رۆژی 23/4 شاندێكی كۆمپانیای BKC بۆ دروست كردنی ماددە سەرەتاییەكانی هەموو جۆرێكی بۆیە و ماددەی كیمیاوی، بە سەرۆكایەتی عەلی عەبادی بەڕێوبەری بازرگانی كۆمپانیاكە سەردانی ژووریان كرد و لە لایەن ماجد جەلال ئەندامی ئەنجومەنی كارگێڕی ژوور پێشوازییان لێكرا.
لە دیدارێكدا شاندی میوان سوپاسی ژووریان كرد بۆ ئەم پێشوازییە و ئامانجی سەردانەكەیان بەشداری كردنە لە بازاڕەكانی هەرێمی كوردستان و هێنانی ماددە سەرەتاییەكانی هەموو جۆرێكی بۆیە بۆ هەرێم.
بەڕێوبەری بازرگانی كۆمپانیای BKC راشیگەیاند: ئەوان بە نیازن لە داهاتوویەكی نزیكدا لقێكی كۆمپانیاكەیان لە شاری هەولێر بكەنەوە، لە 15ی مانگی داهاتووشدا لە پێشانگای نێودەوڵەتی هەولێر بەشدار دەبن.
لە لایەن خۆشیەوە ماجد جەلال هیوای سەركەوتنی بۆ خواستن و پشتگیری خۆیی و ژووری بۆ ئەم هەنگاوە دەربڕی.
