ڕۆژى چوار شەممە بەروارى 2007/10/24 (تیم بوچەر )پەیامنێرى ڕۆژنامەى (دەیلى تەلەگراف) ى ئەمریکى و(ماتینیاس جێباڤێر)لە ڕۆژنامەى(دێر شپێگل) ى ئەڵمانى و (ژێڤار ئیسپلوسە)لە ڕۆژنامەى (ئێلمۆندۆ)وە دواتریش کەناڵى یەکى تەلەفزیۆنى ڕوسیا لە ژوورى بازرگانى هەولێر چاوپێکەوتنێکیان لە گەڵ ئەندامانى ژوور ساز کرد سەبارەت بەوەى کە ئایا ئەو بارگرژیە سیاسیەى لە نێوان عێراق و تورکیادا هەیە هیچ کاریگەریەکى نەکردۆتە سەر بارى بازرگانى لە هەرێمى کوردستاندا ؟ لە وەڵامدا ئەندامانى ئەنجومەنى ژوورەکەمان ڕایانگەیاند:هەرچەندە ئێمە مێژوویەکمان هەیە لە بازرگانى کردن لە گەڵ تورکیاداو تورکیا خاڵێکى گرنگى بازرگانى هەرێمە، بەڵام ئەگەر ئەو سنورەش دابخرێت ئەوا کارێکى ئەوتۆ ناکاتە سەر بارى بازرگانیمان چونکە ئەوکات ئێمە ئەلتەرناتیڤمان هەیە کە ئەویش وڵاتەکانى عێراق و ئێران و سوریا و چەند وڵاتێکى ترە ، وە ئەو کۆمپانیا تورکیانەى لێرەن کە (480) کۆمپانیان زیاتر لە ئێمە لە کارى بازرگانیدا سود مەندن چونکە ئەوان لێرە کۆمپانیاى وەبەرهێن نین بەڵکو هەندێکیان بە هاوبەشى لە گەڵ کۆمپانیاکانى ئێرەو هەندێکى تریان بە هاوکارى حکومەتى هەرێم کارى ئاوەدان کردنەوە دەکەن،هەر بۆیە سەرەڕاى ئەو بارە سیاسیە ئاڵۆزە تا ئێستا یەک کۆمپانیاى تورکى نەکشاوەتەوە و بەڵکو لەم ماوەیەدا پەیوەندى بازرگانیمان لە گەڵ تورکیا لەوپەڕى باشیدایە هەر لە چەند ڕۆژى ڕابردوودا وەفدێکى بازرگانیمان بۆ شارى ئەدەنە و وەفدێکى تر کە پێکهاتبوو لە (400) گەورە بازرگان لە هەموو شارەکانى هەرێمى کوردستانەوە بۆ شارى (دیاربەکر) چوون وە پەیوەندیمان لە گەڵ هەموو ژوورە بازرگانیەکانى تورکیادا زۆر باشە......