رۆژی 19/12/2013 دارا جەلیل خەیات سەرۆكی ژوور و بە ئامادەبوونی ئەندامانی ژوور لە سەنتەری رۆشنبیری ژووری بازرگانی و پیشەسازی هەولێر پێشوازیان لە جۆزێف پێنینگتۆن قونسوڵی گشتی ئەمریكا لە هەولێر و شاندی یاوەری كرد.
لە وتەیەكدا سەرۆكی ژوور بەخێرهاتنی كرن و هیوای خواست ئەم دانیشتن و چاوپێكەوتنە ببێتە سەرەتایەك بۆ بەهێز كردنی پەیوەندی لەگەڵا بازرگانان و خاوەنكارانی ئەمریكا بۆ ئەوەی زیاتر بە كوردستان و پێگەی ئابووری و دەرفەتەكانی كاركردن تیایدا ئاشنا ببن و وەبەرهێنانی تیادا بكەن ، ئاماژەی بە گرنگی قونسولخانەی ئەمریكا لە هەولێر كرد و پرسی پێدانی ڤیزای ئەمریكا بە هاوولاتیان لە هەولێر بە یەكێك لە كارەكانی قونسولخانەی لە قەلەمدا و داوای ئاسانكاری كردنیشی بۆ بازرگانان و خاوەن كارانی كوردستان كرد ، هەروەها باسی لە پەیوەندیە ئابووریەكانی نێوان هەرێمی كوردستان و ویلایەتە یەكگرتوەكانی ئەمریكا كرد و وتی پێمان باشە ژوور رۆل و پێگەی خۆی هەبێت لە كارا كردنی ئەو پەیوەندیانەدا .
لە لایەن خۆشیەوە قونسوڵی گشتی ئەمریكا خۆشحاڵی خۆی دەربڕی بۆئەم پێشوازییە و ووتیشی لەماوەی داهاتوو هەوڵدەدەین بازرگانانی ئەمریكا ئاشنای هەرێمی كوردستان بكەین و لە هەوڵیشداین بۆ گرنگیدانی زیاتر بە پرسی پێدانی ڤیزا بە هاوڵاتیان و فراوانكردنی كارەكانمان لەو بوارەدا .
پاشان چەندین بابەتی پەیوەندیدار بە ئابووری و كاری بازرگانی لە لایەن ئامادەبووانەوە خرانە بەر باس و گفتوگۆیان لە سەر كرا .