رۆژى 12/1/2021 شاندێكى ژوورى بازرگانى ئامهد به سهرۆكايهتى ئهردهل ئهوشار و ئهرجان تاينلهمهق جێگرانى سهرۆكى ژوورى بازرگانى ئامهد و ژمارهيهك له ئهندامانى ئهو ژووره، سهردانى ژوورى بازرگانى و پيشهسازى ههولێرييان كرد له لايهن د. دارا جهليل خهيات سهرۆكى ژوور پێشوازييان لێكرا.
له ديدارێكدا سۆران ئهبوبهكر جێگرى سهرۆكى ژوور و سهدرهددين كهمال ئهندامى ئهنجومهنى كارگێڕى ژوور ئامادهبوون، باس له پتهوكردنى زياترى پهيوهندييه بازرگانييهكانى نێوان ههرێمى كوردستان و شارى ئامهد كرا.
شاندى ميوان رايانگهياند ئامانجى سهردانهكهيان بۆ ژوور و شارى ههولێر، كردنهوهى نوسينگهيهكى ژوورهكهيانه له ههرێمى كوردستان، بۆ ئاسانكارى زياترى بازرگانانى ههردوولا، ههروهها له داهاتوودا له ههموو شارهكانى ههرێمى كوردستان به نيازين پێشانگايهكى گشتى بۆ بهرههمهكانى شارهكهمان و ناوچهكانى دهوروبهرى بكهينهوه، بۆ ئهوهى هاوڵاتيان له نزيكهوه بهرههمهكانمان ببينن و پهرهى زياتر به ئاڵوگۆڕه بازرگانييهكانى ههردوولا بدهين.
له لايهن خۆيهوه سهرۆكى ژوور دهست خۆشى لێكردن، ئامادهيى خۆيى و ژوورى نيشاندا بۆ ههموو هاوكارى و پاڵپشتييهك.
1$=1488
بههای گۆرینهوهی دیناری عیراقی به دولاری ئهمری...
