رێککه‌وتی 4/9/2011، به‌ڕێز دارا جه‌لیل خه‌یات سه‌رۆکی ژووری بازرگانی و پیشه‌سازی هه‌ولێر بهئامادهبوونی به‌ڕێز سۆران ئه‌بوبه‌کر جێگری سه‌رۆکی ژوور له‌باره‌گه‌ی ژوور، پێشوازی له‌به‌ڕێز ئه‌ندێراس جۆرجیۆ به‌رپرسی هۆبه‌ی ئه‌ندازیاری په‌یکه‌ری باڵه‌خانه‌کان له‌کۆمپانیای کویرزولی هێلاسی یۆنانی و شاندی یاوه‌ری کرد. لهسهرهتای چاوپێکه‌وتنه‌که‌دا، به‌ڕێز دارا جه‌لیل خه‌یات سه‌رۆکی ژوور به‌گه‌رمی به‌خێرهێنانی له‌شاندی میوان کرد و هیوای سه‌رکه‌وتنی بۆ خواستن له‌کاره‌کانیاندا. لای خۆیه‌وه، به‌ڕێز ئه‌ندێراس جۆرجیۆ وێڕای سوپاسگوزاریان له‌به‌رامبه‌ر پێشوازی لێکردنیاندا، باسی له‌سروشتی کارکردنی کۆمپانیاکه‌یان کرد که له‌بواری دروستکردنی باڵه‌خانه و خانووه‌کان به‌شێویه‌کی هاوچه‌رخ شاره‌زایه و ئاماژه‌ی به‌وه‌شدا که له‌زۆر وڵات‌دا کاری به‌رچاویان کردووه و ده‌کرێت ئه‌و خازمه‌تگوزارییانه‌ش بۆ کوردستان بگوازرێته‌وه، له‌م پێناوه‌شدا ده‌خوازن که لقی کۆمپانیاکه‌یان له‌هه‌ولێر بکه‌نه‌وه. لای خۆیه‌وه، به‌ڕێز خه‌یات وێڕای پێدانی رێنمایی و زانیاری پێویست به ئه‌ندامانی شاندی میوان، هاوکات ئاماژه‌ی به‌وه‌شدا که ئێستا کوردستان به‌دوای کۆمپانیاگه‌لێکدا ده‌گه‌ڕێت که شاره‌زایی له‌ئاستێکی به‌رزدا بێت هه‌روه‌ها وتی:"کوردستان له‌م قۆناغه‌دا پێویستی به خزمه‌تگوزاری ئه‌و جۆره کۆمپانیایانه ده‌بێت، بۆیه کردنه‌وه‌ی لق له‌شاری هه‌ولێر ده‌رفه‌تی ئه‌وه ده‌بێت که سوودی لێ وه‌ربگیرێت. پاشان به‌ڕێز خه‌یات ئاماده‌یی ژووری به‌مه‌به‌ستی هاوکاریکردنی کۆمپانیای ناوبراو ده‌ربڕی و دیاری رێزلێنانیشی به‌خشییه ئه‌ندامانی شاندی میوان.
رێککه‌وتی 3/9/2012، بهئامادهبوونی به‌ڕێزان نه‌وزاد هادی پارێزگاری هه‌ولێر و دارا جه‌لیل خه‌یات سه‌رۆکی ژووری ژووری بازرگانی و پیشه‌سازی هه‌ولێر و سۆران ئه‌بوبه‌کر جێگری سه‌رۆکی ژوور، دووه‌مین پێشانگه‌ی نێوده‌وڵه‌تی نه‌وت و گاز له‌هه‌ولێر کرایه‌‌وه و بۆ ماوه‌ی 3 رۆژیش به‌رده‌وام ده‌بێت. له‌پێشانگاکه‌دا، 50 كۆمپانیای جیهانی له 14 وڵات له‌وانیش (ئه‌مه‌ریكا، ئیتاڵیا، ئیماڕات، توركیا، چین، رۆمانیا، كه‌نه‌دا، ئه‌ڵمانیا، قوبڕس، نه‌رویج، ئێران، سویسرا و چیك) به‌شداری تێدا ده‌كه‌ن و له‌نێویاندا چه‌ند كۆمپانیایه‌کی لۆکاڵی کوردی و عێراقی ئاماده‌بوونیان هه‌یه، هه‌روه‌ها هه‌ندێک له‌و کۆمپانیایانه بۆ یه‌که‌مین جاره که به‌شدارییان کردووه.
