شاندێكی رێكخراوی كاری نێودەوڵەتی سەر بە نەتەوە یەكگرتووەكان سەردانی ژوور دەكات
رۆژی 24ی ئەیلول شاندێكی رێكخراوی كاری نێودەوڵەتی سەر بە نەتەوە یەكگرتووەكان كە پێك هاتبوون لە سەرۆك بەشەكانی پەرەپێدان و توانا و دامەزراوە بچووكەكان وە بەیاوەری چەند شارەزایەك لە بواری پەرەپێدانی كار سەردانی ژووریان كردو لە لایەن دارا جەلیل خەیات سەرۆكی ژوور پێشوازیان لێكرا.
لە دیدارێكدا شاندی میوان باسیان لە كارو چالاكیەكانی خۆیان كرد راشیانگەیاند كە ئەوان هاتوون بۆ ئەوەی راهێنان بە گەنجەكان بكەن لە هەموو بوارێك وە بە تایبەتی بواری ئابووری وە راهێنان بەو كەسانە بكەن كە پرۆژەی بچووك و مامناوەندیان هەیەو لە سەرەتای كاردان.
سەرۆكی ژووریش ئامادەیی ژووری دەربڕی لە دابینكردنی هۆڵ و پێداویستیەكان وە پاڵپشتی خۆیی و ژووری نیشاندا بۆ هەموو هاوكارییەك.
