تۆ لێرەیت: ErbilChamberبابه‌ت فلته‌ر كراوه‌ به‌پێی به‌روار: یەک شەممە, 06 ئازار 2022
یەک شەممە, 06 ئازار 2022 10:43

ئاگاداري

1- سه‌رجه‌م هاوڵاتيانى خۆشه‌ويستى (پارێزگاى هه‌ولێر) ئاگادارده‌كه‌ينه‌وه‌، به‌هيچ شێوه‌يه‌ك مامه‌ڵه‌ى كڕين و فرۆشتنى يه‌كه‌ى نيشته‌جێ بوون (خانوو و شوقه‌) له‌م پرۆژانه‌ ئه‌نجام نه‌ده‌ن كه‌ مۆڵه‌تى وه‌به‌رهێنانيان له‌ (به‌ڕێوبه‌رايه‌تى گشتى وه‌به‌رهێنان) وه‌رنه‌گرتووه‌ ياخود له‌ قۆناغى رايى كردنى مامه‌ڵه‌دان، چونكه‌ ئه‌نجامدانى گرێبه‌ست له‌م پرۆژانه‌ هيچ به‌هايه‌كى ياسايى نييه‌ و به‌هيچ جۆرێك گه‌ره‌نتى مافى كڕيار ناكات، وه‌ بۆ پاراستنى مافى هاووڵاتيان پێويسته‌ به‌ر له‌ ئه‌نجامدانى هه‌ر جۆره‌ گرێبه‌ستێكى كڕينى (يه‌كه‌ى نيشته‌جێ بوون) له‌ هه‌ر پڕۆژه‌يه‌ك، سه‌ردانى (به‌ڕێوبه‌رايه‌تى گشتى وه‌به‌رهێنانى هه‌ولێر) بكه‌ن به‌ مه‌به‌ستى دڵنيابوونه‌وه‌ له‌ هه‌بوونى مۆله‌ت، به‌ پێچه‌وانه‌وه‌ (به‌ڕێوبه‌رايه‌تى گشتى وه‌به‌رهێنانى هه‌ولێر) لێى به‌رپرسيار نابێت.
2- ئه‌و وه‌به‌رهێنه‌رانه‌ى كه‌ مامه‌ڵه‌ى پرۆژه‌ى (نيشته‌جێ بوون) يان له‌ (به‌ڕێوبه‌رايه‌تى گشتى وه‌به‌رهێنانى هه‌ولێر) هه‌يه‌ به‌ڵام مۆڵه‌تيان وه‌رنه‌گرتووه‌ و له‌ ژێر مامه‌ڵه‌ دان، ئاگادار ده‌كه‌ينه‌وه‌، به‌هيچ شێوه‌يه‌ك نابێت مامه‌ڵه‌ى كڕين و فرۆشتنى (يه‌كه‌كانى نيشته‌جێ بوون) ئه‌نجام بده‌ن و رێكلام كردن بۆ فرۆشتنى (يه‌كه‌كان) له‌ ده‌زگاكانى راگه‌ياندن و تۆڕه‌ كۆمه‌ڵايه‌تيه‌كان رێگه‌ پێدراو نيه‌ تا ئه‌و كاته‌ى كه‌ مۆڵه‌تى فه‌رمى وه‌به‌رهێنان وه‌رده‌گرن، به‌ پێچه‌وانه‌وه‌ مامه‌ڵه‌كانيان به‌ ته‌واوى راده‌گيرێت و به‌رپرسيار ده‌بن به‌رامبه‌ر به‌ هاوڵاتيان و رێكارى ياسايى به‌رامبه‌ريان ده‌گيرێته‌ به‌ر.
3- سه‌رجه‌م ئه‌و وه‌به‌رهێنه‌رانه‌ى مامه‌ڵه‌ى پرۆژه‌ى (بازرگانى) يان (گه‌شتيارى) يان له‌ (به‌ڕێوبه‌رايه‌تى گشتى وه‌به‌رهێنانى هه‌ولێر) هه‌يه‌ و ته‌نانه‌ت ئه‌و پرژانه‌ى كه‌ داواكارى گۆڕينى سێكته‌رى پرۆژه‌كانيان بۆ سێكته‌رى (نيشته‌جێ بوون) پێشكه‌ش كردووه‌ و تا ئێستا رێكاره‌ ياسايى و هونه‌رييه‌كانيان ته‌واو نه‌بووه‌، ئاگادار ده‌كه‌ينه‌وه‌، كه‌ به‌ هيچ شێوه‌يه‌ك نابێت وه‌ك (يه‌كه‌ى نيشته‌جێ بوون) مامه‌ڵه‌ به‌ (يه‌كه‌ بازرگانى و گه‌شتيارييه‌كان) بكه‌ن يان كڕين و فرۆشتن به‌ (يه‌كه‌ بازرگانى و گه‌شتيارييه‌كان) بكه‌ن، به‌ پێچه‌وانه‌وه‌ مۆڵه‌تى پرۆژه‌كه‌ هه‌ڵده‌وه‌شێندرێته‌وه‌ و مامه‌ڵه‌كانيان راده‌گيرێت، به‌رپرسيار ده‌بن به‌رامبه‌ر به‌ هاوڵاتيان و رێكارى ياسايى به‌رامبه‌ريان ده‌گيرێته‌ به‌ر.