رێککه‌وتی 3/9/2012، به‌سه‌رپه‌ره‌شتی به‌ڕێزان دارا جه‌لیل خه‌یات سه‌رۆکی یه‌کێتی ژووره‌کانی بازرگانی و پیشه‌سازی هه‌رێمی کوردستان و ژماره‌یه‌ک له‌ئه‌ندامانی ده‌سته‌ی کارگێڕی ژوور، کۆبوونه‌وه‌یه‌کی فراوان له‌نێوان نوێنه‌رانی10 کۆمپانیای به‌ریتانی و ژماره‌یه‌ک له‌کۆمپانیا لۆکاڵییه‌کانی کوردستان بهئامادهبوونی میدیا نێوخۆییه‌کان له‌هۆڵی کۆبوونه‌وه‌کانی ژوور به‌ڕێوه‌چوو. لهسهرهتای دیداره‌که‌دا، به‌ڕێز دارا جه‌لیل خه‌یات له‌وته‌یه‌کدا، وێڕای به‌خێرهێنانی شاندی میوان، هیوای مانه‌وه‌یه‌کی باشی بۆ خواستن له‌هه‌ولێردا و وتی:"ئێستا پهیوهندییهکانی نێوان کوردستان و به‌ریتانیا له‌ئاستێکی باشدایه و سه‌ردانی ئه‌م جۆره شاندانه‌ش بۆ کوردستان سنووری پهیوهندییهکانی نێوانمان فراوانتر ده‌کات." وتیشی:"ئێستا ره‌وشی هه‌رێم گه‌شا‌وه‌ته‌وه و سه‌قامگیر و ئارامه و بۆته ژینگه‌ییه‌کی باشی ئابووری بۆ کۆمپانیا بیانییه‌کان، بۆیه ده‌کرێت به‌ریتانییه‌کان به‌شێوه‌یه‌کی چالاکانه‌تر روو له‌هه‌رێم بکه‌ن و به‌شداری‌پێکردنیان له‌پڕۆسه‌ی ئاوه‌دانکردنه‌وه‌ی کوردستاندا شتێکی خوازراوه." لای خۆیه‌وه، به‌ڕێز ئه‌لێکس لامبێس که‌سه‌رۆکایه‌تی شانده‌که‌یانی ده‌کرد، له‌وته‌یه‌کیدا وێڕای ئاڕاسته‌کردنی سوپاسگوزاری خۆی و ئه‌ندامانی شانده‌که‌ی له‌به‌رامبه‌ر رێکخستنی ئه‌م هه‌له له‌لایه‌ن ژووری بازرگانییه‌وه بۆیان، ئامانجی سه‌ردانه‌که‌یان بۆ هه‌ولێر خسته‌روو که ئه‌ویش کۆکردنه‌وه‌ی زانیارییه له‌باره‌ی هه‌بوونی ده‌رفه‌ته‌کانی کارکردن و دروستکردنی په‌یوه‌ندییه بازرگانییه له‌گه‌ڵ کۆمپانیاکانی کوردستاندا. دواتر ئه‌ندامانی شاندی میوان وێڕای ناساندنی خۆیان و باسکردن له‌سروشتی کارکردنی کۆمپانیاکانیان، سه‌رسامی خۆیان به‌ره‌وشی کوردستان به‌گشتی و به‌تایبه‌تی که‌رته ئابوورییه‌که‌ی ده‌ربڕی و هیواشیان خواست که له‌ئاینده‌دا بتوانن لهچوارچێوهی تواناکانی خۆیاندا به‌شێوه‌یه‌کی سه‌ربه‌خۆ یان به‌هاوبه‌شی له‌گه‌ڵ کۆمپانیا لۆکاڵییه‌کان به‌شداری له‌پڕۆسه‌ی ئاوه‌دانکردنه‌وه‌ی هه‌رێمدا بکه‌ن. جێی ئاماژه‌یه، ئه‌و کۆمپانیا به‌ریتانییانه‌ی که لهچوارچێوهی ئه‌م گه‌شته‌یاندا سه‌ردانی هه‌ولێریان کردووه، له‌بواره‌کانی پێدانی پسپۆڕێتی بازرگانی، ئه‌له‌کترۆنی، پزیشکی، سیکیورتی، ئه‌ندازیاری و چه‌ند بوارێکی دیکه‌دا کار ده‌که‌ن.
