێم، دهتوانين به يهكهوه بهرنامهى هاوبهش دابنێين بۆ ساڵى داهاتوو، ههروهها ههوڵ بدرێت پرۆژهى ستراتيژى له ههرێم جێبهجێبكهن.
سهرۆكى ژوور ئهوهشى خسته روو كه ئاڵوگۆڕى بازرگانى له ئاستێكى زۆر باش دايه له نێوان ههرێمى كوردستان و وڵاتى ئێران رۆژانه دهروازهى نوێ دهكرێنهوه، هيوا خوازيشن به زووترين كات ئهو كێشانه چارهسهر بكرێن كه رووبهرووى بازرگانان دهبنهوه له دهروازهكان و ههوڵ بدرێت به هاوبهشى ههردوولاش رێگاو بانهكان چاك بكرێن.
1$=1488
بههای گۆرینهوهی دیناری عیراقی به دولاری ئهمری...
