رۆژی دووشەممە 22/12/2008 بە ئامادەبوونی ژمارەیەكی زۆر لە وەزیران و نوێنەری چەندین وەزارەت و دام ودەزگای حكومی و رێكخراوی پیشەیی پەیوەندیدار لە هوتێلی شیراتۆن لە رێوورەسمێكی شایستەدا ئاژانسی پەرەپێدانی نێودەولەتی ئەمریكی (USAID) دیراسەیەكی ئامادەكراوی لە توێی كتێبێكدا دەربارەی ئابووری كوردستان پێشكەش بە عوسمان شوانی وەزیری پلاندانان كرد كە لەسەر داوای وەزارەتەكەی ئاژانسەكە ئامادەی كردبوو، دیراسەكە تایبەت بوو بە هەلسەنگاندنێكی ئەو كەرتە ئابووریانەی كە گرنگن لە پێكهاتەی ئابووری كوردستان و دەكرێت سوودی زۆریان لێوەربگیرێت ئامادەكرایوو كە كەرتەكانی كشتوكال و بنیاتنان و تەكنەلۆژیای زانیاری و پەیوەندیكردن و پیشەسازی و گەشت و گوزار و بازرگانی و بانك و چەند كەرتێكی دیكەی گرتبۆوە، لەم هەلسەنگاندنەدا دەرئەنجام و بەربەست و راسپاردەكان بۆ هەر كەرتێك بەجیا لە لایەن جاك باسكال راوێژكاری ئاژانسی شرۆژەكراو دواتر لە لایەن وەزیر و نوێنەرانی دام و دەزگاكان كە ئامادەی ئەو مەراسیمە بوون قسە و باسی لەسەر كراو رەخنەو پێشنیار و بۆچوونەكان خرانەروو لە لایەن وەزیری پلاندانان و جاك باسكال وەلامی درایەوە. دارا جەلیل خەیات سەرۆكی ژوور كە لەگەل چەند ئەندامێكی دیكەی ئەنجوومەنی كارگێری ژوور لەو مەراسیمە ئامادەبوو دوای دەست حۆشی كردنی لە كارەكەیان ئەم دیراسەكردنەی بە كارێكی گرنگ لە قەلەم دا كە دەبێتە دووەمین دیراسە لەدوای ئەجیندای كار لە سالی رابردوو رێكخراوی سایپ (CIPE) ئامادەی كردبوو بە هەمان شێوە پێشكەش بە حكومەت كرا و داوای كرد كە وەزارەت و دام و دەزگا حكومیەكان سوود لەم دیراسەیە وەربگرن و هەول بدەن چارەسەری گرفت و بەربەستەكان بكەن بۆ ئەوەی كەرتی تایبەت بتوانێ بە شێوەیەكی باشتر رۆلی خۆی ببینێت و ئابووری كوردستان بچێتە قۆناغێكی باشتر.