رۆژى یەکشەممە 1/2/2009 بە ئامادەبوونى دارا جەلیل خەیات سەرۆکى ژوور و ژمارەیەک لە ئەندامانى ئەنجوومەنى کارگێرى و جان بیر لیمۆزان سەرۆکى ژوورى بازرگانى و پیشەسازى هەرێمى (لیمۆج) ى فەرەنسى لە هۆلى ژوورى بازرگانى بەبەشدارى ژمارەیەکى زۆر لە بازرگان و پیشەساز و خاوەن کۆمپانیاى کوردستان و فەرەنسا کۆبونەوەیەکى فراوان سازکرا بەمەبەستى دروستکردنى پەیوەندى و خستنەرووى زانیارى و کەم و کوریەکانى کوردستان لە بوارى پیشەسازى و کشتوکال و بەیتەرە بە ئامانجى بەشداریکردنى کۆمپانیا فەرەنسیەکان لە پرۆسەى ئاوەدان کردنەوەى کوردستان و بەستنى پەیوەندى لە نێوان کۆمپانیاکانى کوردستان و کۆمپانیا فەرەنسیەکان . لە درێژەى کۆبوونەوەکەدا هەریەک لە شاندى میوان خۆیان ناساند و دواتر بەشداربوان باسیان لە پرۆژە و گرفتەکانى کەرتى پیشەسازى کشتوکالى کرد و راو و سەرنجیان بۆ چارەسەرکردنیان گۆریەوە