رۆژی ١٨/٢/٢٠١٩ لە هۆتێل نۆبڵ لە شاری هەولێر بە ئامادە بوونی سۆران ئەبوبەكر جێگری سەرۆكی ژوور و ئەنوەر بەرزنجی راوێژكاری یەكێتی ژوورەكان و عەبدولواحید تەها بەرێوەبەری راگەیاندنی ژوور و بەرپرسانی هەردوو رێکخراوی GIZ و DRC لە رێوڕەسمێكدا بروانامەی بەشداربوون لە چەند خولێكی پیشەیی جیاواز دابەش كرا .
خوولەكان لەبواری دۆبلاج و چاك كردنەوەی موبایل و گرافیك دیزاین و بورگدووری بوو ، ئەركی راهێنان لە ئەستۆی رێکخراوی (DRC)ی دانمارکی و بەپالپشتی دارایی رێکخراوی( (GIZی ئەلمانی كە بۆ چەند پەنابەر و ئاوارەی ناوخۆیی و سووری رێکخستبوو بە مەبەستی بوژانەوەی سەرچاوەی گوزەرانیان لە هەرێمی کوردستان ساز كرابوو .
بەو بۆتەیەوە لە سەرداوای رێكخەرانی رێورەسمەكە هەریەك لە ئەنوەر بەرزنجی راوێژكاری یەكێتی ژوورەكان و عەبدولواحید تەها بەرێوەبەری راگەیاندنی ژوور بەجیا وتەیان پێشكەش كردو تیایدا ئاماژەیان بە گرنگی ئەو جۆرە خوولانە كرد بۆیە بەناوی ژوور دەسن خۆشیان لە هەردوو رێكخراوەكەو راهێنەرانی كرد و هیوای سەركەوتنیان بۆ بەشداربووركان خواست و ئامادەیی خۆیان بۆ هاوكاری كردنی رێكخراوەكان دەربڕی.