رێککه‌وتی 30/8/2012، به‌ڕێز دارا جه‌لیل خه‌یات سه‌رۆکی یه‌کێتی ژووره‌کانی بازرگانی و پیشه‌سازی هه‌رێمی کوردستان له‌باره‌گه‌ی ژوور، پێشوازی له‌شاندێکی باڵای په‌رله‌مانی به‌ریتانیا کرد، که له‌به‌ڕێزان خاتوو بارونیس موریس سه‌رۆکی ئه‌نجومه‌نی ناوچه‌ی رۆژهه‌ڵاتی ناوه‌ڕاست له‌پارتی پارێزگارانی به‌ریتانیا و پێنج لۆردی دیکه‌ی به‌ریتانیای سه‌ر به‌پارتی پارێزگاران پێکهاتبوون. لهسهرهتای دیداره‌که‌دا، به‌ڕێز دارا جه‌لیل خه‌یات به‌ناوی ژووره‌کانی هه‌ولێر و سلێمانی و دهۆکه‌وه، به‌گه‌رمی به‌خێرهێنانی شاندی میوانی کرد و هیوای مانه‌وه‌یه‌کی باش و سه‌رکه‌وتنی بۆ خواستن له‌ئه‌رکه‌که‌یاندا. پاشان به‌ڕێز خه‌یات ئاماژه‌ی به‌مێژووی پهیوهندییهکانی نێوان هه‌ردوولا دا و وتی"دۆستایه‌تییه‌کی دێرین له‌نێوان کوردستان و به‌ریتانیادا هه‌یه، له‌ماوه‌ی ساڵانی رابردووشدا چه‌ند شاندێکی گه‌وره‌ی بازرگانی هه‌رێم سه‌ردانی به‌ریتانیا و ئێرله‌ندا و سکوتله‌ندایان کرد و به‌پێچه‌وانه‌شه‌وه چه‌ند شاندێكی به‌ریتانی هاتنه کوردستان و له‌میانه‌یاندا چه‌ندین چاوپێکه‌تن و دیدار و کۆبوونه‌وه‌ی فراوان سازکراوه، لێره‌شه‌وه هیواده‌خوازین که کاره هاوبه‌شه‌کانی نێوانمان به‌رده‌وام بێت." هه‌روه‌ها تیشکی خسته سه‌ر مێژووی دروستبوونی ژووری بازرگانی و پیشه‌سازی هه‌ولێر و یه‌کێتی ژووره‌کانی بازرگانی و پیشه‌سازی هه‌رێمی کوردستان و وتی:"ئێمه نزیکه‌ی 100 هه‌زار ئه‌نداممان هه‌یه، هاوکات ئه‌ندامێکی کارای یه‌کێتی ژووره‌کانی بازرگانی و پیشه‌سازی عێراقین". زیاتر وتی:"سیسته‌می ئابووریمان له‌ماوه‌ی چه‌ند ده‌یه‌ی سه‌ده‌ی رابردوودا به‌هۆی رووداوه‌کانی شه‌ڕ و حوکمی دیکتاتۆرییه‌وه، تووشی شکست هاتبوو، به‌ڵام له‌پاش ساڵی 2003 ه‌وه پێشکه‌وتنی به‌رچاو روویان داوه به تایبه‌ت له‌هه‌رێمی کوردستاندا، که به‌شێکی بودجه‌ی عێراق به‌ر ئه‌م هه‌رێمه ده‌که‌وێت و کۆمپانیا بیانییه‌کانیش په‌یتاپه‌یتا رووی تێده‌که‌ن، ده‌رگه‌مان کراوه‌یه به‌تایبه‌ت بۆ کۆمپانیا به‌ریتانییه‌کان، که ده‌کرێت له داهاتوودا باشتر و زیاتر به‌شداری پڕۆسه‌ی ئاوه‌دانکردنه‌وه‌ی هه‌رێم بن." هه‌روه‌ها ئاماژه‌ی کرد به‌هه‌بوونی په‌یوه‌ندی به‌رده‌وام و به‌هێزی له‌نێوان یه‌کێتی ژووره‌کانی بازرگانی و پیشه‌سازی و چه‌ندین ده‌زگه‌ی ئابووری به‌ریتانیا له‌وانیش ئه‌نجومه‌نی کاری به‌ریتانی-عێراقی(IBBC). لای خۆیه‌وه، خاتوو بارونیس موریس وێڕای ده‌ربڕینی سوپاسگوزاری خۆی و ئه‌ندامانی شاندی میوان ئاماژه‌ی