رۆژى 3/6/2010 بەئامادەبوونى ژمارەیەک لەئەندامانى ئەنجوومەنى کارگێرى ژوور دارا جەلیل خەیات سەرۆکى ژوور و حەیدەر ابراهیم سەرۆکى ژوورى بازرگانى سویدى – عێراقى پرۆتۆکۆلێکى پەیوەندیان ئیمزاکرد ، کەبەهۆیەوە هەردوولا پابەند دەبن بە هەماهەنگى و هاوکارى کردنى یەکتر بۆئەوەى سەرمایە گوزارى لەکوردستاندا بکەن،ژووریش دەرفەتى کۆبوونەوەو بەیەکتر ناساندن و گرێدانى پەیوەندى لەگەڵ بازرگاناندا بۆکۆمپانیا سویدیەکان دەڕەخسێنێت داراجەلیل خەیات لەوتەیەکدا ئاماژەى بەگرنگى ئیمزاکردنى پرۆتۆکۆلەکەدا و وڵاتى سویدى بەوڵاتێکى دۆستى کوردو دیموکراتى و پێش کەوتوو وەسف کردو ئامادەیى خۆشى بۆپێش کەش کردنى هەموو جۆرە هاوکاریەک دەربرى بۆئەوەى وەبەرهێنەرانى سویدى بتوانن لەکوردستان دا کۆمپانیا بکەنەوە و وەبەرهێنان بکەن .