4- ليستى هاوپێچى ته‌واوى ئه‌و پرۆژانه‌ى كه‌ له‌ بوارى نيشته‌ جێ بوون مۆڵه‌يتان وه‌رگرتووه‌ له‌ وێب سايتى ده‌سته‌ى وه‌به‌رهێنان بڵاوكراونه‌ته‌وه‌
بڵاوكراوه‌ته‌وه‌ له‌ هه‌واڵ
رۆژى 28/2/2022 د. دارا جه‌ليل خه‌يات سه‌رۆكى ژوور به‌ ئاماده‌بوونى جێگران و ئه‌ندامانى ئه‌نجومه‌نى كارگێڕى ژوور پێشوازييان كرد له‌ به‌ڕێز ئايدن مه‌عروف وه‌زيرى هه‌رێمى كوردستان بۆ كاروبارى پێكهاته‌كان.
په‌يوه‌ندييه‌ بازرگانييه‌كان و ئاڵوگۆڕى شاندى بازرگانى له‌ نێوان هه‌رێمى كوردستان و وڵاتانى ده‌وروبه‌ر به‌ تايبه‌تى وڵاتى توركيا له‌م ديداره‌ باس كرا.
جه‌نجاڵى له‌ ده‌روازه‌ى ئيبراهيم خه‌ليلى نێوده‌وڵه‌تى و كێشه‌ى وه‌رگرتنى ڤيزا ته‌وه‌رێكى ترى ئه‌م ديداره‌ بوو.
سه‌رۆكى ژوور پێشنيارى كرد بۆ فراوانكردنى ده‌رگاى نێوده‌وڵه‌تى ئيبراهيم خه‌ليل، هاوشێوه‌ى ديوى وڵاتى توركيا كه‌ له‌ رێگه‌ى كۆمپانيايه‌كى توركييه‌وه‌ فراوان كراوه‌، بۆ ئه‌وه‌ى ئه‌م جه‌نجاڵيه‌ زۆره‌ كه‌مبێته‌وه‌ به‌مه‌ش تێچوو و خه‌رجى چاوه‌ڕوانى زۆر كه‌م ده‌بێته‌وه‌ و كاره‌كان زۆر به‌ خێرايى رايى ده‌كرێن، داواش له‌ به‌ڕێز ئايدن مه‌عروف كرا ئه‌م بابه‌ته‌ له‌ كۆبوونه‌وه‌ى ئه‌نجومه‌نى وه‌زيران تاوتوێ بكرێت و ژووريش له‌ لايه‌ن خۆيه‌وه‌ به‌ نوسراوێك به‌رز بكاته‌وه‌ بۆ حكومه‌تى هه‌رێمى كوردستان.
له‌ لايه‌ن خۆيه‌وه‌ وه‌زيرى هه‌رێم پاڵپشتى ئه‌م پێشنياره‌ى كرد و به‌ڵێنى دا له‌ كۆبوونه‌وه‌ى ئه‌نجومه‌ن باسى بكات.
هه‌ر له‌م كۆبوونه‌وه‌يى محه‌ممه‌د قايا سه‌رۆكى ژوورى بازرگانى شارى ئامه‌دى توركيا ئاماده‌بوو، ئه‌ويش به‌ڵێنى دا له‌ لاى خۆيه‌وه‌ كار له‌سه‌ر ئه‌م پرسه‌ بكات.
بڵاوكراوه‌ته‌وه‌ له‌ هه‌واڵ

بڵاوکراوه‌کان

ڕۆژنامه‌ی بازرگانی سه‌رده‌م

ڕێبه‌ری ژوور

هه‌واڵی چاوه‌ڕوانكراو

سعر الصرف

به‌های گۆرینه‌وه‌ی دیناری عیراقی به‌ دولاری ئه‌مری...

«
»
« July 2010 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

نرخی دراو

نرخی دراو

کەشوهەوای هه‌ولێر

ئاگاداری

Copyright © 2012 Erbil Chamber. All Rights Reserved. سه‌ره‌وه‌ ↑