کۆتایی ئەم مانگە شاندێکی بازرگانی وڵاتی هندستان سەردانی ژوور دەکات

رۆژی ٢٢/١١/٢٠١٨ د. دارا جەلیل خەیات سەرۆکی ژوور بە ئامادەبوونی سۆران ئەبوبەکر و مەلا مەجید سورچی جێگرانی سەرۆکی ژوور و سەدرەددین کەمال، سالار جەلال و سەرکەوت جەمال بەزاز ئەندامانی ئەنجومەنی کارگێڕی ژوور پێشوازییان کرد لە شاندێکی کونسولخانەی وڵاتی هندستان لە هەولێر کە پێکهاتبوون لە چاندرامۆلی کێرن کونسولی گشتی و چاندەر پارکاش پاشکۆی بازرگانی لە کونسوڵخانەی ناوبراو.

لە دیدارێکدا باس لە پەیوەندییە بازرگانیەکانی نێوان وڵاتی هندستان و هەرێمی کوردستان کرا.

چاندرامۆلی کێرن رایگەیاند: کونسڵخانەکەیان شاندێکی بازرگانی لە کۆتایی ئەم مانگە دەهێننە کوردستان کە پێکهاتوون لە نوێنەران و بازرگانانی ٢٧ کۆمپانیا لە گشت سێکتەرەکان.

وتیشی لە پلانمان دایە کۆتایی ئەمساڵیش شاندێکی گەورەی کۆمپانیاکانی بواری ئای تی و بنیاتنان سەردانی هەرێمی کوردستان بکەن.

کونسوڵ ئەوەشی خستە روو کە بەهێزکردنی پەیوەندییە بازرگانیەکانیان لەگەڵ هەرێمی کوردستان لە پێشەنگی کارەکانیان دا دەبێت.

لە لایەن خۆیەوە سەرۆکی ژوور خۆشحاڵی خۆی بە هاتنی ئەم شاندە دەربڕی و ئامادەیی ژووری بۆ هاوکاری و هەماهەنگی نیشاندا.

وتیشی: ژمارەیەکی بەرچاو لە بازرگانان و خاوەن کۆمپانیاکانی هەرێمی کوردستان لەگەڵ وڵاتی هندستان ئاڵوگۆڕی بازرگانیان هەیە ئێمە دەمانەوێت پەرە بە ئەم پەیوەندییە بازرگانیانە بدەین.

ئەوەشی خستە روو کە عێراق و هەرێمی کوردستان بازاڕێکی گرنگە بۆ وڵاتی هندستان و پێشبینی دەکەین ساڵی داهاتوو ئیش و کار و وەبەرهێنان بوژانەوەیەکی گەورە بەخۆیەوە ببینێت، وەبەرهێنەران و خاوەن کۆمپانیاکانی وڵاتی هندستانیش دەتوانن سووند لەم دەرفەتە وەربگرن.ن

رۆژی ٢١/١١/٢٠١٨ بە ئامادەبوونی نەوزاد هادی پارێزگاری هەولێر، د. دارا جەلیل خەیات سەرۆکی ژوور، کونسوڵی تورکیا لە هەولێر و سەرۆکی ژووری بازرگانی سلێمانی و ژمارەیەک لە بەرپرسان یەکەمین پێشانگای کشتوکاڵ و خۆراک و لەقوتونان لە پێشانگای نێودەوڵەتی هەولێر لە پارکی شەهید سامی عەبدولرەحمان کرایەوە.

٨٠ کۆمپانیای تورکی و ٢٠ کۆمپپانیای خۆماڵی بەشدارن لەم پێشانگایە تا ٤ رۆژ بەردەوام دەبلێت.