رۆژی 22ی حوزەیران ئەندرێ ساڤینیخ سەفیری ووڵاتی روسیای سپی لە عێراق سەردانی ژووری كرد و لە لایەن دارا جەلیل خەیات سەرۆكی ژوور پێشوازی لێكرا.
لە دیدارێكدا سەفیری رووسیای سپی رایگەیاند كە ئێمە هاتووین بۆ ئەوەی پەرە بە ئاڵوگۆڕە بازرگانیەكانمان بدەین لەگەڵ هەرێمی كوردستان و روونیشكردەوە كە ووڵاتی روسیای سپی زۆر پێشكەوتووە لە بوارەكانی پیشەسازی و تەكنەلۆژیا و ووزە و كشتوكاڵ وە لە هەوڵی ئەوەشداین لە رێگەی بەرپرسانی حكومی هەردوولاوە هێڵێكی ئاسمانی بازرگانی راستەوخۆ لە نێوان هەولێر و بلاروسیا بكەینەوە.
لە لایەن خۆشیەوە سەرۆكی ژوور زۆر بەخێرهاتنی كردن ودەست خۆشی لێكردن بۆ ئەم هەنگاوە و ووتیشی ئێمە لە لایەن خۆمانەوە هەوڵدەدەین بازرگانەكانمان بەشداری بكەن لە پێشانگا نێودەوڵەتیەكانی رووسیای سپی، وە ئامادەیی ژووریشی دەربڕی هەموو پاڵپشتیەك.