به‌مێژووی دروستبوونی ئه‌نجومه‌نی رۆژهه‌ڵاتی ناوه‌راستی سه‌ر به‌پارته‌که‌ی دا و وتی:"ئه‌نجومه‌نه‌که‌‌مان له‌ساڵی1981ه‌وه دامه‌زراوه و کاری ئێمه زیاتر پته‌وکردنی په‌یوه‌ندییه دوو قۆڵییه‌کانی نێوان به‌ریتانیایه له‌گه‌ڵ ئه‌و لایه‌ن و ده‌زگه و وڵاتانه‌ی که ده‌کرێت په‌یوه‌ندییان له‌گه‌ڵدا ببه‌ستین، بۆیه ده‌مانه‌وێت که په‌ره به‌په‌یوه‌ندییه‌کانمان له‌گه‌ڵ هه‌رێمی کوردستاندا بده‌ین." دواتر ئه‌ندامانی شاندی میوان وێڕای ناساندنی خۆیان، به‌کورتی ئامانجی سه‌ردانه‌کانیان خسته روو، که‌سه‌رجه‌میان له‌کۆکردنه‌وه‌ی زانیارییه‌کان له‌باره‌ی ره‌وشی کوردستان ده‌بینییه‌وه بۆ مه‌به‌ستی هاتنی وه‌به‌رهێنه‌رانی ئه‌و ناوچانه‌ی که نوێنه‌رایه‌تییان ده‌که‌ن له‌په‌رله‌مانی وڵاته‌که‌یاندا. له‌کۆتایی دیداره‌که‌شدا، به‌ڕێز خه‌یات دیاری رێزلێنانی ژووری به‌خشییه ئه‌ندامانی شاندی میوان و ئاماده‌یی ژووریشی به‌مه‌بستی هاوکاری و یارمه‌تدانی شاندی میوان و هه‌ر شاندێکی دیکه‌ی به‌ریتانیا خسته روو که له‌ئاینده‌دا سه‌ردانی هه‌رێم ده‌که‌ن.
رێککه‌وتی29/8/2012، بهئامادهبوونی به‌ڕێزان دارا جه‌لیل خه‌یات سه‌رۆکی یه‌کێتی ژووره‌کانی بازرگانی و پیشه‌سازی هه‌رێمی کوردستان و ژماره‌یه‌ک له‌ئه‌ندامانی ده‌سه‌ته‌ی کارگێڕی ژووری بازرگانی و پیشه‌سازی هه‌ولێر و نوێنه‌ری ژماره‌یه‌ک له‌وه‌زاره‌ته‌کانی حکومه‌تی هه‌رێم، سیمنیارێک له‌باره‌ی ئاماده‌کاری و دانووستانه‌کانی عێراق به‌مه‌به‌ستی به‌ئه‌ندامبوونی له‌رێکخراوی بازرگانی جیهانی له‌لایه‌ن به‌ڕێزان خاتوو سۆلاڤه سه‌میر به‌ڕێوه‌به‌ری هۆبه‌ی که‌رتی تایبه‌ت و خاتوو سه‌وسه‌ن مه‌حمود به‌ڕێوه‌به‌ری هۆبه‌ی بازرگانی و کاڵاکان له‌وه‌زاره‌تی بازرگانی عێراقی فیدراڵ له‌هۆڵی کۆبوونه‌وه‌کانی ژوور به‌ڕێوه‌چوو. لهسهرهتای سیمنیاره‌که‌دا، به‌ڕێز دارا جه‌لیل خه‌یات به‌گه‌رمی به‌خێرهێنانی کۆڕگێڕان و میوانانی کرد و هیوای خواست که ئه‌م سیمیناره‌یان ببێته هۆکارێک بۆ زیاتر لێتێگه‌یشتنی لایه‌نه په‌یوه‌نداره‌کان به‌بابه‌ته‌کانی چۆنێتی به‌ئه‌ندامبوونی عێراق له‌رێکخراوی بازرگانی جیهانی‌دا و وتی:"تاکو ئێستا بۆ ئه‌م مه‌به‌سته زۆر هه‌وڵدراوه و ساڵانێکه له‌م پێناوه‌دا دانووستان له‌نێوان لایه‌نه په‌یوه‌نداره‌کانی عێراق و بهرپرسانی ئه‌و رێکخراوه‌دا ئه‌نجام دراوه، بۆ نموونه‌ش حکومه‌تی هه‌رێمی کوردستان لیژنه‌یه‌کی تایبه‌تمه‌ندی دروستکردووه و له‌کاردایه." زیاتر روونیکردهوه و وتی:"ئێمه هیوادارین که نێوماڵی بازرگانی