دواى پێکهێنانى لیژنەى باڵاى ئابوورى کوردستان لە لایەن سەرۆکایەتى ئەنجوومەنى وەزیرانەوە کە یەکێتى ژوورە بازرگانى و پیشەسازیەکانى کوردستان یەکێکە لە ئەندامانى ئەم لیژنەیە ، ژوورى بازرگانى و پیشەسازى هەولێر لەچوارچێوەى کاروژالاکیەکانى خۆیدا بەمەبەستى ئاگاداربوون لە کێشە و گرفتەکانى بازرگان و پیشەسازان ، وە گوآ گرتن لە را و سەرنج و پێشنیارەکانیان و بەرزکردنەوەیان بۆ لیژنەى ناوبراو بۆ چارەسەرکردن و سوود وەرگرتن لەو پێشنیارانەى کە خزمەت بە پرۆسەى بەرەو پێشبردنى ئابوورى کوردستان دەکەن ، رۆژى پێنج شەمە 12/7 لەگەل ژمارەیەک لە پیشەسازان کە لە ناوچە جیاجیاکانى پیشەسازى لە هەولێر کاردەکەن و رۆژى یەکشەممەش 15/7 لەگەل ژمارەیەکى زۆر لە بازرگانان کۆبووەوە ، لەهەریەک لەم کۆبوونەوانە باس لە پێک هێنانى لیژنە لە ناوژە جیا جیاکان کرا و کێشەو گرفتەکانیان خرایە بەر باس و رێگەچارەکانیشیان تاوو توآ کران بۆ چارەسەرى گرفتى بازرگانان و کێشەو ئاستەنگەکانى پیشەسازان لە پرۆسەى بەرهەمهێنان و شوێنەکانى کارکردن و بێ توانایى منافەسەکردنى کەل و پەلى هێنراو و پرسى پاراستنى بەرهەمى نیشتمانى گەلێک سەرنج و پێشنیار خرانە بەرباس و لێکۆلینەوە .