رۆژى 3/6/2010 داراجەلیل خەیات سەرۆکى ژوور پێشوازى لەشاندێکى کۆمەڵەى دۆستایەتى کوردى –ژاپۆنى کرد کەپێک هاتبوولە (تسایوشى مۆریمۆتۆ) بەرێوەبەرى گشتى ئیفیسى کوردستانى کۆمپانیاى تایچی هۆلدینگز (ئوسامو کاکاناشى) بەرێوەبەرى جێبەجێکارى کۆمپانیاکە و سەرۆک و ئەندامانى کۆمەڵەى دۆستایەتى کوردى – ژاپۆنی. لەدانیشتنێکدا سەرۆکى ژوور خۆشحاڵى خۆى لەبەرامبەر سەردانە کەیان دەربڕى و هیواى خواست کە کۆمەڵەکەیان تەکەنێکى باشى بەبەرەو پێش بردنى پەیوەندى نێوان هەرێمى کوردستان وڵاتى ژاپۆن بدات لەهەردوو بوارى کۆمەڵایەتى و ئابوورى (تسایوشى) سوپاسگوزارى خۆى ئاراستەى سەرۆکى ژوور کردو دڵخۆشى خۆى لەبەرامبەر بەرەو پێش چوونى هەرێمى کوردستان و حەزى گەلى کورد لەدۆستایەتى کردن و ڕێز گرتنیان لەخەلکى بیانى و بەتایبەتى ژاپۆنیەکان دەربڕى هەروەها تەئکیدى لەسەر هەوڵەکانى کۆمەڵەکەیان کردەوە بۆگرنگیدان بەولایەنانەى کەخزمەت بەبەهێز کردنى پەیوەندى و دۆستایەتى لەنێوان گەلى کوردستان وگەلى ژاپۆندا دەکەن . هەروەها لەدانشتنەکەیاندا باسیان لە گەلێک بابەت و لایەنى گرنگى ئابوورى و وەبەرهێنان و گەشتیارى دا کرد،واچاوەڕوان دەکرێت کۆمەڵەى دۆستایەتى کوردى – ژاپۆنى بەهەماهەنگى لەگەڵ ژووردا گەشتێکى بازرگانى وگەشتیارى بۆ ژمارەیەک لەبازرگانانى کوردستان سازبکات بەمەبەستى زیاتر لەیەکتر نزیک بوونەوە و ئەنجامدانى کارى بازرگانى و پەیوەندى ئابوورى .