عێراقی به‌داڕشتنی یاسای نوێ و رێنمایی تازه و پێداچوونه‌وه و هه‌موارکردنه‌وه‌ی یاسا کۆنه‌کان له‌بواره‌کانی بازرگانی و پیشه‌سازی یه‌ک بکرێت و رێک بخرێته‌وه". پاشان خاتوو سۆلاڤه سه‌میر له‌پێشه‌کییه‌کی به‌رنامه‌ی سیمیناره‌که‌یاندا، وێڕای ئاڕاسته‌کردنی سوپاسگوزاری خۆیان و وه‌زاره‌تی بازرگانی عێراق له‌به‌رامبه‌ر ئه‌م جۆره کارانه‌ی ژووری بازرگانی و پیشه‌سازی هه‌ولێردا، ئاماژه‌ی به‌هه‌ماهه‌نگی و هاوکاری نێوان هه‌ردوو حکومه‌تی به‌غدا و هه‌رێم کرد، به‌مه‌به‌ستی به‌دیهاتنی ئه‌و ئامانجه هاوبه‌شه که ئه‌ویش هه‌وڵدانیانه له‌پێناو چوونه پاڵی عێراق بۆ رێکخراوی بازرگانی جیهانی. هه‌روه‌ها روونیکردهوه و وتی:"ئه‌م جۆره سیمینار‌انه به‌مه‌به‌ستی هۆشیار‌کردنه‌وه‌یه له‌باره‌ی هه‌وڵ و کاره‌کان و زانینی سوود و زیانه‌کانی چوونه پاڵی عێراق بۆ ریكخراوه‌که، هه‌روه‌ها دواهه‌مین کاریشمان نابێت و بۆ پارێزگایه‌کانی دیکه‌ی هه‌رێمی ده‌گوازینه‌وه". هه‌روه‌ها وتی:"هه‌ولێر زۆر هه‌وڵی بۆ پێشخستنی که‌رتی ئابووری عێراق داوه و رۆڵێکی زۆر چالاک ده‌بینێت". دواتر به‌ڕێز خاتوو سه‌وسه‌ن مه‌حمود له‌رێی داتاشۆوه، قۆناخه‌کانی پێکهێنانی رێکخراوی بازرگانی جیهانی و چۆنێتی به‌ئه‌ندامبوونی وڵاتان و ژماره‌یان له‌و رێکخراوه‌دا روون کرده‌وه. هه‌روه‌ها به‌تایبه‌تتر، مێژووی دانووستانه‌کانی نێوان عێراق و رێکخراوی بازرگانی باسکرد، که له‌یه‌که‌م کۆنفڕانس و کۆنگره‌دا عێراق به‌شداری کردووه، به‌ڵام دواتر کشاوه‌ته‌وه، له‌پاش ساڵی 2004یش هه‌وڵه‌کان بۆ گه‌ڕانه‌وه و به‌ئه‌ندامبوونی عێراق له‌و رێکخراوه‌دا و له‌لایه‌ن پسۆڕان و بهرپرسانی شاره‌زای عێراقی به‌گه‌ڕخراونه‌ته‌وه، به‌شێوه‌یه‌ک پاش ئه‌وه‌ی عێراق داواکاری خۆی پێشکه‌ش ده‌کات، به‌سیفه‌تی چاودێر له‌لایه‌ن وڵاتانی ئه‌ندامه‌وه په‌سه‌ند ده‌کرێت. جێ ئاماژه‌یه، بیرۆکه‌ی دروستبوونی رێکخراوی بازرگانی جیهانی ده‌گه‌ڕێته‌وه بۆ پاش کۆتایهاتنی جه‌نگی جیهانی دووه‌م و بۆ ساڵی 1944، رێکخراوه‌که ده‌زگه‌یه‌که به‌پێی بنه‌ما یاسا نێوده‌وڵه‌تییه‌کان و له‌ئاستی باڵادا کاری بازرگانی له‌نێوان وڵاتانی ئه‌ندام رێکده‌خات، هه‌روه‌ها مینبه‌رێکه بۆ ئازادکردنی کاروباره‌کانی بازرگانی له کۆت و به‌نده‌کان و کێشه بازرگانییه‌کانی نێوان وڵاتان یه‌کلایی ده‌کاته‌وه، تاکو ئێستاش 157 وڵات له‌م ده‌زگه جیهانیییه‌دا ئه‌ندامن، زۆربه‌یان پاش ساڵانێکی زۆری دانووستاندن توانیویانه ئه‌ندامێتی خۆیان له‌و رێکخراوه‌دا به‌ده‌ست بێنن.
رێککه‌وتی 27/8/2012، به‌ڕێز دارا جه‌لیل خه‌یات سه‌رۆکی ژووری بازرگانی و پیشه‌سازی هه‌ولێر له‌باره‌گه‌ی ژوور، پێشوازی له‌به‌ڕێزان که‌یس دێمپستێر جێگری سه‌رۆکی هۆبه‌ی کڕین و فرۆشتن و مایکڵ سی مالۆن به‌ڕێوه‌به‌ری جێبه‌جێکار و به‌سام ئیسماعیل به‌ڕێوه‌به‌ری کڕین و فرۆشتن له‌کۆمپانیای (ئێف ئێم ئێس)ی ئه‌مه‌ریکی کرد. لهسهرهتای دیداره‌که‌دا، به‌ڕێز دارا جه‌لیل خه‌یات سه‌رۆکی ژوور به‌گه‌رمی به‌خێرهێنانی شاندی میوانی کرد و هیوای مانه‌وه‌یه‌کی باشی بۆ خواستن له‌هه‌ولێری پایته‌ختدا. لای خۆیه‌وه، به‌ڕێز که‌یس دێمپستێر وێڕای ده‌ربڕینی سوپاسگوزاری خۆی و شاندی یاوه‌ری له‌به‌رامبه‌ر پێشوازی لێکردنیاندا، هاته سه‌ر باسی سروشتی کاری کۆمپانیاکه‌یان و وتی:"کۆمپانیاکه‌ی ئێمه له‌سه‌ر ئاستی نێوده‌وڵه‌تی کار ده‌کات و له‌چه‌ندین وڵاتی جیهاندا لقی کردۆته‌وه، کاره‌کانی لهچوارچێوهی هه‌ڵکه‌ندنی بیره نه‌وتییه‌کاندایه" هه‌روه‌ها ئامانجی سه‌رد‌انه‌که‌ی بۆ ژوور خسته‌روو و وتی:"خوازیارین که له‌کوردستاندا وه‌ک هه‌ر کۆمپانیایه‌کی دیکه‌ی جیهانی بتوانین ده‌ست به پێشکه‌شکردنی خزمه‌تگوزارییه‌کانمان بکه‌ین." لای خۆیه‌وه، به‌ڕێز خه‌یات به‌شاندی میوانی راگه‌یاند و وتی:"ئێستا له کوردستاندا ره‌وشه‌که بۆ هه‌ر کۆمپانیایه‌کی بیانی و ناوخۆییش له‌باره، ئێستا هه‌لی کارکردن له‌به‌رده‌ستدایه چونکه کوردستان له‌سه‌ره‌تایه‌کی مێژوویدایه بۆ گه‌یشتن به‌قۆناغێکی زێڕین و گه‌شه‌سه‌ندوو، نابێت وه‌به‌رهێنه‌ران و بازرگانان له‌ده‌ستی بده‌ن، هاوکات تیشکیشی خسته سه‌ر که‌رتی نه‌وت له کوردستاندا که ئێستا ژماره‌یه‌کی به‌رچاوی کۆمپانیای به‌ناوبانگی جیهانی کاری تێدا ده‌که‌ن. هه‌روه‌ها به‌ڕێز خه‌یات، زانیاریشی له‌باره‌ی چۆنێتی پێشکه‌شکردنی خزمه‌تگوزارییه‌کانی ژوور به‌کۆمپانیا و بازرگانان و چۆنێتی دامه‌زراندنی کۆمپانیا یان کردنه‌وه‌ی لقی کۆمپانیا بیانییه‌کان له‌کوردستاندا پێشکه‌ش به‌شاندی میوان کرد، هاوکات ئاماده‌یی ژووریشی به‌مه‌به‌ستی هاوکاریکردنی شاندی میوان ده‌ربڕی.
1$=1488
به‌های گۆرینه‌وه‌ی دیناری عیراقی به دولاری ئه‌مری...
